搜尋此網誌

2015年2月14日星期六

2015年04月 ─ 韓國11天賞櫻自駕遊_租車篇

這次韓國自駕遊行程共有11天,租車自駕遊只有八天。原因是第一天預定到達(仁川廣域市)[中區]仁川國際機場時間為17:00。如果這天在機場取車,只是用作交通工具而已。而且在(首爾特別市)選擇酒店時也要留意有沒有提供泊車設施及相關收費。所以1733選擇在仁川國際機場乘坐機場豪華巴士直接到(首爾特別市)[中區]東大門東橫Inn下車,行過對面首爾東大門大使宜必思快捷酒店Check-in。在第二天早餐後離開酒店,由Ibis步行約5分鐘到kt rent-a-car 辦手續取車。另外,又因為blog友提示[首爾特別市]超塞車,而我們在[首爾特別市]亦有行程,所以行程最尾兩天也不預算租車。

估計在韓國租車有香港人會在kt rent-a-car租車,1733也不例外。


租車前,最好先在網頁上登記成為會員,因為可以享有折扣優惠啊!6折啊!

在登記成為會員時也要留意一下在輸入密碼一欄,要英文字 + 數字 + 特殊字元。特殊字元是指@、#、%等等。

大家要留意網頁開放租車時段是有限制。就是在還車日起計60天前才可以預約租車。例如1733的還車日期是4月15日,就只可以在2月14日才可以在網上預約租車。

今次想租的車是下面這款。樣子好得意,肥嘟嘟咁架。


KIA Ray汽油版
取車日期:2015年4月8日09:00
還車日期:2015年4月15日16:00
租用日數:7天+7個小時(算8天計算)
租車消費:372,000圜(2,627元)
八天租金原價600,000圜(4,237元),6折後372,000圜(2,627元)。
附加保險:51,000圜(360元)
租車+保險:423,000圜(2,987元)
車輛類別:Compact Car
平均租金:52,875圜(373元)
免費GPS :車輛設置外掛式導航,已選擇英文版導航。

kt rent-a-car
地        址:2/F, Chilbo Bldg., 81-2 Euljiro 7-ga, Jung-gu, Seoul
電        話:02-2273-8006
營業時間:每天08:30 ~ 20:00
由東橫Inn步行約5分鐘到 kt rent-a-car


94 則留言:

  1. 睇吾出隊長会揀架咁 cutie 既車喎! 一反你以前的口味! 不過, D 租金都算幾抵玩.

    回覆刪除
    回覆
    1. 呢D車款我都好like架。擺放行李又易攪,好正架。不過我從未開過韓國車,未知乜野既性能。

      刪除
    2. 資料話係998cc,我驚你唔慣。

      刪除
    3. 隊長你揸左幾十年車, 左右軚都掂, 有咩野会難到你吖, 我对你好有信心, 玩得開心就是!

      刪除
    4. 揸慣2000cc轉998cc,要地板油先識起步:)

      刪除
    5. コーさん,唔怕,我自己擁有既第一架車係800cc咋。

      刪除
    6. Ah So,咁睇得起我呀!

      刪除
    7. King Chan,細cc有細cc既揸法,無問題既。

      刪除
    8. 講事實啫, 都無聽過你抄車, 抄飛天就聽過.

      刪除
    9. 哈哈,抄飛天嗰次都唔係我控制架,我只不過係乘客黎咋。

      刪除
  2. 我坐過類似既日本車, 後面中間腳位無野頂住.

