搜尋此網誌

2014年5月11日星期日

2014年09月 ─ 德國+奧地利21天自駕遊 (租車篇)

1733已經在2014年5月5日透過租車網頁Rentalcars.com預訂了一輛Volkwagen Golf 自動波。

租用日期:2014年9月27日至10月15日
租車費用:7,705元
訂金費用:  915.00元
出發前繳付費用:6,790元

餘額要在2014年8月30日前付清[已在此日全數繳付]
有關費用不包括租用GPS[1733亦沒有租用GPS]

取車日期:2014年9月27日
取車時間:07:30
還車日期:2014年10月15日
還車時間:20:30


取車及還車地點:慕尼黑國際機場

會合地點:
Terminal 2. Exit to Parkig Area P20, turn left after you exit the Security Zone. Walk towards the meeting point, which is located next to the parking ticket machine. There a Caro staff member will wait for you with nameplate.

電話:0049 8920 3214 630

租車涵蓋範圍:
1) 無限制里程數
2) 保險
    破撞險(Collision Damage Waiver)
    竊盜險(Theft Protection)
    第三責任險(3rd Party Liability)
3) 地方稅
4) 道路使用費
5) 機場取車費
6) 所有追加駕駛人,針對年輕駕駛者的追加費用(21-24歲)
7) 強制冬季期間追加費用
    雪地輪胎(Snow Tyres)介於 01.11 及 31.03 )


取車時所需文件:
1) 護照
2) 完整有效的駕駛執照
3) 打印版租車確認函或電子版租車確認函
4) 租車地點需要收取安全押金,押金付款可以是以下幾種方式 Mastercard、Visa或American Express信用卡,但有關的信用卡必須為主駕駛人名下。

汽油
車取車時油箱是加滿的。在還車時也須加滿油箱,否則會加收相應的汽油費用。

額外附加保險
如想把車輛免責額降低或降低至零 / 押金,或者是為了想保護車體碰撞險所不涵蓋的範圍,例如車輪胎和擋風玻璃。可以在有關的租車公司櫃檯購買額外附加保險。

這額外附加保險也可以在網上租車時一併購買,亦可以取車時購買。就1733上次在英國租車經驗來說,在租車櫃台購買會比較妥當。因為如真的需要索償,在還車時有關的租車公司會幫客人辦理有關手續,而客人是無需付任何費用。但如果在網上購買,則客人要先付有關的費用,更需自行辦理有關的索償。

得到blog友コーさん的推介,t先生的幫忙,1733在網上以優惠價購買了整個歐洲的網上地圖。此網上地圖可以離線使用GPS,這樣就不需要租用GPS了。

按下面這連結,可以到有關網頁選購你的電子地圖。

https://www.sygic.com/en/android:buy-now?r=topmenu



按下面的連結可以直接帶引你到有關的Blog。

43 則留言:

  1. 回覆
    1. 嘻嘻,係呀!

      攪到我無時間寫已經去左既遊記添。

      刪除
    2. 德國嗰邊左軑車, 不過你揸慣台灣應該冇問題.

      刪除
    3. 係呀!而家開左右軑車都無問題架。

      刪除
  2. 我發覺宜家出發前都要繳清費用. 宜家歐洲d service 唔係咁好. 我上次去佢地無留auto 車俾我, 攪到我要比多d $$$ 租貴d 既auto 車. 唔係原地還車又未必有GPS. 我訂個陣有email 問, 去到乜都無!

    上次走入去小區酒店問路, 都唔識英文!

    回覆刪除
  3. 呢個租車網我上次去英國用過,都OK。所以今次用返佢。
    GPS要另外租既,去到租車櫃台比錢。
    附加保險又係去到先至買好過在網上買。
    好彩團友都識少少德文。

    回覆刪除
  4. 點解我按你個icorn都去唔到你個blog嘅?

