搜尋此網誌

2014年5月11日星期日

2014年09月 ─ 德國+奧地利21天自駕遊 (機票篇)

2014年9月至10月 ─ 德國 + 奧地利自駕遊的機票,1733早於2013年12月已經購買了。團友當時是透過不同的機票定購網頁搜尋,最終在德國航空的網頁上發覺是最便宜。所以在當時便購買了來回香港至德國慕尼黑的機票。

A360德國漢莎航空
機票價格:5,340元
燃料及機場稅:2,713元
機票最終價格:8,053元

二人機票價格:8,053 x 2 = 16,106元


航班是零晨機飛德國,晚上機回香港。


按下面的連結可以直接帶引你到有關的Blog


153 則留言:

  1. 我6月頭去奧地利同slovenia. 排好行程未?

    回覆刪除
  2. 回覆
    1. 不去啊,人太多,附近既酒店亦已滿,還有房都會好貴既房租。我又唔飲得酒精飲品,係我對呢d會有敏感反應。

      刪除
  3. 有機會係薩爾斯堡見面喎~~

    回覆刪除
    回覆
    1. 係?正喎。睇埋團友個行程就更清楚喇。
      你到時會唔會買上網咭用呢?如會,在德國或者奧地利聯絡會方便好多。

      刪除
    2. 租wifi ?我未聽過有wifi租。
      不過酒店都有免費wifi,唔洗租啦!
      反而買上網咭,就度度都可以上網。

      刪除
    3. 租wifi可以去邊度租架?

      刪除
    4. 我諗小月係話租pocket wifi?

      刪除
    5. 我用iphone GPS, 慳租GPS 既費用,

      刪除
    6. 今次歐遊選了呢間 http://www.wifibb.com/

      刪除
    7. コーさん,係呀,而家知佢係講呢樣呀。

      刪除
    8. 小月,其實上次コーさん及T先生都話過比我知可以用手機上既GPS唔洗租GPS。但講極我都唔係幾明白,所以最終都租左GPS。
      講真,租GPS係勁貴架。好似我今次德國咁,我估要成2千港元既租金架。

      所以我想在香港買一個GPS,當然係一定要有歐洲地圖啦!不過我就唔知去邊一D地方買同埋幾多錢。
      你用iphone GPS係唔係先在網上download有關既地圖,然後用既時候,唔洗上網,開著手機都可以正常使用手機既GPS架?

      刪除
    9. 租pocket wifi都唔係好明點用,因為之前都未用過。
      係唔係租左呢個pocket wifi就等如可以隨時隨地上網及分享比有關人士使用?

      另外,我上過wifibb睇過,去歐盟既地方,日租120港元,都唔平。

      好似我去20日咁,佢收我19日租金,即係租金都要2280港元。如果以earlybird計有8折,就收1824港元約166歐元。

      唔知道如果在德國慕尼黑機場買張數據咭用20日要幾多錢?可以去邊度可以睇到呢?上慕尼黑機場個網址睇唔睇到呢?

      如果租Wifibb在台灣用都貴,60港元一日。好似我平時去台灣8日計。wifibb收我7日錢,即係420港元。但我在台灣買一張可以用10日既數據咭+打埋電話,都係500台幣(130港元)。
      相對在台灣用就好貴。但跟歐盟我無資料比較。

      刪除
    10. 簡單講,pocket wifi只是一部內置3G/4G上網咭的機器,使用時,我只要用手機,電腦經WIFI連接,就可隨時隨地上網(如果3G/4G signal的話)。

      你去20日,我估應該當地買咭平啲。

      刪除
    11. 呢度有參考:http://prepaidwithdata.wikia.com/wiki/Germany

      刪除
    12. 我上次去歐洲租車無留GPS 俾我, 要打電話返來smartone 開通上網. wifi bb 無限上網, 可以隨時隨地上網及分享比5部機用. 有一次係北海道美瑛收唔到. $$$ 我地多人share. 我上次都唔識用, 係街迷路都唔記得開GPS. 要download 地圖好似 iphone 唔得, android機會方便d. 我就長期上網開住GPS. 好似都要用好多data.

