搜尋此網誌

2015年7月17日星期五

Day 2 of 8 (福崗縣)[福岡市]博多區 → (長崎縣)[佐世保市]

2015年6月22日(星期一) 天陰

原定行程:(福崗縣)[福崗市]博多區東橫Inn博多口站前 → Toyota Rent-A-Car博多站博多口店取車 → [柳川市]九州水鄉(094-472-6177) → (長崎縣)[佐世保市]展海峰展望台(095-829-1171) → 東橫Inn佐世保站前。

實際行程:(福崗縣)[福崗市]博多區東橫Inn博多口站前 → Toyota Rent-A-Car博多站博多口店取車[步行5分鐘] → [柳川市]九州水鄉[71公里/1小時20分鐘] → (長崎縣)[佐世保市]佐世保展海峰展望台[102公里/2小時15分鐘] → 東橫Inn佐世保站前[10公里/10分鐘]
全日行車183公里/3小時35分鐘

住宿:東橫Inn佐世保站前
地址:(長崎縣)[佐世保市]三浦町1-4
電話:+81-(0)956-42-1045
房型:禁煙雙床房
房價:8,515円(537元)包早餐


在博多區行程就只有昨日在博多運河城購物及晚餐兩個項目。餘下7天行程會採用自駕遊,亦是1733最喜愛的旅遊方式。

東橫Inn博多口站前早餐
這天的早餐無論在食物種類的選擇或味道,都遠勝4月在韓國入住東橫Inn釜山海雲台的早餐。希望未來數天東橫Inn的早餐也是這樣便好。食完早餐便上房間拿行李跟著便Check-out。

東橫Inn博多口站前

東橫Inn往Toyota Rent-A-Car步行路線圖
Toyota Rent-A-Car的店舖就位於東橫Inn的附近,帶著行李步行到租車店只需5分鐘,非常方便。

取車前再一次跟服務員小姐問可否借用ETC咭,答覆是不可以。在辦租車手續時,1733留意到在店外停泊的車輛沒有1733心儀的Toyota Porte,但沒有失望,因為我只選擇了P2車類別而不選擇指定車的型號。原因是指定租車的型號是要有附加費用的啊!

服務員小姐告訴我們在機場附近的店還車後會有免費車送我們到國際機場,很貼心的服務啊!

這八天陪伴著我們一起就是這輛Toyota Ractis,福岡502 75-37。跟服務員小姐一起檢查車身,將有花痕及受損地方登記在租車單上。車身狀況良好,只有一兩個地方位於暗處有少許花痕。

出車前的行車里數為25,656公里
離開租車店,將車子停在租車店的附近,以便設定GPS及車內音響。團友順利地設定GPS及其輸入法。所謂輸入法是指電話號碼和map code而已。但在設定手提電話與音響之間的藍牙裝置上出現問題,車上的音響裝置就是無法找到手提電話的藍牙。1733便走回租車店詢問,服務員小姐便到車上選用日文設定,OK藍牙已可以互認了。

Toyota Rent-A-Car往九州水鄉路線圖
開車前,團友設定了行程第一站[柳川市]九州水鄉。

GPS顯示由(福岡縣)[福崗市]博多區到[柳川市]九州水鄉要走71公里,所需時間為1小時20分,快速公路費1,950円(123元)。

11:30@[柳川市]水鄉。曾在広川SA小休25分鐘。途上共經過6個快速公路收費站,共消費了4,130円(260元)而非1,950円(123元)的快速公路收費。
過路費:4,130円(260元)

GPS右上角顯示還有23公里要走及在11:00到達目的地。

広川SA



休息站內
開了48公里後1733感到有點累,所以便在快速公路旁休息站小休,以便可以繼續安全駕駛到達目的地。這個休息站也算比較大,有吃的、有賣手信。但我們只分別幫襯了男和女洗手間。

11:30@[柳川市]九州水鄉。吸引我們到柳川九州水鄉的原因是這裏被多條運河貫通,運河及兩岸的可觀性應該很高。

既然來到柳川九州水鄉,當然是要乘小艇遊覽。而柳川市有多間接載遊人的遊艇公司,大家如有興趣的話,可以到下面的連結到有關的網站列印九折乘艇優惠劵。

1)  柳川観光開発株式会社

2)  水郷柳川観光株式会社

開車在水鄉運河畔走了一小圈,不知是否天陰陰關係,不感覺這水鄉有特別味道和吸引力。原打算乘坐小艇在運河上漫遊的念頭也打消了。最後只在御花免費停車場然後沿運河漫步。

柳川観光開発株式会社小艇

柳川観光附近景點圖


欄杆橋
欄杆橋建於1826年即189年歷史。

の鳥居
聶立在三柱神社入口的銅鳥居。

 
心字の池

三柱神舍
建於1826年的三柱神舍是由九代柳川藩主立花鑑賢公創建。神社內供奉著被稱為西國第一強者、身經百戰的武將:初代柳川藩主立花宗茂公及其夫人、以及岳父戸次道雪公三位祭神,因而稱三柱神社。三柱神社曾於2005年失火,除了本殿倖免於難之外,其餘全被燒燬。

