2014年1月13日 星期一

Day 1 of 8 香港 ─ 台北市

因為這一次的行程比較充實,所以1733未能在每一天給大家來個追蹤報導。唯有在回港後盡快把這幾天的行程寫出來跟大家分享一下。

2014年1月4日 (星期六) 天陰


原定行程:香港國際機場 → 台灣桃園國際機場 → Blog友單車客到機場接機 → 與Blog友在台北週邊漫遊 → 台北市凡登台北商務旅店。

住宿:
台北市凡登台北商務旅店



實際行程:香港國際機場 → 台灣桃園國際機場 → 木柵動物園 → 象山(拍攝台北市夜景) → 台北市凡登台北商務旅店。

住宿:台北市凡登台北商務旅店

地址:台北大安區,忠孝東路四段197號12樓。
電話:(02)8771-0857


房型雙人房 (雙人床、無窗、無浴缸)

房價:696港元 (包早餐) 經agoda.com訂房。



今天搭乘中華航空 CI2678航班。航班預計07:55起飛,09:30到達台灣桃園國際機場。1733在06:30便已到達香港國際機場。在check-in櫃台領取登機證及托運行李後。在過海關及辦妥出境手續後便一如既往去吃早餐。




早上帶霧的香港國際機場
 
航機準時在07:55被推離開登機橋,很快亦已爬上了萬呎高空。空中服務員亦開始忙於派發早餐。哈哈,剛剛才吃過早餐,1733竟又可以再吃?不是吧?說真的,華航的早餐還算不錯啊!
 
  
航班較原定時間為早降落台灣桃園國際機場。辦入境手續花了一點時間,其實就只有我們這一航班的幾百人而已,如果台灣當局能以人為本,便可以改善入境旅客花在排隊等候入境的時間。
 
 
又因為時間花在等候入境,所以辦妥入境手續後,在行李運送帶上已看到我們的行李了。
 
 
走到接機大堂,1733便往有關的電訊商購買上網 + 電話咭。以往1733都是購買大哥大的電訊咭,今次也不例外。但排隊買咭的人很多(應該全是香港人)。在排隊的時候,有一名台灣人問我,為什麼老是要買大哥大的電訊咭,中華電訊及大哥大各套餐都是一樣,但中華電訊的接收能力是最好的。
 
 
其實1733不知道那一間電訊公司的接收能力最好,但想想中華電訊不需要排隊,也可以一試。就這樣,我們便選購了10天無限上網 + 100元台幣電話通話費這一個套餐。售價是500元台幣。100元台幣的通話費對1733來說已經很夠用了。我們在這八天的行程裏,曾打過幾個電話,當然每個電話的通話時間都是很短。查閱後知道共收費幾元台幣而已。
 
上了單車客的汽車後,我們先到今晚住宿的飯店 ─ 凡登台北商務旅店Check-in。因為到達飯店的時間大約是11:15,飯店只可以替我們預先登記,而我們要在15:30才可以正式入住。所以我們先把行李寄存在飯店,跟著便往兌換台幣。而單車客便把車子停放在他家附近,我們已約好在某捷運站集合,一起往木柵動物園。
 
 

台北市,大安區,中孝東路四段。
 

位置設在這大廈12樓的凡登台北商務旅店
 
這一次1733並沒有選擇在香港或在桃園機場找換店兌換台幣,而是選擇在台灣的銀行從提款機直接提取台幣。當然,如果大家選擇1733這一種兌換方法,就必先要自己持有一張有銀聯標籤的提款咭及在出發前,先辦妥啟動在外地可以提款手續的功能啊!這一手續,可以在有關的銀行櫃台、提款機或在網上辦理。
 
在貼有銀聯標籤的提款機提取了台幣後,我們便步行往鄰近的中孝復興捷運站。原來在捷運站內也有站上銀聯標籤的提款機可用,太方便了。不過當時是不會知道匯率是多數的,要上自己香港銀行的理財網頁才可以check到有關的匯率。
 
   

自助售票機

 兩張往木柵站的單程票,每張30台幣 (7.8港元) 。

 

中孝復興捷運站 ─ 板南線 

中孝復興站內,有兩條捷運線,分別是板南線及文湖線。我們的目的地是木柵動物園,所以要選擇文湖線啊!
 