      台灣係咪好多地方有 wifi, 可以唔駛租,

      刪除
    13. コーさん,我成日以為pocket wifi是在收到wifi之後先至可以上網,原來係一個上網咭的機器先至啱。上左網就可以share比其他朋友。
      頭先去睇過在德國買上網咭都好似好麻煩,買左之後都要等成24個小時才可以開通,開通左再要去店舖儲值才可以用。如果去到機場或超市,睇到有無咁煩又價錢啱先至買,如果唔係就返酒店先至上網。

      刪除
    14. 小月,租車時你要話租埋個GPS佢先至會留個GPS比係架。我得兩個人,用wifi bb唔化算。
      台灣好多地方都有wifi。在你進入台灣機場既入境大堂,你就可以到旅遊中心登記,就可以在一個月內免費用wifi。不過在台灣買上網+通話咭都好平,十日無限上網,只500台幣。有三日,五日及唔同既組合比你揀。所以唔洗租wifi bb。GPS租車超過一日就送埋比你用架。

      刪除
    15. 我上次booking 有要求GPS, 再同europe car e-mail confirmation, 都無留俾我~

      刪除
    16. 舊年我在英國租車,在網上要求租GPS。在租車公司辦手續時,佢都有講話我係唔係book左GPS,我話係,佢就攞左個GPS比我用。如果當時佢無留個GPS比我,嗰時我都會好麻煩。

      刪除
    17. 歐洲唔係原地還車, 好多都唔比GPS.

      刪除
    18. 無咁既服務都好麻煩下

      刪除
  4. コーさん,知不知道香港邊度有GPS+正版既地圖賣(可以上網更新地圖)?

    回覆刪除
    回覆
    1. 如果香港,我不知道,我請教t先生代答。

      刪除
    2. tomtom亞洲好似台灣有買, 英國都有, 香港我見過 papago不過唔知可唔可以換其他國家地圖, 我部手機有 sygic, 有不同國家地圖買, 不過好似無日本, 但可以免費更新地圖

      刪除
    3. https://www.sygic.com/en/android:buy-now?r=topmenu

      刪除
    4. 呢個sygic好似唔錯。

      1733兄,可以的話,建議試用手機GPS。
      我估你以後每年都去一兩次歐遊,學一次,每一地方都可用。

      刪除
    5. 佢係成份地圖 download 落部裝置度, 即係 offline GPS navigation

      刪除
    6. 你地用邊隻GPS, 我唔鍾意google 箭咀畫面, 轉來轉去.

      刪除
    7. 1733 可以平時係香港行街或開車試用gps, 好容易.

      刪除
    8. t 先生,我宜家架車用緊 Map King,你知唔知可唔可以update 其他國家 GPS?

      刪除
    9. 嘻嘻大小姐,你估我係代理呀 :D
      去mapking.com搵答案:)
      講講下 mapking 唔知係唔係 tomtom

      刪除
    10. コーさん,麻煩晒你,又要你去搵t先生過黎幫忙添。

      刪除
    11. Sygic GPS Navigation Offline for Android
      Europe
      Time unlimited license for AndroidFree updates for app, maps and POIs
      POIs係乜野黎呢?
      歐洲地圖39.99歐元(4百幾港元),有無限免費更新,都唔算貴。
      不過在網上買左之後,我估佢比條link我去down load張地圖,當然要有密碼啦!
      係唔係咁就可以用呢?

      刪除
    12. t先生,成日見到人地話sygic,其實sygic係乜野黎架?
      我部手機係Samsung Galaxy S4,團友係Note 3。可唔可以好似你咁買到地圖架?

      刪除
    13. コーさん,我聽晒你話,我要通知租車公司我唔租GPS喇。
      學一次,以後就無晒D煩氣野。正。
      一於用手機GPS。

      刪除
    14. 佢係成份地圖 download 落部裝置度, 即係 offline GPS navigation
      t先生,咁即係完全唔洗上網,正接開住部手機,跟衛星直接聯繫使用GPS帶路?

      刪除
    15. 你地用邊隻GPS, 我唔鍾意google 箭咀畫面, 轉來轉去.
      小月,我既手機只安裝左google既GPS。咁你又用邊一隻GPS架?