參觀完三柱神舍便開車到御花參觀。這次GPS把我們帶到了一個不知名的地方,還好就是這一個地方不是位於了無人煙的地方。我們看不像樣,就重新設地GPS的目的地。

這一次GPS就準確地把我們帶到目的地了。


建於1738年,充滿西方風情的御花。
電話號碼:094-473-2189
開放時間:09:00~18:00
入場收費:成人500円(31元)

大多數遊運河小艇都會選御花為終點站,所以到御花參觀的遊人應該不少。但今天就看不到有人參觀,所以我們也沒有買門票到御花參觀。只在手信店逛逛,買了一枝果汁。更急不及待地就在收信店外嚐了幾口。味道就.............超超超好飲。


蜜柑汁1,728円(108元)


1733勁like這一樽果汁

1733現場直擊報導(短片)
1733在現場差不多飲了半枝果汁,才步行離開御花,沿運河旁的街道漫遊。







 


坐小艇遊運河(短片)
坐在艇尾倒數第三個女士,可能是腳踏實地之人,在艇駛至1733前面時就吐了很多給1733看。慘!慘!慘!

運河畔的小鴨子(短片)


北原白秋生家
這是一間歷史文物資料館,我們對白秋生無認識,在電影電視上就知道那一位是黃秋生。我們只是路經時依著旅遊指示牌走便過來看看,原來是要收費入場,所以也沒有入內參觀。

柳川市觀光案內所
在柳川,鰻魚是非常出名。元祖本吉屋是一間有超過300年歷史的老牌鰻魚飯店。我們原打算到這飯店一嚐這傳說中的鰻魚飯,但很可惜的是這飯店今天是休息日。

13:20@御花取車往下一站(長崎縣)[佐世保市]展海峰展望台。

GPS顯示102公里/2小時15分,快速公路收費2,110円(133元)。

九州水鄉佐世保展海峰展望台路線圖

未上快速公路前,1733在Lawson便利店買了罐裝咖啡飲。

多久西PA
在快速公路旁休息站洗洗臉,休息一下。其實只走了48公里而已。這個休息站的名字如果用香港人的眼光看就有點不雅。

15:25@(長崎縣)[佐世保市]。對,我們沒有走錯,就是要到九十九島喇!再走15分鐘便可以到達目的地的免費停車場。

海峰展望台平面圖

九十九島屬於西海國立公園的範圍,雖名為九十九島,但實際上在整個佐世保港至平戶賴戶的海面上有208個島嶼。而九十九島亦已被列入為日本百景之一。

花壇
走上展望台前會經過這花壇。相信在3月中至4月中及9月尾至10月尾的花季時節這花壇一定會很美麗。




 九十九島美景
今天整天都沒有太陽,不下雨已經很感恩了。雖然煙霞比較大,但原來拍攝出來還要比較在現場欣賞來得清楚。看這些湖光山色,1733總比較喜歡煙雨悽迷這個情景。

佐世保九十九島(短片)1

佐世保九十九島(短片)2

白濱海水浴場
因為想近距離欣賞九十九島,我們便開車到沿海的車道去。看到有指示牌寫著白濱海水浴場便來一看。

原來這一個海水浴場已荒廢了
來到九十九島就想一嚐此地聞名的鮮蠔。在GPS上有看到有很多的餐廳,但團友所選擇在附近的餐廳在下午四時多仍未開門營業。於是我們便決定先到東橫Inn check-in再作打算。

佐世保展海峰展望台東橫Inn佐世保站前路線圖

東橫Inn佐世保站前

17:00@東橫Inn。將行李放在酒店房間內便到附近食店用餐。

因為大家都太想吃東西了,原因是自早上在酒店食過早餐後,一點東西也沒有吃過啊!所以就不作他選,就到車站旁的這日式餐廳用餐。

5種鮮魚

吞拿魚壽司

烤鮮魷

烤魚
晚餐消費:2,760円(173元)
5種鮮魚,1,290円(81元)。
吞拿魚壽司,290円(18元)。
烤鮮魷,490円(31元)。
烤魚,690円(43元)。