    回覆刪除
    回覆
    1. 平地台,我估後而坐都幾舒服。

      刪除
  3. 師公.跟你拜過早年,祝你身體健康,新年快樂

    回覆刪除
    回覆
    1. 謝謝你呀!大家都要身體健康。

      刪除
  4. 係縱橫交錯、又經常大塞車既大城市租車確係係乜意思既~ 哈哈~

    回覆刪除
  5. 皇爺,呢架好底玩喎! 無償保險唔貴喎!我上次誤會左,我架 TUCSON 應當係 8 舊幾,下次應當會買返, 安心啲。呢架 KIA Ray實際上夠玩架喇,平平地,我喺高速公路都見到佢。

    我其實仲有啲料要過比你,WHATSAPP 啦,但無當初咁多, 因估唔到你首次便南下,既然係咁, 點解唔飛斧山呢?平啲喎。不過反而益左我,下次去斧山可參考你啲料!

    回覆刪除
    回覆
    1. 呢架車睇相就覺得都幾寬敞,而且租平。真係好抵玩。買埋個附加保險就更加安心。
      如果用whatsapp比料我無咁方便,可以用電郵比我都得。

      刪除
    2. 因為團友想在首爾玩兩日所以飛首爾囉。你幾時會飛釜山呢?

      刪除
  6. Hello ~ 版主你好!
    我想請教版主韓國GPS係咪好似日本一樣用電話號碼搜尋目的地或者直接輸入地址?因為我見版主係post 坐標!謝謝~

    回覆刪除
    回覆
    1. 我寫埋座標主要係擔心如果輸入電話號碼搵GPS唔到既時候,我又唔識輸入韓文,係多一個選擇。
      事實上我呢個plan B都真係應用過好幾次架。

      刪除
  7. 我在google map search 仁川機場直接到春川(江原道)的路線,為甚麼只有乘車路線,卻說driving not available?
    你知道為甚麼嗎?

    回覆刪除
    回覆
    1. 係?等我明日睇睇再話你知。

      不過我想我會用韓巢而唔用google map。

      刪除
    2. 我在韓巢地圖搵得到這一條路線噃。在韓國玩,最好就係用韓巢地圖架,你試下吖?

      你幾時出發呀?

      刪除
    3. 你去上面條link睇下攪唔攪到?

      刪除
  8. 你好! 多謝你個blog sharing! 想請問下你係韓國當地油錢點計呀? 價錢貴嗎? Thanks

    回覆刪除
  9. 幾多錢一公升因為唔識韓文就唔知喇。

    好似4月嗰次既行程咁,租左8日車,行左972Km。入左3次汽油,總消費163,000韓元(1,180港元)。約每公里1.2港元。

    11月呢一次,租左6日車,行左1,153Km。入左3次汽油,總消費138,000韓元(926港元)。約每公里0.8港元。

    要留意兩次所租既車款係唔同,匯率都唔同。

    咁你覺唔覺得油錢貴呢?

    點樣稱呼你先至啱呀?

    你會幾時去韓國自駕呢?

    回覆刪除
    回覆
    1. 你好呀! 我叫Yan,想明年一月係首爾自駕,但想係首爾火車站拎車,係仁川機場還車,同一日。請問有無租車公司介紹呀?因為睇過D資料過即日還車要同一個地點先可以。

      刪除
    2. 只在首爾自駕?
      首爾勁塞車呀!搭車方便過開車。你睇下我在首爾都有行程,但我都無租車。

      關於其他問題,今晚先至答你。

      刪除
    3. https://www.lotterentacar.net/eng/short/short_in_fee01.do
      我係在上面條link既樂天租車公司租車架。因為有英文版所以先至可以租到車,如果得韓文我就唔識睇喇。

      刪除
  10. 你好, 如果想係釜山,鎮海, 慶州自駕遊方便嗎?
    我睇你遊記好似都唔算太難, 你有冇咩建議呀?

    回覆刪除
    回覆
    1. 方便,只在釜山上下班時間會遇上塞車。

      太難?如果要講個難字,就係唔識韓文囉。

      你想我建議d乜野呢?

      刪除
  11. Hi, 你好,我6月尾去首爾,想玩自駕遊,各位有乜好行程提議

    回覆刪除
  12. 想問請問係租車網見到CDW,應該點揀?