 

文湖線捷運
 
不知道大家有沒有留意到這列車跟你在台北曾經搭乘過的列車有什麼分別呢?
 
1733從單車客知道,原來台北現時運行的五條捷運當中,就只這一條文湖線的列車跟其他四條路線的列車完全不同的。當中最主要的分別是文湖線列車是以膠輪行駛,而其他四條捷運都是以鋼鐵輪行駛。另外就是文湖線列車是以兩個車廂為一組,一列車共有兩組車廂。其他路線的列車車廂的數目比文湖線多出很多。又由於文湖線跟其他線路的捷運採用不同的行車系統,所以文湖線不能與其他線路共同使用同一個車站內的路軌。
 
 

木柵動物園售票處 
 
開放時間:每天09:00至17:00
 
入場收費:成人60台幣 (16港元)
                    小童6歲以下免費
                    小童6至12歲30台幣 (8港元)
 
1733自2007年開始在台灣展開自駕遊以來,很少有機會搭乘捷運。而木柵動物園也是頭一次入內參觀。
 

木柵動物園園區導覽圖
 
 
購票入場後,我們先到園區內的麥當奴快餐買外賣做午餐。食飽後,第一個到的是兒童動物區。
 
 

羊駝
 

雙峰駱駝
 


竺鼠
台灣叫天竺鼠,香港叫葵鼠
 
 
水牛 

 

鸚鵡
 
離開兒童動物區,我們便走進無尾熊館(即香港叫樹熊)。
 
  

熟睡中的樹熊

 
 樹熊,在一般人的記憶裏可能是很會睡的。不是嗎?
 


很精靈的樹熊
 
這一隻樹熊就不同了,第一眼看到牠,牠正在吃樹葉。跟著便一直看著我們,好像有失散重逢的感覺啊!
 
 
跟樹熊說聲再見便到大熊貓館。
 

大熊貓爸爸 ─ 團團
 
我們預算排隊20至30分鐘才可以進入大熊貓館,但出乎意料之外一點也不需要排隊。但在大熊貓館內,只看到正在酣睡的大熊貓爸爸,而大熊貓媽媽及熊貓小寶就遍尋不獲。後來才知道兩母子這一天去了開記者招待會,記者朋友發放一些牠們的近況。
 
 
 

水生植物園
 

單峰駱駝
 

雙峰駱駝
沙漠動物園內的兩個不同品種駱駝。
 
 
我們繼續往斜坡上走,我們到了河馬廣場。但廣場正在擴建中,所以我們只能在很一個水池內偶爾看到可愛的河馬 從水裏把大頭伸沒水面的一刻及牠們露出水面的龐大背部而已。
 
 
 

 大河馬
 

侏儒河馬媽媽
 

侏儒河馬BB
 
下一站澳洲動物園區
  

 
 這兩隻不是鴕鳥,是鴯鶓呀!不過體型都好大隻。
 
 

南方食火雞
 這一隻食火雞跟西方人在聖誕節前所吃的火雞是不同種的。
 
在澳洲動物區竟然看不到袋鼠,真的有點莫名其妙。離開澳洲,很快就飛到,啊不是,是走到非洲動物區。
 

長頸鹿
 

斑馬

伊蘭羚羊
 
 

雌獅子



東非條紋羚



白犀牛

 

狐猴 
 

赤猴
 

黑猩猩 
 

金剛猩猩
 
 

東非狒狒 

 

斑點鬣狗
 
好快我們就走進溫帶動物區了。
 
 

蒙古馬
 

 沅熊
 
 
美洲山獅

  

美洲野牛
 最後我們到了企鵝館。
 

帝皇企鵝
 
認識1733較長時間的blog友還記得1733早期在Yahoo blog的頭像就是這一種企鵝嗎?
 