    回覆刪除
    回覆
    1. 因為我有用google+,
      我icon 下面有live in 網址

      刪除
    2. 嗰條live in 網址我睇到,不過我一初以為係條link,但按極都入唔到去。
      你知唔知點樣攪連結架,我既意思係將我同一個遊記內唔同發表既匯集在一起,以便大家都容易搵到相關既料。

      刪除
    3. live in 網址無法變link, 只可以copy and paste. 我只想到呢個方法.
      唔明你意思, 你右邊唔係已經分咗台灣, 日本....自駕遊

      刪除
    4. 我想在每一篇發表既最尾部份,加入相關的發表。例如,在機票篇內,加入主宿篇及租車篇既連結。
      但我用每一篇發表上面既工具列裏面既連結,攪左之後,按這個連結,只可以去我個blog既首頁。

      刪除
    5. 你會唔會copy 錯個網址, 每一章個網址都唔同. 你可以整一個連結比我睇睇.

      刪除
    6. 真係我自己攪錯左,已經開始攪返好佢喇,多謝你既提醒呀!

      刪除
  5. http://www.europcar.com/
    點解我搜尋同一個日期,同你果個租車網比,最平既車相差千幾元港紙既?但佢應該都係你果個租車網旗下其中一間公司黎GA WOR~~真奇怪~

    回覆刪除
    回覆
    1. 係,等我今晚睇睇先。會唔會入面既條款有d唔同呢?又或者自動波與棍波既分別?

      刪除
    2. https://www.europcar.com/DotcarClient/step2.action
      我睇左喇,你去上面條link都睇下啦。
      Europcar.com所提供跟我租既同款車,係棍波,我租既係自動波。自動波車你貴千零蚊既。
      另外,Europcar唔包additional driver HK$474.81, Winter snow tires HK$1424.31。呢兩樣我租既車都包左。
      GPS你睇既就813.95,我租既就未話我知,但我估要11.9歐元一日,214.2歐元,即約2309港元。

      刪除
  6. e, 去埋奧地利呀! 正喎, 有時間post d德國行程分享下.

    回覆刪除
    回覆
    1. 等團友整理好,我就放上黎架喇!

      刪除
  7. 回覆
    1. コーさん,我未用過及坐過Golf,Golf在旅遊時可以提供D乜野優點?
      車箱寬敞?行李箱大?省油?

      刪除
    2. 小月,你用過Golf。

      刪除
    3. 我自己第一部車係Audi A3,即Golf的姊妹版,九成一樣,只是內裝不同。
      揸咗十年,整體操控佳,彎路一流。尾箱不太大,不過你可收起尾坐,之前試過車部跑步機。
      油就唔肯定,因為新車一定省油多一點,不過點都無日本車咁慳。

      刪除
    4. 只係坐過朋友車.Size 對我剛好,當然無corolla 咁寬敞. 歐洲都多compact 既車種,香港較少. 不過唔好睇少歐洲compact 車既行李箱,睇唔出都裝得落唔少行李.  對我來說新奇既係上次租架車可以自動開車頭燈~  今日問朋友借咗車用電話架,用GPS

      刪除
    5. コーさん,我自己車用極都係用日本車,歐洲車只係在一D場合用過,所以無乜感覺。

      刪除
    6. 小月,舊年在英國租左一架英國車仔,真係睇佢唔出個行李箱都幾大。而且油渣車原來都好好力及好省油添。
      架車可以自動開車頭燈?
      係唔係個車頭燈會自動反出黎咁呀?如果只係自動著燈,而家差不多架架車都有架喇。

      刪除
    7. 第一次見,對我係新事物

      刪除
    8. 依家有light sensor自動著燈,rain sensor自動水潑。

      不過rain sensor好似唔多好用,唔準。

      刪除
    9. 我架車個rain sensor又無乜問題噃

      刪除
    10. 可能我比較喜歡用慢速水潑。我部車,rain sensor自動水潑比較急。

      刪除
    11. 我架車個自動水潑都有幾個速度選擇既。

      刪除
  8. 1733, 嚟緊旅行都諗緊租Golf, 唔知尾夠唔夠放3個大喼 ? 我地一行3個成人 ! 謝謝!