    回覆刪除
    回覆
    1. 舉例:
      第一個Zero excess無墊底費,保費121,000韓元(817港元)
      第二個5萬韓元(338港元)墊底費,保費100,800韓元(680港元)
      第三個30萬韓元(2,027港元)墊底費,保費80,600韓元(544港元)
      以上的資料你參考後可以知點揀嗎?

      刪除
  13. 你好呀! 我一家4大人兩小童(有老人和小童同行)今年4月去首爾, 京畿道近郊,諗緊自駕還是包車好。之前去台灣和日本都是自駕的, 而且覺得非常方便和容易,但看到去韓國的資料,網友成日講南韓(特別是首爾)自駕好難, 一來唔識韓文, 二來韓人揸車態度麻麻,三來..總之缺點多過優點,但包車就大行其道。相反在台灣, 日本的自駕資料好多又好正面的....因此,想問師兄知不知道在首爾京畿道揸車,和去台灣, 日本等分別有多大? 不識韓文是否大問題? GPS導航是否準確和搵路容易嗎? 謝謝

    回覆刪除
  14. 你好呀! 我一家4大人兩小童(有老人和小童同行)今年4月去首爾, 京畿道近郊,諗緊自駕還是包車好。之前去台灣和日本都是自駕的, 而且覺得非常方便和容易,但看到去韓國的資料,網友成日講南韓(特別是首爾)自駕好難, 一來唔識韓文, 二來韓人揸車態度麻麻,三來..總之缺點多過優點,但包車就大行其道。相反在台灣, 日本的自駕資料好多又好正面的....因此,想問師兄知不知道在首爾京畿道揸車,和去台灣, 日本等分別有多大? 不識韓文是否大問題? GPS導航是否準確和搵路容易嗎? 謝謝

    回覆刪除


  15. 你好,我們也計劃去釜山旅行,想請教如何成為會員,因為我們看過釜山租車也不便宜,請教如何可以享有折扣優惠!6折啊!謝謝分享

    回覆刪除
    回覆
    1. 在樂天租車個網頁,我用英文版,加入成為會員好易攪噃。做左會員,租車就有折扣,而家無6折咁多喇,只得65折咋。

      刪除
    2. 你幾時去釜山自駕遊呀?

      刪除
  16. 租韓國的車,跟日本的真有很大不同,請賜教

    回覆刪除
    回覆
    1. 租韓國的車,跟日本的真有很大不同?

      例如乜野分別呢?

      我就覺得在網上租車易好多過日本租車,唔會日文版租車平過在英文版租車。等我要用日文版租車,又要開住個中文教學租車,逐句該句睇住嚟租,先至攞到最大既折扣。

      刪除
  17. 由釜山開車去慶州市要多長時間?

    回覆刪除
    回覆
    1. 你按blog尾啲link去Day5 of 11 就睇到由慶州去釜山要開幾耐車架喇。

      刪除
    2. 其實你又可以下載韓巢地圖,再輸入出發地和目的地。即時睇下雖要幾耐時間。這對於自駕遊來說都是重要的一步。

      刪除
  18. 知道!多謝曬你嘅資料 :)

    回覆刪除
  19. 請問首爾機場取車可以在首爾市區還車嗎?

    回覆刪除
  20. 機場取車,首爾市區價錢一樣?計劃在機場取車即晚機場付近住1⃣️晚因為22:00先到逹,第2日先揸車上釜山(1day) >鎮海(1day)>南怡島(1day) .之後首爾還車,可行??謝謝

    回覆刪除
    回覆
    1. [機場取車,首爾市區價錢一樣?]
      應該就唔一樣。

      [計劃在機場取車即晚機場付近住1⃣️晚因為22:00先到逹]
      正確的決定。

      [第2日先揸車上釜山(1day) >鎮海(1day)>南怡島(1day) .之後首爾還車,可行]
      如果你此次既行程係純想在韓國開車,又介意一日開幾個鐘頭車又無時間玩既話是可行的。