 
 
由於單車客安排了1733到他的私房景點拍攝台北市夜景,所以我們就在鳥園廣場附近的鳥園站搭乘收費5台幣 (1.3港元) 的遊客列車返回動物園出入口處。 我們搭乘捷運再轉乘單車客的汽車到象山拍攝夜景。
 
其實木柵動物園我們還未玩透,所以以後的時間我們會再這動物園。不過就一定不會在夏天的時候,原因這動物園佔地很廣,但所種植的樹木並不多。在猛烈的陽光下遊玩,應該會很辛苦的。
 
 我們大約在15:30離開木柵動物園,約在16:30到達象山。
 
 
 
 1733@象山

單車客將車子停好,我們便沿小梯級上山,約走了20分鐘,便到了單車客的私房景點了。
 


 
 
 
架設好腳架,預備好相機,天還未有黑。就在這時,1733便襯機請教單車客拍攝夜景的方法與技巧。 
 
單車客說不知道是什麼原因,今天的101大樓仍未亮燈。 最後我們等到18:00便執拾離開這一個私房景點。單車客說其這一個所謂私房點,在新年放煙火時一家會有很多人在此地觀賞煙火。
 
離開這個私房點並不代表離開象山,我們只是在往山上走而已。今天的氣溫比較低,也有一點風。但看來完全沒有影響到此談心的戀人啊!
 
 
 
拍攝完這一張照片的時間大約是18:30,我們便離開象山,前往台北市永康街附近用晚餐。
Blog友帶我們到有四十年多年歷史的老張牛肉麵店
  




辣味牛肉麵 (大) 200台幣 (53港元)
 
這一碗辣味牛肉麵即是香港人所說的紅燒牛肉麵,是blog友點的。我試了一點,嘗到只有辣的香味而沒有辣味,而且還帶有酸甜的味道,很特別。下次有機會,我可能會嘗試吃一碗。
 

另外,這店的牛肉鬆軟、香滑,好有口感。現在想起也想吃一碗啊
 
 


清燉牛肉麵 (大) 200台幣,小180台幣 (50港元)各一碗。
 
 
 超好味的清燉牛肉麵也是值得推薦。
 


蒸排骨 110台幣 (29港元)

這一個粉蒸排骨我倆第一次品嚐。勿看飯滿裝得老高的樣子,其實隻的下面是有排骨及地瓜,也不很大碗。1733覺得味道就一般。
 
飯後Blog友帶我們到永康街走走,並推薦一些食店給我們。
 
 

天津蔥抓蛋
 
想吃蛋餅都要大排長龍,可想言之蛋餅的味道是如何了。
 



思慕昔



日藥本舖 
 
我們並沒有病痛,只是團友想買一些日本成藥而已。不過最終都買不到想買的藥物,只買了一盒維他命B。 
 
 
買完藥,經過賣軟雪糕的店舖,單車客說很想吃軟雪糕,所以單車客及團友各買了一枝,並說味道很好。


今天的最後一個景點就是大安森林公園站 。為什麼會到這一個捷運站,其實是想拍這一個捷運站的夜景,只是1733的技術有限,拍不出她的味道而且。 
 


 

大安森林公園站 
拍攝完後,便往取車。又要勞煩單車客送我倆回飯店。下車前已約定單車客明天的集合時間及地點了。
 
因為今天早上只辦妥Check-in手續,所以要再往Check-in櫃台才知道今天住的房號。飯店地址寫的是本大廈的12樓,但服務員跟我們說帶我們到14樓。到了14樓,發覺並不是飯店的範圍。這一層有著不同的店舖。走了幾步,服務員跟我們說要用電子鎖匙先開啟沒有招牌的大門,再往走廊走,才到我們住的房間。感覺這一層住宿並不合法,這一間飯店已被1733列入黑名單了。
 


14樓雙人
 
這房間沒有窗在訂房時已清楚,當時並沒有覺得怎樣。但從進入房間的路上所看到的有感覺這房間其實會有一定的危險。試想想,當有火災出現的時候,因為沒有窗的關係,消防人員很難會知道那一些是飯店房間,而住客亦沒有機會讓消防人員知道被困的所在地啊!

今天也實在很累了,也再不能想得太多,洗澡後便倒頭大睡了。
 
按下面的連結,可以直接到有關的blog。
 

102 則留言:

  1. 嘩, 師公好快手1噃 . . .>:)

    回覆刪除
    回覆
    1. 係呀!無辦法,欠大家的旅遊blog實在太多了。

      刪除
  2. 捷運列車有什麼分別呢? 好像同我影的一樣( 最後兩張) http://huinerissa.blogspot.hk/2011/05/2011_18.html

    回覆刪除
    回覆
    1. 呀,睇到解釋嘞,我仲以為你講你影依架同我地見到既唔同呢?