真的沒有選擇錯誤,點選這四碟都超新鮮,勁好味道啊!真的沒有想過在火車站旁也有這麼高的水準的食店。

餐後到隔壁藥房替親戚買藥貼,但買不到所指定牌子。昨天在博多運河城也買不到。返而我們買了一小瓶及一小枝娥羅納英H軟膏。總值600円(37元)。

D2_景點路線圖


機票+稅消費:7,658元

租車+保險消費:43,416円(2,826元)

旅遊保險消費:348元

住宿消費:
D1_8,844円(558元)包早餐
D2_8,515円(549元)包早餐

早餐消費:
D1_66元。
D2_無消費。

午餐消費:
D1_無消費。
D2_無消費。

晚餐消費:
D1_2,360円(150元)。
D2_2,760円(173元)。

交通消費:
D1_250元。香港的士
D1_1,620円(102元)。日本的士
D2_無消費。

入場消費:
D1_無消費。
D2_無消費。

停車消費:
D1_無消費。
D2_無消費。

汽油消費:
D1_無消費。
D2_無消費。

過路費:
D1_無消費。
D2_6,240円(393元)

行車里數:
D1_0公里。
D2_183公里。

行車時間:
D1_0小時0分鐘。
D2_3小時35分鐘。

54 則留言:

  1. 回覆
    1. 哈哈,都係你第一。其實呢一篇寫有兩個星期幾星期,之後就一路都唔得閒再寫。但個blog友在8月就出發,所以呢一篇未寫晒都出住先。

      刪除
    2. 睇得出你未寫晒, 你平時好長篇呀!

      刪除
  2. 我嘗試用蓝牙連接車既音响同我电话,set 完后車會自動打去我電話,唔知㯲錯乜野

    回覆刪除
    回覆
    1. 上年去德國就第一次接觸藍牙連接手機聽音樂。有德文和英文供選擇,團友好容易就set 好。

      今之就有英文和日文選擇,但在英文版就攪極都攪唔到,第一個服務員小姐都攪唔掂,第二個服務員小姐就用日文唔知選擇左D乜野就攪掂左。

      好彩我地又無你既情況出現咋。

      而家用藍牙咁方便,唔洗帶碟去聽歌嚕。不過就唔知台灣和紐西蘭D車有無咁既設備。

      刪除
    2. 我係第一次見架車有藍牙. 今次租架車有靚音響Bosch, 用唔到. 最後直接用手機 play :(

      刪除
    3. 希望愈來愈多租車有呢樣設備啦!

      刪除
  3. 師公原來喺柳川冇坐船仔, 不過陸上睇既同坐船睇既嘢好唔同, 你去既地方除咗御花之外我都冇去過.
    嗰個道之駅我貼出黎時有人睇咗廣州, 更加似風月場所多啲 XD

    回覆刪除
  4. 本來係plan左坐船仔架,去到才決定取消此計劃。
    道之駅?你講柳州既道之駅?

    回覆刪除
    回覆
    1. 另外,御花要購票入場,又唔知入面有d乜野睇,只買左樽超好味既果汁飲咋。

      刪除
    2. "広川休息站"驟眼睇以為廣州, 隔離有大大隻字寫住風月.

      刪除
    3. 驟眼睇真係以為殘字廣州, 加埋風月呢兩個字簡直係絕配啦.

      刪除
    4. 哈哈,又係喎,你地唔講我都無特別留意添。

      刪除
    5. 因為我之前嗰篇t 先生都係咁講 ^^

      刪除
    6. 上次早四點幾出車去佐賀, 就算上IC有些路段都無乜街燈, 索性著埋高燈行, 呢個道之駅我應該無經過 .
      你租到架有雨擋嘅車算豪版比你 ^^ 日本租 Ractis 好似得 1300cc 會唔會無乜力上斜?

      刪除
    7. Nerissa,你講講下我都好似有D印象。

      刪除
    8. t先生,咁早就開車,條公路無乜車,任你點玩都得啦!

      攞車時我都覺得奇,點解有裝埋雨擋嘅?

      架 Ractis真係無乜力水,我連超車都無信心呀!

      香港既 Ractis係幾多CC架?

      刪除
    9. 我地都曾經有諗過租Ractis揸吓,不過都係嫌佢得1300cc好似唔係好夠力,唔知點解香港賣既係1500cc,但日本浄係得1300cc租。
      香港版問 t先生最清楚,佢有架 Ractis。

      刪除
    10. 係?我見個租車網有兩款Ractis,我仲以為其中之一款係Verso添。團友都係話架車好似唔願行,得個嘈字。一般來講,如果我上車時架車比較唔爽,我就會用少少時間耐唔中用低波谷下架車,行一兩日架車都覺得爽左架,但呢架車就唔得囉。2013年我都租用過一次,嗰次架車無呢架咁無力,嗰次架車仲要坐4個人添。

      睇下t先生有乜野comments先?