      刪除
    16. 1733 可以平時係香港行街或開車試用gps, 好容易
      小月,在香港有時遇到有D路唔係咁熟,我都有開過手機GPS用。都好方便。不過而家唔知點解,個GPS把聲又以前既廣東話變左普通話導航。

      刪除
    17. 大小姐,map king 又係手機GPS既其中之一個地圖?

      刪除
    18. 大小姐,MapKing Android 地圖升級只有香港、新加坡、馬來西亞、中國及阿聯酋咋。


      刪除
    19. 我個 MapKing 唔係手機係裝喺架車既 GPS 要入咭嗰隻。

      刪除
    20. 咁你個mapking買左幾多錢?

      刪除
    21. 用過google, 係大陸用百度, 歐洲用過每個國家既免費 GPS (好似好d既要俾$$$), 不過清楚程度同Google 好似各有各好. 最搞笑係用一個國家既GPS, 唔識教你過關, 要自己揾路過境. 我仲問同事借咗車用既phone holder. 唔好靠晒GPS, 開車個陣我都試過比GPS 帶遊花園~

      GPS把聲又以前既廣東話變左普通話導航 >> search google 揾answer la.

      刪除
    22. 幾時用GPS都唔好信晒佢架。我都耐唔中比GPS點架。
      search google?
      好,等我去搵下乜料先。

      刪除
    23. 原來只有部份既Android 手機型號才有廣東話導航。

      刪除
    24. How to install Sygic GPS Navigation
      Download Sygic GPS Navigation from Google Play Store (Wi-Fi is recommended)
      Download maps for the regions of your interest.
      How to activate your Sygic GPS Navigation license
      Run Sygic GPS Navigation on your device
      Enter your product code in Sygic Store (My Sygic) > Activate
      If you are reading this email on a device with Sygic: GPS Navigation & Maps for Android already installed:

      Tap here to activate Sygic GPS Navigation for Android (Hong Kong, Taiwan, Macau).

      Need help?
      You can find a step by step installation tutorial here.
      If there is anything else you might need to know please visit our Help center.

      刪除
    25. http://help.sygic.com/hc/en-us/articles/201893033-How-to-install-start-using-trial-or-activate-the-application-

      刪除
    26. http://help.sygic.com/hc/en-us

      刪除
    27. t先生,無言感激啊!

      刪除
    28. 1733,你兩部機都近乎最新model,應該裝到啦。

      如果你用sygic,理應全offline都用到。

      其實你有兩個人,建議google map(上網)同offline sygic一齊開,當然你自己按需要,跟邊過行。

      刪除
    29. 仲有樣野講比大哥知, 就算你換左電話或 TAB(要Android), 只要用番同一gmail上 play store download, 你一樣有番個 license sygic ^^ 我裝過六部裝置 run 都到.
      唔急用可以等一等, sygic 有時會減下價, 我果時買係十蚊歐羅 (Hong Kong, Taiwan, Macau).

      刪除
    30. 解决 google 導航講國語, 你要去 play store 買個 app 叫 SVOX Hei Wan Cantonese, download 完開一次個 app佢會再download 野, 然後喺本身電話果個設定>語言與輸入設定>文字轉語音輸出>偏好的引擎, 揀 SVOX Classic TSS (以上係 NEXUS 電話設定)

      刪除
    31. 仲有係 sygic 個 app 內置係有廣東話揀, 但不適用喺 google 導航

      刪除
    32. 無言感激總好過以身相許 :D

      刪除
    33. コーさん,你建議我地二人同時用 offlin sygic 及上網用 google map 其實係一個好好的建議。但有可能我不能用上你的建議,原因係我睇過原來在德國買上網咭都唔係一件好容易既事。
      在討論區有人話買左張上網咭就要等超過24個小時才收到通知這一張咭被開通。但收到這個通知後要去有關的店舖增值。咁攪法我諗我地唔買上網咭嚕。

      刪除
    34. t先生,你裝過六部裝置 run 都到?咁係唔係一個License Sygic 只可同時以安裝在兩部手機上架?
      [唔急用可以等一等, sygic 有時會減下價, 我果時買係十蚊歐羅 (Hong Kong, Taiwan, Macau)]
      咁去完台灣返黎,我要經常去睇下個價錢先。