      刪除
    2. 一初見到這列車以為佢因為少D人搭,所以短D啫。原來仲有其他既分別既。

      刪除
    3. 有時我見到捷運,或者泰國BTS,沖縄yurail,高架式鉄路,點解當年香港輕鉄咁樣?人車爭路,好唔方便。D站又無得商業化,浪費。

      刪除
    4. 香港嗰時就失敗啦!都唔知有無諗過長遠既發展既。攪到而家元朗勁塞車,跟本就係死症,仲邊度有得改吖。

      刪除
    5. 香港啲官用邊度諗野就係人都知!

      刪除
    6. 真係唔知佢地當時係點諗法架。

      刪除
    7. 年近歲晚,直頭唔可以揸車入去元朗。

      刪除
    8. 輕鉄,傳聞當時英國臨走撈一大筆,將過氣鉄路系統賣過來掠水。

      刪除
    9. 唔去唔得喎,我要返工噃。

      刪除
    10. 呢個傳聞我都會信架。

      刪除
  3. 木柵動物園,好似幾好喎。我第一次帶女出國,都諗住先去台灣,短程方便。木柵動物園係頭號景點。(不過都未成事)。

    回覆刪除
    回覆
    1. 木柵動物園我是會再去架。個動物園真係好大好大,嗰日我地都行唔晒。同時入場費又勁平,動物又多,去邊處搵呀!
      不過就千其唔好下天去,因為無乜樹,會勁晒勁熱,會無心機行架。

      刪除
    2. 原來木柵動物園喺貓空站,我經過不過冇入到去。

      刪除
    3. 去木柵動物園可以玩一整日架,如果玩得仔細一點,仲唔得添架。我嗰次貓空都冇去木柵動物園啊。

      刪除
    4. 冬天去好好多, SUMMER重會大陣味呢~~~

      刪除
    5. 哈哈,呢樣我都無諗到添。

      刪除
  4. 台北住宿都幾貴喎,差不多七佰港元都無窗無浴缸!

    回覆刪除
    回覆
    1. 台北車站附近酒店就一定貴喇!! 不過我住過一間好平, 房間夠晒大, 仲要係台北車站對面, 但應該唔多啱你地一家大細, 因為樓下好翕dup.... >:)

      刪除
    2. 平時我無乜在台北市住宿架,呢間咁近捷運都唔算貴架喇。不過我唔再住第二次囉。原因唔係無浴缸,而係無窗。當有火災時,變燒豬既機會好大。

      刪除
    3. 選擇住宿最重要係安全,其次係乾淨、寧靜。因為我以自駕遊為主,所以要有地方泊車。

      刪除
    4. 台北車站對面有翕dup住宿??
      我好耐無去台灣,最後係04年,阿扁“所謂被槍擊”第二天飛。去幾次都住台北站對面,以前叫Hilton,依家叫凱撒(?),因為唔識揀,被agent點去。事後返來,話果間好猛。:D

      刪除
    5. http://www.hopehotel.com.tw/?ptype=hotel
      酒店係5樓, 房間整潔, 不過樓下好翕dup >:)

      刪除
    6. 台北車站對面有翕dup住宿??
      呢個問題要蜻蜓答你喇。
      咁你嗰次有無遇到D乜野呀?

      刪除
    7. 真係又好平喎。有無留下既翕dup 樣睇下呀?

      刪除
    8. コーさん, 最猛嗰間叫"驚"Hyatt, 101嗰邊.

      刪除
    9. 我諗我住過最"翕dup"既叫做"金財神", 都係近台北車站附近既中華路, 全幢都係唔同既旅館, 仲有時租添, 不過自從同個女一齊去都無住, 因為怕危險.

      刪除
    10. 啊, 唔記得影添, 好似一般殘舊大廈入口咁, 搭lift上到4/F有個counter仔, 後面就係房間, 走廊盡頭有lift到另一邊大廈出口, 可能俾人感覺唔太安全, 我就ok囉, 因為地點好鬼方便(一邊書局街一邊三越, 對面就台北車站), 房夠大又好企理!!