    回覆刪除
    回覆
    1. 應該放唔到喇!我放兩個喼,都要瞓低後座椅背先至得呀。

      刪除
  9. 1733兄,連續3次情況都一樣。試下在這裡post吧。

    19天在地行程結束,於17號回港。
    整體行程愉快除咗架車帶給我的麻煩。

    首先,淘寶買的電話/數據卡OK但數據不能分享。750MB都用唔晒。還有機場一家賣電子產品商店也開始售賣sim卡但我沒有問價。

    說回CarO租車的事吧;
    -CarO大部份係新員工,遇到問題時需問上司或其他同事。
    -取車/還車要去車場了,有接駁Van。
    -車輛清潔及維修一般,9月5日係威斯教堂遇到一對夫婦,他們也是開CarO的車。他跟我說車上GPS不能工作因內置SD卡鬆脱,他打客服熱線但客服人員也不知道如何處理。當時我都擔心會否發生在我身上。第二日往羅滕堡路上,儀表板顯示要加AdBlue。我當時一頭霧水,不知AdBlue為何物。打給客服才知道AdBlue是某些Benz和VW油渣車款的潻加劑,在油站有售。我去油站加了5L(車行咗1200Km吧),小事一糟吧。係9號晚在菠茨坦晚飯後開車回旅館時,顯示屏出現紅色警告提示『車子不能開動,因排檔不在P』。打給客服,他們說救援隊約需3小時才能送替補車輛給我但是沒有自動波和GPS。我跟他說這不能接受,他便派人接收壞車和送我去旅館,换車一事他叫我10號早上7時跟業務部查詢。等咗兩個多小時,救援車手從栢林到了(離菠茨坦不足50公里),收了壞車。到菠茨坦旅館差不多11點了。第二日我打去業務部,他們說要8點後才可聯絡栢林有冇適合車輛。8點半打回來,全栢林祗有一台福士Tiguan自動波+GPS。沒有選擇下唯有接受,車比之前C class大但耗油量也非常大。到了13號從德累斯頓回慕尼黑,一開車GPS說前方交通有問題需走另一路線。跟從指示開了兩個小時還未上高速,感覺有問題。停車查Google Maps發覺車子不是往慕尼黑方向,已開始靠近捷克邊境。馬上用手機Sygic導航,開初十來分鐘都OK,跟著它指示右轉但右邊是一大片麥田,手機導航都唔掂。最後用人肉GPS,油站問人!走了3家油站,遇到有心人帶我上A4高速。在高速一遇上慢車,車上GPS就叫我下高速,我冇跟從。最後4小時400Km行程變成7小時520Km。
    當我抵達慕尼黑還車時,心情的舒暢非筆墨所能形容。

    回覆刪除
    回覆
    1. [還有機場一家賣電子產品商店也開始售賣sim卡但我沒有問價。]
      blog友小月介紹我睇另一blog友1372個blog睇,而家在德國都有數據咭賣啦!

      人生路不熟個GPS對駕駛者來就是十分重要,但個豬PS就耐唔中會點人架,我在自駕遊既生涯都遇上好幾次架喇。而家經驗多左,我會自己先自行check下再決定跟唔跟個豬PS行。

      刪除
    2. 我唔駛開車的話, 車又有 GPS, 我會加埋Google map 一齊睇. 試過係日本 google map 仲準過 GPS.

      刪除
    3. 日本google map在郊外時好用過車GPS。城市就無法了。

      刪除
    4. 小月,我就無機會唔洗開車喇!因為只我一個人有車牌呀。所以亦無機會試用google map。

      刪除
    5. コーさん,咁都要先download左日本地圖先至有得用?

      刪除
    6. 唔洗,不過要上網用。

      刪除

有興趣大家互動一下嗎?