      刪除
    35. [解决 google 導航講國語, 你要去 play store 買個 app 叫 SVOX Hei Wan Cantonese, download 完開一次個 app佢會再download 野, 然後喺本身電話果個設定>語言與輸入設定>文字轉語音輸出>偏好的引擎, 揀 SVOX Classic TSS (以上係 NEXUS 電話設定)]
      講得咁清楚,一家唔會攪錯喇。

      刪除
    36. [sygic 個 app 內置係有廣東話揀, 但不適用喺 google 導航]
      仲正,如終聽返廣東話會傳神D。

      刪除
    37. [無言感激總好過以身相許 :D]
      我成身橫肉,無一事處。

      刪除
    38. http://budgettraveller.org/travelling-to-germany-tips-for-getting-mobile-internet-access/

      據呢篇所講,帶passport去O2 shop可以買到sim card,同埋一小時內應該可以activated。

      篇文係2013年寫。

      刪除
    39. 我睇嗰D係2012年既料,咁睇黎O2shop有改善到噃。咁一於睇下買唔買到先。

      刪除
    40. Sygic有個叫Head-up display賣10歐元。如果所買既地圖啱自己用既話,唔洗走去買個車內用來夾住個電話既裝置添。
      http://www.sygic.com/en/head-up-display?r=topmenu

      刪除
    41. 哈,白天用唔用到架?

      刪除
    42. 我都有呢個疑問,但佢無講話用到,又無講話用唔到。

      刪除
    43. 我估白天用到嘅可能性好低。
      都係帶個車夾去安全啲。

      刪除
    44. 又跟老師們學到野!  原來iphone 都有sygic,  好貴呀! 各位大大, 準備緊租車用既音樂CD, 自己燒既cd, 應該用乜 format, mp3, wav.......?

      iphone head up display 寫 work at night!

      刪除
    45. 我會燒mp3落CD,而且將file name/folder name縮短,最好八隻字以內。紿終架架車不同,讀唔讀到就去到先知。

      不過,我通常帶FM Transmitter聽iPod,成功機會高啲。

      刪除
    46. 小月,都係等你返黎話我知。

      刪除
    47. Sygic, 以我暫時所知, 我換過四部電話同兩部TAB, 都可以用番自己 gmail a/c activate 番
      果種 HUD 只係 gimmick, 唔需要花無為銭, 如果裝喺ios就老虎蟹先裝落ipad先, 然後再試下比唔你再裝多次落 iphone.

      刪除
    48. 差D唔記得以前既mp3機,多谢提示

      刪除
    49. t先生,你D料真係好有用呀!謝謝你。

      刪除
    50. 小月,帶埋MP3機就萬無一失喇。

      刪除
    51. 1733兄,有價減喇
      www.sygic.com/en

      刪除
    52. 嘩,好正呀!唔該晒。唔知你知唔知我買成個Europe地圖就啱晒呢?

      刪除
    53. 買左全歐洲地圖,29.99歐元。正。
      t先生,謝謝你呀!

      刪除
    54. 你試下search你酒店,景點,睇睇有無?

      刪除
    55. 而家仍在台灣,回港才安裝。
      收到,可以測試一下佢運作成點。

      刪除
    56. 係喎,綠島小夜曲。^_^

      刪除
    57. 嘩好快手又攪惦 :)

      刪除
    58. 綠島已經玩完幾日喇,玩左浮潛。勁正。睇到好多魚。

      刪除
    59. t先生,你咁好介紹,當然要拿拿聲去買左佢啦。唔該晒你既幫忙呀!

      刪除
  5. コーさん,哈哈!我唔會買呢D新野試既,我會去買個車夾穩陣D。

    回覆刪除
  6. 小月,
    [原來iphone 都有sygic,好貴呀!]
    你今次係用免費地圖?
    [準備緊租車用既音樂CD,自己燒既CD,應該用乜 format、mp3、wav.......?]
    我仲等你返黎話我知添。在台灣、英國租既車都可以聽mp3。德國就唔知道。
    另外而家既歐元算唔算平呢?昨日聽收音機是10.5xx。
    在歐洲租車會去歐盟唔同既國家,我又唔見租車會問會唔會除德國外會唔會去埋第二個國家。咁有無問題呢?