      刪除
    11. @大小姐,果間有聽過,話有兩大條符係大堂!

      刪除
    12. 我住呢間就唔up dup,不過上到去check-in counter 就覺得暗,有時鐘feel。
      仲有,間飯店本來話是在12樓,但到入住時就比左14樓我地。上到14樓又唔係全層,只佔一部份咋。入門口又無招牌,所以覺得唔安全。火燭既時候都唔知有無人知,就算有,都唔知點入黎救你,因為入門口係無人看門口,係要用鎖匙咭開門架。

      刪除
    13. コーさん,兩大條符係大堂?咁神奇,咁都仲可以做生意?

      刪除
    14. 1733,係呀,我聽過好多次,而且見過幅相。應該唔係老作。http://goo.gl/RDglAO

      刪除
    15. 蜻蜓,看過street view,樓下唔係好up dup姐,反而望上去就殘D。
      http://goo.gl/maps/QMC6I

      刪除
    16. コーさん,我耳背,未有留意過添。

      刪除
    17. 睇黎入住既房客以背包客多D。

      刪除
    18. コーさん, 我諗好多人見到樓下都唔想入去囉, 始終唔似一般酒店, 地下有個門面光鮮既大堂!! 如果一家大細去, 應該會厭棄, 哈哈!! 但係房間真係好OK架, 我試過跟團住西門町一樂園, 又殘又暗, 廁所仲有頭髮, 好恐怖.........

      刪除
    19. 如果我網上book左去到先見到2條符, 可唔可以退錢, 真係成晚唔駛瞓..........

      刪除
    20. 咦, 1733你住間酒店隔離咪係度小月囉, 不過我覺得度小月啲野食麻麻地!!

      刪除
    21. 路過蜻蜓,一樂園?我在2003年沙士年代跟團住過,真係想死呀!間房好細,張床唔夠我兩個人瞓。浴室連洗手間又係細到唔識形容。沖涼時,入面D水會流出個房。
      最慘就係在電梯附近,嘈到成晚無得瞓。
      以後聽到(失樂園)這個名都怕怕。

      刪除
    22. 酒店隔離係咩野,完全無印象呀!
      我都係覺得度小月d野食非常麻麻,所以在台南食左一次就無再去食過喇。

      刪除
    23. 蜻蜓,我諗自已選擇得budget hotel都預咗。

      刪除
    24. 蜻蜓住間酒店好有我揸乞兒機票去台灣時住嗰d 酒店, 因為通常唔會訂定酒店, 望到乜酒店只要係平就會住.

      刪除
    25. 上次住咗六晚西門町間東龍都幾企理, 我唔覺有野, 但係返港後我老公同我講間酒店唔係幾自在.

      刪除
    26. 我認同コーさん既睇法。

      刪除
    27. 同埋依家可以用google參觀下酒店觀,先再決定。
      上次我訂了間西新宿mystays,算近車站又有駐車場,點知睇睇street view,隔離唔簡單,一枝枝木板,原來係墳場。

      http://goo.gl/maps/8RIHb

      刪除
    28. Nerissa,暫時我住過既酒店、民宿都無特別野,算好彩。

      刪除
    29. コーさん,團友在選擇住宿點時,都係用呢個方法睇睇住宿點既外觀同埋附近既環境黎用參考架。

      刪除
    30. 我都住過蜻蜓介紹果間旅店, 中文名好似叫"全家歡"
      樓下係殘舊d, 但房間&服務都ok, 最正係地點非常方便
      而近期幾個朋友去都係住福泰桔子

      刪除
    31. 有無留意消防有無問題?

      刪除
    32. 其實可以上台灣四方旅行社找房,2000台幣都有好多選擇

      刪除
    33. 幾年前都有在四方旅行社訂房架,呢幾次就少去左呢度訂房。

      刪除
  5. 師公今次帶咗枝“賓佬”tripod喎。

    回覆刪除
    回覆
    1. 我仲未買,枝腳架係單車客架。
      係呢買腳架有無介紹呢?

