2014年6月23日 星期一

Day 3 of 8 台東[綠島] (追蹤篇)

2014年6月3日 (星期二) 初時天晴炎熱,後轉有雨大雨

今天大清早我們騎電動機車到約1Km外的朝日溫泉嘆世界。



朝日溫泉
 
我們在0650到達朝日溫泉。
 
 
由這拱門進入朝日溫泉
 
 
入場門票
 
成人:台幣200 (53港元)
 
小童:台幣100 (26港元)
 
在民宿購買入場門票,有優惠票價。
成人:台幣180 (47港元)
 
 


 在海岸邊的溫泉池
 
 
在這些池內浸溫泉,可以近距離邊浸溫泉,邊欣賞海景。當然,你更可以再早一點來這裏,便有機會欣賞日出啊!
 
1733在海岸邊的溫泉池內只停留了幾分鐘便離開,原因是不習慣不涼不熱的溫泉水。感覺好像浸在他人使用過的洗澡水內。


溫水溫泉池

 
離開了海岸邊的溫泉,1733便跳入這個建築在一個涼亭內的溫泉池。這裏的池水較海岸邊的溫泉池水為暖。



鹹水溫泉池
 

鹹水溫泉池水溫度是攝氏39度
 
 
 


鹹水溫泉池外面就有這一個大池


這個池水不熱不溫,好像一個游泳池。
 
不過一般的泳池就無這一個開陽正View喇!
 
我們在08:00離開朝日溫泉回民宿吃早餐。幾分鐘車程便回到民宿。在食早餐前的指定工作,就是要替電動機車充電。

 

 幸福月光民宿
 
 
 民宿接送行李車
 
用餐區

食完早餐,再上房間休息一會,便又騎電動機車到南寮漁港。再由浮潛公司的職員帶往浮潛店。換上浮潛衣服、鞋,再下來就是選擇有近視度數的潛水鏡。

一切準備就緒,各參加者便各自騎機車,跟著教練到附近的石朗潛水區。



1733@石朗潛水區
 

經過一番簡單的講解後,浮潛節目正式開始。



水清,魚多是這一次浮潛的特色。

浮潛餵魚魚(短片)



 浮潛時看到有潛水人士(短片)




浮潛後,肚子當然是餓了。所以我們到大街的池塘有魚食中餐。

1733@池塘有魚

大家看,1733已急不及待地看剛剛拍下的水底照片及短片。

池塘有魚 ─ 雙人套餐

雙人套餐內容:
鹿肉/牛肉/豬肉三選一,我們選了牛肉。

配菜三選一:
章魚卷/海香菇/花生豆腐三選一,我們選了章魚卷。

附菜:
青菜、湯。

是日午餐消費:台幣500 (132港元)


餐後,是時候騎電動機車遊綠島的時間了。以下就是下午所到之處。




1733@綠島監獄



 綠島燈塔


到了綠島燈塔,天色開始變得很灰暗。不時還聽到有打雷的聲響。但這是嚇不到我們這兩個不知天高地厚的自駕遊人士啊!


將軍岩

柚子湖全境照片

在柚子湖的時候,我們到了不得不盡快返回民宿的時刻了。因為雨,正開始迎著我們吹過來啊!所以儘管是16:00,我們也要回民宿嚕。

今天晚上我們本預算就在民宿附近的餐廳用晚餐。我們在18:00步行到餐廳門口的時候才發現餐廳沒有開門營業。因為落雨的關係,我們沒有騎電動機車到大街吃晚報。我們只吃了一份中午在7-11買的三文治當晚餐。





按下面的連結,可以直接到相關的Blog。
行程篇

宿篇

Day 1 of 8 香港 ─ 台東市 (追蹤篇)

Day 2 of 8 台東市 ─ 台東[綠島] (追蹤篇)

Day 3 of 8 台東[綠島] (追蹤篇)

Day 4 of 8 台東[綠島] ─ 台東[卑南] (追蹤篇)

Day 5 of 8  台東[卑南] ─ 花蓮[吉安]


Day 6 of 8 花蓮[吉安]  ─ 台東[延平]


Day 7 of 8 台東[延平]  ─ 高雄市


Day 8 of 8 高雄市  ─ 香港

34 則留言:

  1. 真係好多魚啊~ 要搵之去绿島玩下先得~

    回覆刪除
    回覆
    1. 未落水,睇見d海水唔係藍色,一d都唔覺水會咁清。更估唔到咁淺水都有咁多魚。正呀!快d去啦。

      刪除
  2. 回覆
    1. 係呀!你幾時都去感受一下呢?