    回覆刪除
  7. 上次德国,法国,瑞士境過關無人,我今次都會係salzburg 去德国,返來話你知。租車公司無問

    回覆刪除
    回覆
    1. 咁又幾特別,睇下我有無機會去碌一次先。:)

      刪除
    2. 小月,唔該晒你呀!

      刪除
    3. コーさん,咁你諗住幾時去碌呀?

      刪除
    4. 有排咯,日本都仲有地方要去埋先,跟住先再去英國,歐洲大陸(左軚)要等下先。XD

      刪除
    5. 本来諗住去英国,好難遇上好天气放弃了。長途機我係怕怕了

      刪除
    6. コーさん,其實左軑車對於一個經常開車既人黎講都唔係一個大問題。

      刪除
    7. 小月,舊年我去英國真係好好彩,好天既日子都好多日。
      我又係怕坐咁耐機架。屈住坐12個鐘好辛苦,落機對腳都腫晒。

      刪除
    8. 我一次去Scotland 4日好天,人人都話好彩,到London 即落雨

      刪除
    9. 見奧地利一時熱,一時落雨,唔該傳D運來

      刪除
    10. 剛剛發功傳左比你喇!

      刪除
    11. Salzburg kognisee 唔駛過關。我租架polo車,無洞插mp3 機,無留意可唔可以play mp3 碟

      刪除
    12. 唔洗過關仲正,由慕尼黑機場開個幾鐘車就到。
      我諗聽唔到MP3碟既機會好大。不過在英國租英國車就可以聽到。
      我唔幫襯租GPS喇,我已在網上買左地圖喇。
      你已經返左香港嗎?

      刪除
    13. 回来了,已经3x度, 當地人都话未试過咁熱! Wifi 機唔多稳定

      刪除
    14. Wifi 機唔多稳定?
      如果係咁,買上網咭又咁麻醉,我都係回旅店先至上網嚕。
      行程暢順嗎?

      刪除
    15. 買定上網卡好d, 有需要幫到手.
      比我想像順利,我今次共去了5個國家!

      刪除
    16. 但在blog看過在德國購買數據咭是有一定的難度。讓看看在慕尼黑機場有沒有辦法買得到上網咭先。
      咁短時間去五個國家,是否開了很長途的車呀!你條腰又痛,會好傷喎?

      刪除
    17. 唔係呀, 我選既係周邊地方, 例如我住既奧地利酒店去kognisee 1個鐘車, 遠d既3個鐘車左右. 以前可以開成日車, 上次去日本已經發覺開唔到咁耐, 選既都係3個鐘內既路線

      刪除
    18. 你咁plan就最正,唔洗玩得咁辛苦。

      刪除
  8. 1733兄,小弟月底前往慕尼黑。想請問你在慕尼黑機場能否買到上網/電話咭?開通手續複雜嗎?多謝幫忙。

    回覆刪除
    回覆
    1. Andy,慕尼黑機場無上網/電話咭賣架。而且我在網上搵過料,似乎在德國都唔好諗上網咭呢樣野喇!搵得到賣咭呢D店,開通張咭既手續都好複雜下。

      我呢次旅遊,係完全無買上網咭,只在有wifi既地方上網咋。

      刪除
    2. 你去幾多日呀?

      都係自駕遊?

      刪除
    3. 問下1372, 佢好似有買.
      http://lindaylchan.blogspot.hk/2015/07/20150708.html

      刪除
    4. 小月,我去1372處睇左,事隔一年原來真係方便左D。希望他日都可以在機場櫃台買啦!