      刪除
    2. 我都有枝國產benro,因為平,輕。佢個design應該抄外國Gitzo,但係平一半。
      不過,相機呢家,緊係問大小姐同t先生啦。

      刪除
    3. 係喎,等我問下佢地先。

      刪除
  6. 嘩! 隊長呢篇成本教科書咁, 夠晒勁呀! 話時話, 我都未去過木栅同貓空. 又話台北大霧? 個101都影得好靚呀!

    回覆刪除
    回覆
    1. [嘩! 隊長呢篇成本教科書咁, 夠晒勁呀!]
      唔係嘛,邊夠你在FACEBOOK寫得咁好呀?
      [話時話, 我都未去過木栅同貓空]
      呢兩度都係好容易去架咋。
      [又話台北大霧? ]
      嗰日真係好大霧架,不過唔知點解,到影夜景既時候又散左好多喎。
      [個101都影得好靚呀! ]
      係佢自己靚,唔關我事架。

      刪除
    2. 隊長見笑了, 我個 D 亂咁up 又夾雜了些粗言穢語, 怎能登大雅之堂呢? 教壞細路有份. 隊長的內容豐冨又夠正氣. 完全是教科書的典範呀! 今次隊長個行程帶來好多新野, 係時候諗諗走番轉了. Thanks a lot!!

      刪除
    3. [我個 D 亂咁up]
      介紹得咁好都叫亂up,咁我都連豬up都不如啦!
      [又夾雜了些粗言穢語]
      那一些是?
      [隊長的內容豐冨又夠正氣. 完全是教科書的典範呀!]
      你意思係唔係話我好長氣呀?
      [今次個行程帶來好多新
      因為今次我無乜走山線既關係?

      刪除
    4. 過獎啦, 隊長! 乜你唔覺字裡行間夾雜了一些器官代名詞咩? 真係多謝包函了!
      隊長你個D唔係長氣, 係詳細. 真係可以跟住黎走, 好實用. 你跟我個 D 就肯定死梗啦!

      刪除
    5. [字裡行間夾雜了一些器官代名詞咩?]
      有咩?
      我寫出黎就係想同大家分享一下,有興趣既話,都可以抄少少跟住玩咁啫。

      刪除
    6. 哈哈, 你個地盤係公開架麻, 點可以有 器官架!
      其實你應該感覺到的, 我成日都講大你小你咁羅, 器官方面最斯文最多講係"整理個肺", 其他個D 係生殖科唔掂喎.

      刪除
    7. 在今時今日既社會,你講嗰D都係小兒科黎啫。

      刪除
  7. hello, 我係圓丸主人呀
    好耐無上黎留言喇
    因為之前唔知點解留極都留唔到言
    今天再試下又留到
    點解你經常去台灣都唔keep 番張當地電話咭
    我果張好似每半年增值一次就可以keep 番個no. 再用
    有時on line 訂房/訂車票,要填個當地tel no, 到時方便聯絡丫馬
    我easter plan 去宜蘭, 不過HK 無咩宜蘭資料



    回覆刪除
    回覆
    1. 你好呀圓丸主人。
      留唔到言?我都唔知點解喎。
      [點解你經常去台灣都唔keep 番張當地電話咭?]
      我有試過架,不過發現KEEP住張咭,個費用仲貴過出張新咭,咁我又無需要用舊號碼,所以次次買新咭囉。
      要宜蘭資料,我呢個BLOG大把啦!
      你想要d乜野資料呀?

      刪除
    2. 有無邊間民宿推介呀?
      但我唔係自駕遊, 最好搵間交通方便d o既
      宜蘭有咩景點值得去?
      景點與景點之間有無公共交通到架?
      (我 e d 路癡, 一離開左鐵路就唔識行)

      刪除
    3. [有無邊間民宿推介呀?]
      我去開嗰D好似唔係好啱你咁喎。
      [宜蘭有咩景點值得去?]
      我都有好多篇講宜蘭你都揀唔到?
      同時你想玩D乜野架?去幾多日?去宜蘭邊一度?純鐵路遊?

      刪除
  8. 嘩!咁快寫左第一天啦!我早過你返都未寫,唔得我都要動動筆先得hehehe...