      刪除
  3. 大熱天浸溫泉, 仲唔熱屎你!

    回覆刪除
    回覆
    1. 只係鹹水溫泉係熱咋,其他嗰d冇料到嘅。

      刪除
  4. 記得當時我因大雨去左食冰,你回我一句:因為大雨,我躲進民宿了,哈哈!原來當時你在綠島

    回覆刪除
    回覆
    1. 你講起我都記得呢D對話。

      刪除
  5. Hello 33兄, 我勁Like你張嘜頭圖呀!! 襯晒你個玩法, 想請你問下你個姪女用乜software整?

    回覆刪除
    回覆
    1. 謝謝你欣賞,等我問下佢先再答你。

      刪除
    2. 是adobe illustrator
      https://www.adobe.com/hk_zh/products/illustrator.html

      刪除
  6. 33兄, 原本你係台灣通, 我9月會去台中自駕, 有得參考, 又有得抄喇! Good!

    回覆刪除
    回覆
    1. 台灣通?唔係我,我只不過去多左幾次台灣啫。
      埋黎揀,埋黎抄啦。仲可以交流一下架。
      另外,我叫1733呀!點解你叫我33嘅?哈哈哈哈。

      刪除
    2. 諗住親切D, 叫名唔叫姓嗎?

      刪除
    3. 不過諗諗下又唔係噃,1733係我個全名黎架。我唔係姓17架。

      刪除
    4. 我知佢講笑,所以我就同佢吹囉。

      刪除
    5. 明白晒, 不過我都係較鐘意叫你做33兄, 唔埋你Like唔Like....哈哈哈哈 ;P

      刪除
    6. 哈哈,無所謂,都係一個稱呼。

      刪除
  7. 見你有穿救生衣, 你估唔識游水可以去呢度玩浮潛嗎?

    回覆刪除
    回覆
    1. 識唔識游水都一定要著救生衣架。著左救生衣一定唔會沈,不過唔識游水,一定會驚噃。

      刪除
    2. 我識人唔識游水敢玩潛水, 反而識游水既唔敢潛~

      刪除
    3. 唔識游水而敢玩潜水都唔驚水?厲害。

      刪除
    4. 嗰個係咪我呀, 我唔識遊水果時, 試過去泰國、馬拉玩潛水, 又試過去cube浮潛, 仲唔識死咁拉買唔識遊水的嘅女友落水, 仲越沖越遠, 嚇死我, 而家諗返起都覺得真係唔識死
      好咗之後的起心肝學識遊水, 見綠島D水又淺淺地, 睇下有冇機會帶朋友一齊去咁lor!

      刪除
    5. 我係識游水,不過拈唔到地就驚. 潛水又驚,浮潛又驚. 
      你唔驚既, 有救生衣得啦,最緊要唔好單獨行動

      刪除
    6. 駕世遊,在淺水玩當然ok,但d浪就會撞到你企唔穩架。

      刪除
    7. 小月,無錯呀!千期唔好單獨行動。無信心玩就更加要話比教練知道,等佢多d留意添呀!

      刪除
    8. 明白, 見三日兩夜兩人5,000台幣, 包住, 包電機車, 又包浮潛 幾抵玩, 有机會我都要試下.

      刪除
    9. 包早餐添,不過電動機車要加收200台幣。
      好抵玩。

      刪除
  8. 綠島監獄係咪嗰時囚禁政治犯既監獄.

    回覆刪除
    回覆
    1. 主要係招待一d難攪既黑社會大佬呀!

      刪除
    2. 再睇多次,33兄浸溫水溫泉池時,好有江湖味道。

      刪除
    3. 黎到綠島,咁多江湖大佬出入既地方,唔多唔少都感染左而自己唔知道添。

      刪除

有興趣大家互動一下嗎?