      刪除
  9. 1733兄,我這次去奧地利加德國。奧地利+薩爾斯堡6天,德南+德東13天。8月29號抵達慕尼黑,我向你及各位師兄姊取經,同Caro租車(16天)時透過Rentalcar加購免責保險。

    預付咭-今天在背包客棧看到大陸淘寶有預付咭,我買了一張歐盟750MB+300分鐘(1個月有效)和一張1G(1個月有效)德國上網咭。連順豐速遞311人仔。我試用後會和大家分享使用心得。

    多謝1733兄關顧。

    回覆刪除
    回覆
    1. Caro在機場係無櫃檯架,只在停車場有個人咋,同時佢地無穿制服,你覺得唔見人,你就要走去問下企在停車場既人係唔係Caro既職員。
      另外,你今次有無租GPS呀?
      如無,我就有野提醒你。

      刪除
    2. 知道。收車通知單話係P20收銀機附近,是否同你上次收車地點一樣?我租個部車有包GPS同自動波。我手機有Sygic導航軟件。還有什麼需要注意?這次是我第一次日本以外自駕游,任何提點,無任歡迎。

      刪除
    3. 同我上次一樣,你睇返嗰一篇blog,就知道行過左麥當勞少少就係。
      睇清楚你要簽名既租車合約,和即時在現場指照做記錄,架車都最好要咁做,因為d職員唔會好似日本咁帶你沿架車行一圈架。可以的話,問清楚佢有無其他收費。
      另外,是左軑開車,小心。

      刪除
    4. 你客氣喇,大家分享一下心得啫。
      預祝你旅途愉快,返香港有時間的話就報平安啦!

      刪除
  10. 忘記講你和駕世遊兄的遊記及巴/絲打對答在我這次奥德游有很大幫助👍。多謝各位巴/絲打。

    回覆刪除
    回覆
    1. 唔洗客氣,寫blog係自愉又可以幫到人,我地都好開心架。

      刪除
    2. 你係唔係刪除左你一段留言呀?

      刪除
  11. 已於17號回港。此行碰到一些麻煩,在此和大家分享。
    -Caro的車保養做得不好,首先AdBlue(我租的diesel車需添加)並沒有加滿,在交車也沒告訴我這是什麼。在行車途中顯示屏出現添加AdBlue把我弄得一頭霧水。打電話去服務熱線才知可在油站潻加。
    -在威斯教堂碰到從香港來的夫婦,他們Caro的車GPS怱然不能工作(導航SD卡鬆掉)但熱線人員也不知道怎樣修正。他們不想擔誤行程,祗有用手機導航。
    -第12天在Potsdam,車子在傍晚不能起動。等了2個小時才有人把我們送到當地旅館但替換車要隔天才收到。建議各位租車時考慮緊急支援。
    -小心GPS路線資訊有時並不準確(替補的福士Tiguan),在高速遇到塞車就指導你走别的路線但GPS沒有計算新路線是否比原有路線省時。本來一程約400KMS的路變成520KMS,時間也由4小時增至7小時。

    忘記了,大陸淘寶買的電話/數據卡訊號良好。缺點是數據不能分享。

    回覆刪除
    回覆
    1. [Caro的車保養做得不好]
      我租這一次就好好彩架車無問題。

      [在交車也沒告訴我這是什麼]
      我在blog都有講交車時,個職員乜都無講就比架車我。入油究竟是入那一隻無鉛汽油都無講。

      [導航SD卡鬆掉]
      咁係唔係插返實佢就得呢?

      [車子在傍晚不能起動。等了2個小時才有人把我們送到當地旅館但替換車要隔天才收到。]
      呢樣我又覺得要比D時間租車公司去搵架車比你嘅。

      [建議各位租車時考慮緊急支援。]
      我都覺得呢樣係重要架。

      [小心GPS路線資訊有時並不準確]
      呢樣有可能係租車公司無為個GPS更新張地圖。似乎在某D車行既分公司都出現咁既情況。

      我會不建議大定去德國自駕遊去Caro呢間租車公司租車囉。

      [大陸淘寶買的電話/數據卡訊號良好。缺點是數據不能分享]
      不能分享呢樣好難明白。

      刪除
  12. 奇怪,我有一篇關於這次德國自駕游今天放了上去但現在不見了。我明天再寫過因jet lag又嚟搵我談心了。

    回覆刪除
    回覆
    1. 我就係收到有兩個電郵係關於你既回霞,內容當然在電郵內睇到,但就在這一篇blog的回覆上看不到。

      回港多少天呀?