      刪除
    2. 我吾介意開幾個鐘頭車呀!你意思是否選擇多住1天嗎?可否建議一下!謝謝

      刪除
    3. 第二日你由仁川開車去釜山要開好幾個鐘頭車,由仁川開車經首爾呢一段路會好塞車。所以呢一日你會無乜時間玩。

      第三日在釜山玩,無問題。
      但既然咁你點解唔搭飛機先在釜山落腳呢?起碼會可以慳返一日開車時間,即玩釜山噃。
      如果唔係點解飛北部唔只先玩北部先呢?難明解呀?

      第四日先至開車去南怡島玩,咁你預幾點到南怡島呀?
      我估你去到南怡島都一定唔會早,到時搭船來回要等船,在島上人頭湧湧呀!
      在南怡島又打算玩幾耐呀?
      你在首爾還車,往首爾的快速公路,塞爆你呀!

      刪除
  21. 因為機票問題所以只能飛仁川,仁川走!謝謝解答

    回覆刪除
    回覆
    1. 記得租車網要在你租車當日既前60日才開放租車架。

      刪除
  22. 你好,下個月計劃到江陵果邊玩,想租2日車係果邊玩,再搭車返首爾市中心。但係上樂天租車,唔可以租兩日,都唔知點解T_T 另外請問你有冇試過係AJ RENTACAR租過車?可以分享下嗎?謝謝!

    回覆刪除
    回覆
    1. 有唔畀租兩日既限制我真係唔會知道,原因是我會全程租車架。

      我在韓國租車租左7次,7次都是幫襯同一間公司,所以無第二間租車公司既分享呀!

      刪除
    2. 你好,我想問下架kia ray 車尾箱能横放多大的行李,我2大2小去,2個大行李,不知能否放到

      刪除
  23. 你好,我想問下架kia ray 車尾箱能横放多大的行李,我2大2小去,2個大行李,不知能否放到

    回覆刪除
    回覆
    1. https://www.blogger.com/blogger.g?blogID=1746541779644340300#editor/target=post;postID=1815480391528478403;onPublishedMenu=allposts;onClosedMenu=allposts;postNum=6;src=postname

      刪除
    2. 你去上面條link睇下啦!我帶左一個28吋一個24吋喼,唔放低第二排座椅都擺得落架。

      刪除
    3. 謝謝你的回復,但條link開不到,您目前的帳戶 (ilovetsuiyee@gmail.com) 沒有檢視此網頁的權限,因我2大2小,而且冬天,打算帶2個30寸,你能不能量一量你28寸的喼有多厚?其實中間乘客位的坐椅係咪也可以向前向後

      刪除
    4. [條link開不到]
      咁你去我個blog,在最右面,在韓國自駕遊,揀2016年04月 ─ 韓國8天自駕遊 (濟州道、江原道) 入左去任何一篇後,到最底部揀Day 7 of 8 [江原道]。就睇到架喇。

      [28寸的喼有多厚?]
      11吋,24吋就有10吋厚。

      [中間乘客位的坐椅係咪也可以向前向後]
      呢架車得兩排座位,後排只可以瞓底椅背,不可以前後移動。

      刪除
    5. https://luk1733.blogspot.com/2015/11/day-2-of-8.html
      Day 2 of 8 [首爾]東大門 ─ [全羅南道]內藏山

      刪除
    6. https://luk1733.blogspot.com/2016/05/day-7-of-8.html
      Day 7 of 8 [江原道] ─ [京畿道]

      刪除
  24. 感謝你的回覆,希望這車仔能放得下我2個30寸喼,因有一個30吋喼13吋厚

    回覆刪除
    回覆
    1. 我有少少擔心兩個30吋喼是否可以放得到在行李箱。

      刪除
    2. 我也考慮過,行李箱如不能放2件就只放一件,另一件就放在中排的乘客位,因今次濟州之旅只住2間酒店,正路就機場去酒店和酒店轉酒店這2天會辛苦一點2個小朋友,其餘時間都冇喼在車,但願能放得落😭