    回覆刪除
    回覆
    1. 第一天都未寫完架。
      你米傻啦!我欠大家都不知幾多篇blog,呢次係無寫追蹤篇,所以先至開快車寫左先咋。希望我成功啦!

      刪除
    2. 都已經寫到食晚餐咧喎!
      預祝你成功啦!

      刪除
    3. 這一天既行程就真係就快寫完既。

      刪除
  9. 好快手呀,我都仲未有動力寫遊記…

    回覆刪除
  10. 我係老K呀, Long time no see, 好耐無睇同玩blog 啦, 你仲 keep 到, 加油!!
    我訂左 hk快運 (平到笑) 4月復活假後出發, 唔駛 PLAN 啦, 可以抄哂你. :)

    回覆刪除
    回覆
    1. 你好呀老k,我都好耐冇去探你喇。寫blog而家係我既興趣,暫時都唔會唔寫架。得閒就過黎睇下,吹下水吖?
      抄晒我既行程,咁比面,好呀!

      刪除
  11. 好快手喎,我上年五月個行程都未寫呀

    回覆刪除
    回覆
    1. 我邊係快手吖,呢兩個星期都無時間上blog添。

      刪除
  12. 回覆
    1. 去呢個動物園非常之底及好玩,今次未玩晒,下次又去過。

      刪除
    2. 我兩周前又去。才發現,那天我們才走不到1/2的地方。鳥園、夜行動物館、爬蟲館、亞洲動物區、台灣動物區都沒去,美洲動物區也只走部分而已。

      刪除
    3. 今天我也介紹給我兩個同事去這一個動物園,不過就記著最好在天氣涼快時才去。

      刪除
  13. 老張牛肉麵常上電視:
    http://youtu.be/zwgC2H_RjcU
    不過,我還是比較喜歡桃源街牛肉麵(原本要去,找不到停車位而作罷那家!)。

    回覆刪除
    回覆
    1. 我想了一輪,也不知你是那一位,直至到你的blog一看才知道。
      那下次次可以的話帶我們到桃源街牛肉麵吖。

      刪除
  14. 1733兄, 祝你一家身壯力健, 萬事勝意!

    回覆刪除
    回覆
    1. 多謝你呀T先生,我也祝你全家新年快樂,身體健康,事事順利。

      刪除
  15. 1733兄,新年進步,龍馬精神。*\(^o^)/*

    回覆刪除
  16. 謝謝你呀,祝你身心康泰,月月去旅遊。

    回覆刪除
  17. 恭喜發財! 祝你們身體健康 ! 龍馬精神 ! 萬事如意 !

    回覆刪除
    回覆
    1. Nerissa,祝你們身體健康,去多D旅遊。

      刪除
  18. 祝你身體健康, 龍馬精神!!

    回覆刪除
    回覆
    1. Jacky,祝你身體健康,影多D蟲蟲。

      刪除
  19. 請問你去果間牛肉麵距離捷運站遠唔遠架?我下個月去台北三日,都想去試下,hehe....

    回覆刪除
    回覆
    1. 坐捷運去好方便,位置就在永康街附近,佢有自己個網頁架,你去睇下就更容易去喇。去3日咁少嘅?我3月尾4月初會去8日。

      刪除
    2. 謝謝!係呀只能去得3日,冇咁多假期呀麻,我都好想去多幾日,你就好啦去8日咁多,好羨慕喔!有時我會想,跟你去下台灣應該幾好玩,hehehe....
      嘩!你今年第二次去台灣,8月前再去多次咪會送機票囉!

      刪除
    3. 去咁少日,計起上黎你這一次台灣遊都好貴下嘛。
      我同團友都好喜歡去台灣架,因為就係好好玩囉。
      6月就會去第三次。唔知點先可以攞張免費機票呢?

      刪除
    4. 嘩!6月再去,只要留下每次來回程登機証飛尾,影㡳埋台証印埋出黎寄去或拎去台灣觀光協會登記就得啦!

      刪除
    5. 1月份既登機證比團友掉左,入台證冇影印。咁唔知仲有冇機會呢?

      刪除
    6. 哦!台證好似三次其中一次就得,不過冇左登機好似唔得呀!可惜咧......

      刪除
  20. 作者已經移除這則留言。

    回覆刪除

有興趣大家互動一下嗎?