      刪除
  13. 橫豎都係瞓唔到,寫埋段失落流言再試下瞓。
    我在17號回港,整體行程大致順利。在淘寶買的電話數據卡0K但不能作wifi熱點。
    想和大家分享Caro租車體驗:
    -大部份員工是新手,所以有問題要上級才能作答。
    -現在已不再在機場交收車輛,Caro用接駁Van載你往返車場與機場,需時30分鐘(連等其他客人)。
    -車不太乾淨兼沒有把AdBIue加滿。我往羅滕堡時,導航顯示屏要求我加AdBlue!我當時一頭霧水不知AdBlue為何物,打熱線才知這是Bluetec油渣引擎的添加劑。這還算小事。
    -在威斯教堂遇上一對香港夫婦,他們開同一型號電油車。車上的GPS冇功能因內置GPS-SD卡鬆脱。他們打熱線但客戶服務員說他也不知道。為免耽誤行程,他們用手機導航。當時我也擔心同樣事情會否落在我身上。一路都冇事直至9號晚在菠茨坦晚飯後想回旅館但顯示屏出現紅色車子危險警告。我打電話客服,他們說車輛不能再起動了,他們會送另一車輛給我但沒有GPS及棍波。我跟他說棍波和冇自動波對我得物無所用。最後他找人接收壞車和送我到旅館,到旅館已接近11點了。替補車要10號早上和業務部查詢。10號一早打去但最快要8點才知道有沒有吻合車款。最後他們說在栢林/菠茨坦衹有一台福士Tiguan。冇選擇下,替補車輛在11點交付。原來非常省油的C-Class就變成大食牛魔王。這還不是故事的終結;13號從德累斯頓回慕尼黑,GPS說前方有交通問題需走另一路線,走了兩小時還未上高速!停下來一看Google map發現車子已很接近捷克邊界了,馬上改用Sygic導航但沒多久又是指導錯誤(叫右轉但右面是一大片麥田)。最後用人肉GPS,油站問人!最後遇到好心人帶路上了A4高速。係高速上一遇到塞車,部Tiguan GPS就叫我落高速,我冇跟隨(有時祗係慢車佢都叫我落高速)。一路重重複複一段本來4小時400Km變了7小時520Km。到達慕尼黑還車時內心的舒暢非筆墨所能形容。
    雖然有麻煩但我還是支持自駕游。

    最後,漢莎航空這星期做推廣Premium economy去歐洲都係8千蚊未連税。各位絲爸打可考慮。

    晚安。

    回覆刪除
    回覆
    1. [現在已不再在機場交收車輛,Caro用接駁Van載你往返車場與機場,需時30分鐘(連等其他客人)。]
      雖然在某些機場都係要坐接駁巴士,但Caro連呢樣安排都無埋,一於飛佢添啦。

      [車不太乾淨]
      我租嗰架都算係咁囉。

      租自動波車變左做棍波車?梗係唔得啦!1) 租自動波車貴過租棍波車,2) 有人係唔識開棍波車架。
      佢有無諗下掉返轉頭都仲可以有得諗?