      刪除
    3. 咁睇就問題不大,另外就要留意下濟州有無Ray租喇,唔係間間店都有同一款車有得租架。

      刪除
    4. 我用rentalcars app租,選左用AJ Rent a Car租車公司,佢寫就寫系kia ray或相類似車款,希望有啦!12月上漢拿山該有雪,但我問過下D韓國朋友,要不要用雪軚,但他們説大多數人也没用

      刪除
    5. 辦手續攞車時,問下服務員放唔放到你啲行李。我驚佢比唔到架Ray你,比架私家車你咁就在擺行李時較麻煩。

      12月濟州一般路面係唔係無雪我都唔知,但你已知上漢拿山好大機會有雪,都唔租雪軚?太危險喇。同埋我估你都開唔到架車上去添,有意外,我估保險都唔包噃。

      刪除
    6. 明天再打去租車公司問下先,我都系覺得換左去,但apps唔見有得選雪軚,保險我買左全保,大吉利是意外都全包,貴少少買個安心都好。

      刪除
    7. 在雪天開車你無用雪軚,旅有保都唔知包唔包架。

      平時我去自駕,都係幫襯租車公司買埋保險安心好多。

      刪除
  25. 我想問下kia ray最大續航里程為139公里?咪成日要去入油?

    回覆刪除
    回覆
    1. 唔係呀?在那裏睇到最大續航里程為139公里呀?

      刪除
    2. https://kknews.cc/design/e4m3yoy.html
      那满油能行多遠?有印象嗎?

      刪除
    3. 2016年4月嗰次行程租左6日車,行左約1200公里,入油消費926港元(138,000圜),共入左4次。

      刪除
  26. 我看清了,這款是電動車,哈哈哈!可惜網上太少kia ray車的資料,2011年版就更少,香港又没有這款車,我也是用17年版估架車😂

    回覆刪除
    回覆
    1. Ray 有電動和汽油版兩款,樂天好似無電動版租,你留意一下喇!17至18年初在韓國街上少左好多Ray仔,但今年11月又見到新款Ray喇。

      刪除
  27. 你既行程只去濟州?去幾多日呀?

    回覆刪除
    回覆
    1. 12月23-30號,hkexpress 零晨機去,早機返,只在濟州周圍去下

      刪除
    2. 零晨機去早機返,小朋友可能會覺得辛苦。

      另外,去到機場,租車公司未開門,可能要在機場休息下。

      刪除
    3. yes ar 大約早上6点幾到步,拎埋行李7點,食埋早餐,8點去拎車,等一站先去汗蒸可以hea下

      刪除
    4. 我地都未試過汗蒸都唔知係咩野滋味,有機會都要試下。

      你兩個去蒸,咁兩個小朋友友點呀?

      刪除
    5. 咪一齊玩汗蒸,汗蒸大人細路都有益,而且佢地都有玩開呢D,沙浴,溫泉佢地都like

      刪除
    6. 我以為汗蒸係自己一個人坐左落個蒸箱入面添,哈哈哈哈!

      刪除
    7. 謝謝你之前提供資料,AJ 俾了kia ray我,估計一樣,只能放后排一個30寸喼,后排椅係唔可以向前向后,最后放左系中間放腳樹,唔算太影響,好幸運有幾日雪玩,旅程也圓滿結束

      刪除
    8. [謝謝你之前提供資料]
      客氣喇!
      [AJ 俾了kia ray我]
      係唔係新款既Ray?

      [后排椅係唔可以向前向后]
      咁奇?

      [好幸運有幾日雪玩]
      係唔係你臨走前就落大雪?不需要換車軚嗎?

      我出年1月5日就出發韓國喇,估計到時都會好大雪。

      刪除

有興趣大家互動一下嗎?