      刪除
    11. 上星期有人話見到新版 sienta 行貨到港, 相信要搶本田搶 freed 果D客, 不過如果要成廿幾個, 今時今日我會揀歐洲車
      http://toyota.jp/sienta/

      刪除
    12. 新版 sienta個樣唔蠢我唔like呀。同埋要廿幾個都真係唔平。

      其實我想在退休前換車架。

      刪除
    13. 廿幾個仲買日本車, 除非鍾意 parts 多啦
      十幾個腳車 Ford fiesta, 三十個留下 VW golf, 羅密歐朱麗葉Giulietta, Audi A3, Benz A仔, Volvo V40, BM 周不時減價.

      刪除
    14. 新版sienta好似架mazda premacy咁樣,麻麻地。

      刪除
    15. t先生,我們本想買Camary,但不喜歡而家賣緊的款式,又唔知佢幾時會出新款。
      如果買歐洲車,Audi係我既首選。

      刪除
    16. コーさん,以前我喜歡sienta係喜歡佢既傻樣同埋車內座椅既設計,可以收埋尾座位之後仲要係好似平地台咁添。不過呢樣對我無實際既用途。如果當佢係7人車就覺得太迫喇!

      刪除
  5. 我上次去福岡租車都無留意有冇藍芽,因一家人都唔聽歌,去沖繩就有線線比你插落電話

    回覆刪除
    回覆
    1. 我聽唔聽歌無所謂,團友就比較喜歡在車上聽歌。所以有藍牙就超正喇。

      刪除
  6. 懂得自駕遊真好!照片拍得很美麗,要細意欣賞。

    回覆刪除
    回覆
    1. 天氣陰涼更好,水上草色青青,綠樹茂盛;錦鯉悠然自肥,水中自樂,羨慕,羨慕!

      刪除
    2. 秋葉阿姨真係好文彩呀!

      刪除
  7. 仲以為 99 島有得游船河添

    回覆刪除
    回覆
    1. 哈哈!真係有得在九十九島遊船河噃。你無留意上面張地圖,有隻遊河船咩?

      刪除
  8. 隊長你都係唔適合拍廣告的, 是一個不合格的演員, 百厭又唔聽話, 激死導演!

    回覆刪除
    回覆
    1. 其實我係想表現出我的真實感受咋。

      刪除
    2. 有個性呀, 那你都係乖乖地番黎做 blogger 好了, 商業的吾岩你!

      刪除
  9. 展海峰個花壇3月中至4月中係開滿油菜花,我上次就係3月尾嚟,可以睇睇
    http://3jfamily.blogspot.hk/2008/04/08-6.html

    回覆刪除
    回覆
    1. 我仲係度想像油菜花田個樣係點添。好,今晚返家就過去你度睇下先。

      刪除
    2. 睇左超正,你仲坐左船遊九十九島添。

      刪除
  10. 原來仲有下文, 唔怪得個標題叫佐世保, 之前去展海峰好好天, 但望落九十九島都有一層霞氣.

    回覆刪除
    回覆
    1. 哈哈,你無留意之前我在blog既尾段有寫待續兩個字?

      有層霞氣,係唔想比你睇得咁清楚嘛。

      刪除
  11. 睇過各路英雄九州自駕遊, 如果無去過九十九島就好似無去過九州 :D

    回覆刪除
    回覆
    1. !733兄, 展海峰有無見到羊呀?

      刪除
    2. 所以話名勝呢兩個字,會唔會係人多去睇,就出左名咁解呢?

      刪除
  12. 在開車走時,遠遠望到有幾隻,一初以為係狗,專登開車埋去睇,原來係羊。你咁好記性嘅?

    回覆刪除
    回覆
    1. t先生舊年年尾至去完九州,梗係記得喇 XD

      刪除
    2. 時光飛逝, 咁又差不多大半年的事

      刪除
    3. Nerissa,哈哈!佢呢個blog我都有睇過。

      刪除
    4. t先生,好似有咁大感觸咁噃?

      刪除
  13. 九十九島, 有啲似日本松島。左世保, 出名Burger, 有冇吃呀?

    回覆刪除
  14. 九十九島, 有啲似日本松島。
    係,無呢方面既資料添。

    左世保, 出名Burger, 有冇吃呀?
    無呀!完全唔知道呀。

    回覆刪除

有興趣大家互動一下嗎?