      刪除
  14. 1733兄,唔知係我唔識用定其它原因,我一更新頁面就把11:50分篇文删掉。明早再試post。

    回覆刪除
    回覆
    1. 咁奇?呢一個及上一個回覆又得噃。應該無問題吖。

      如果再唔得,試下在租車篇嗰度post吖。

      刪除
  15. 我是17號下午回港,19天在地行程大部份都愉快。

    先說電話卡,大陸淘寶電話卡是OK的但不能數據分享。750MB我都用唔哂。

    天氣就比較反常,8月底在維也納是35,6度。狂飲水!9月2號在薩爾斯堡遇上大雷雨,highway都係40咋。

    想借此分享一下今次Caro租車經驗:
    -Caro大部份都係新員工,他們遇上問題不懂得處理,要問上級或其他人。
    -車輛不太清潔又無把油渣潻加劑潻滿。我租的c class是油渣Bluetec引擎。從奥格斯堡往羅滕堡時,儀表板的導航出現潻加AdBlue的訊息。當時我一頭霧水,不知AdBlue為何物!打上客服熱線才知可在油站自行加潻。這還是小事一糟。
    -兩天後在威斯教堂碰上一對香港夫婦,他們也是開同型號電油車,他告訴我車的GPS不能操作因搭載訊息的SD卡鬆脱。他們打給客服但客服也不知道如何處理。為了不 耽誤行程,他們用手機導航。當我聽到時,我也擔心同樣事情發生在我身上。在第12天在Potsdam晚餐後想回旅館但顯示屏出現紅色警告:車輛不能滾動。我打比客服,他們說要等3至3個半小時才有人從栢林到達救車或換車。過了半個小時(20:30),他回覆現時祗有棍波和冇GPS,我話這樣不能接受,他便說佢搵人送我去旅館,明早七時我自行打去業務部查詢換車。最後救援車手約十10半左右嚟到接收壞車和送我去旅館。第二朝我7:15打電話跟進换車,佢哋話最快要8點後至知有冇自動波。8點半左右打番嚟話栢林/菠茨坦得番一台福士Tiguan.係冇得揀下唯有接受。這台Tiguan耗油量差唔多係C class的 一陪。故事還未完,在第16天從Dresden回Munich還車一程,車上的GPS說前方交通有問題需另走其他路線。跟着指示走了兩個小時都未上高速,感覺有問題,停車查Google map發覺不是往慕尼黑方向而是靠近捷克邊境。馬上用手機Sygic導航,開初都以模以樣,過了15分鐘,佢叫我右轉但右邊是一大片麥田。Sygic都幫唔到手,唯有用人肉GPS問人。在兩三個油站,終於遇到有心人帶路。他把我帶到高速才分手。在高速,一遇到塞車,車上GPS就叫我下高速。我冇跟從,最後都安全回到慕尼黑。一段4小時400Km變成7小時520Km。
    雖然有這麼大的麻煩但我還是強烈支持自駕遊,真係十分便利。

    最後,漢莎航空最近做推廣,premium economy去歐洲未連税和附加費都係8千蚊。各位絲/爸打有興趣可看看。

    希望呢次唔會自動删除喇,第3次了。晚安。

    回覆刪除
    回覆
    1. [大陸淘寶電話卡是OK的但不能數據分享。750MB我都用唔哂。]
      但總好過我呢次在德國無數據用。

      [9月2號在薩爾斯堡遇上大雷雨,highway都係40咋。]
      40係指乜野呀?

      我今次就有用車上內置GPS,自己帶左Sygic及tomtom導航。好彩又無乜特別野出現。

      [雖然有這麼大的麻煩但我還是強烈支持自駕遊,真係十分便利。]
      無錯,這些不良好的經驗迷當作旅遊的點綴囉。

      刪除
    2. 係40公里。靠睇尾燈開車。

      刪除
    3. 明白,係因為太大雨,所以在快速公路都係只開時速40公里。

      刪除
  16. 1733 試下去右上角設計,跟住去留言下的垃圾留言,再還原

    回覆刪除
    回覆
    1. 原來唔止有這一篇留言列入左在垃圾留言嗰度。

      唔該晒你呀小月,你好叻呀。

      刪除
    2. 原來係你收埋 d 野 :)

      刪除
    3. 我都無攪到任何野,更唔知道點解會被放左落個垃圾桶內添。

      諗諗下,可能係你都唔定。如果唔係你點知道係放左落個垃圾桶內吖?

      刪除
    4. 咪又係試過見到email, 見唔到comment. 上網 search blogger 留言消失的原因. 朋友教, 無人能解畫, google search 答案!

      刪除
    5. 唔知係唔係關篇回覆太長有關。個blog以為為垃圾郵件。

      刪除
    6. 谂下諗下我第一次唔見comment 就係你個blog! 可能係原因之一

      刪除
    7. 係?你有無咁好記性呀?

      嗰日我快快手將所有在垃圾桶內既回覆復原,而家都唔知D復原左既野放左在那一篇blog內添。

      刪除
    8. 係咪有我份呢?你咁多留言,真係好難搵

      刪除
    9. 仲未得閒搵返呢類由垃圾桶內攞返出黎既回覆,所以未知有無你份呀。

      刪除

有興趣大家互動一下嗎?