搜尋此網誌

2014年6月22日星期日

Day 2 of 8 (台東市)[岩灣區] ─ (台東縣)[綠島鄉] (追蹤篇)

2014年6月2日 (星期一) 天晴炎熱

在民宿食台式早餐。不知道是不是端午節的關係,民宿已經住滿客人,所以有很多客人。

上弦月民宿
09:00,食完早餐。待會搭乘11:30的渡輪由(台東縣)富崗漁港往綠島。所以還有很充裕的時間可以在民宿附近拍照。

民宿主人顏小姐替我們電召了一輛小黃在10:30到民宿接我們到漁港。

10:25,小黃很準時,已到達民宿門口,跟顏小姐道別便登上小黃。

富崗漁港渡輪購票處

綠島之星就是我們所搭乘的渡輪
渡輪開航時間是11:30,但我們要在開航前40分鐘到達售票櫃台領取船票。

為何1733會是領取船票而不是購買船票?

其實在取船票時,1733是要付錢的。因為綠島幸福月光民宿主人一早已替1733訂了船票,而且有優惠添,所以在售票櫃台前,1733要跟售票員小姐說是綠島幸福月光民宿的客人,亦要說出真實姓名,才可以領到船票啊!

雙體船 ─ 綠島之星二號

樓上貴賓座
船票是不對號,自由座。所以大家可以坐樓上樓下都可以,開船不久我們也改坐下層,原因是貴賓座冷氣不夠涼啊!

今天海面風平浪靜,沒有看到有乘客因為暈船而吐。40分鐘左右的航程便到達綠島。

[綠島鄉]南寮漁港,亦是我們上岸的碼頭位置。
本來民宿的套裝行程是包土住宿+早餐+戶外活動及二人一輛機車。但租機車的老闆說沒有台灣發出的機車駕照,不可以租用。原因是給警察發現,租車老闆及租用人均會罰款。而罰款不是一個小數目。

因此,1733便改租了一輛電動機車,當然要給民宿補償兩天的租金差額200台幣(53元)。日月光民宿安排把我們的行李直接送到民宿,而1733便開著電動機車先到大街用中餐。

綠島大街
今天是台灣端午節假期的最後一天連續假,所以離開綠島的遊人比登上綠島的人多出很多。所以大家看到的大街也比較人少一點。

釣魚人餐廳
我們注意到這一餐廳也有很多食客,所以也來幫襯啊!

餐廳附設無敵太平洋海景

綠島生魚片(小碟)

芹菜炒花枝

爆鹿肉

炒麵
午餐消費:630台幣(166元)
生魚片(小碟),100台幣(26元)。
芹菜炒花枝,250台幣(66元)。
爆鹿肉,200台幣(53元)。
炒麵,80台幣(21元)。

冰獄
冰獄就在釣魚人餐廳附近,是吃冰的好去處。

1733@冰獄 ─ 重刑房

草莓牛奶冰 + 綠豆牛奶冰
飯後甜品消費:120台幣(32元)
草莓牛奶冰,60台幣(16元)。
綠豆牛奶冰,60(16元)。

1733和團友騎著電動機車展開綠島自由自在遊

大白沙潛水區

1733騎電動機車@大白沙潛水區
從這張照片看,究竟是1733身軀肥大還是電動單車驕小啊?

哈巴狗與睡美

長城步道 + 哈巴狗
欣賞了這個景點,經過明天會到的朝日溫泉,便到了綠島幸福月光民宿。Check-in及付費後便到房間休息。

大哥的故事是售賣店而飯牢就是食店

飯牢即是香港人稱食皇家飯


進入牢房,當然要先來拍照以作記錄。

通緝飯

綠島鮮魚湯 3人份量
晚餐消費:390台幣(104元)
通緝飯2份,240台幣(64元)。
鮮魚湯,150台幣(40元)。
飯後到隔壁的大哥的故事逛逛,是賣T-shirt及小飾物的店。只買了一張名信片作為手信。

離開前,1733與大哥來張合照。


按下面的連結,可以直接到相關的Blog。 











58 則留言:

  1. 機車,與電動機車有乜分別,馬力細啲?

    回覆刪除
    回覆
    1. 我估機車入油,電動機車用電。我在日月潭玩過電動單車,很爽。

      刪除
    2. 無錯,機車是用汽油,電動機車當然就是電力喇。另外,電動機車既馬力好似係唔超過50cc架。
      Albertlaw,你在日月潭無乜斜路就爽啦,在綠島要上斜坡及我一車二人騎,上上下無力。及成日睇完盞燈,驚無電。

      刪除
    3. 係因為細cc可以租,定係電動就租得?

      上次cowcow話細過乜乜cc就租得?

      刪除
    4. 係細CC可以租,唔關用乜野能源既事架。
      細過50CC就唔洗車牌都租得。
      其實架車最快都行到時速30幾公里架。

      刪除
  2. 閒說,在綠島上,冇車牌也可以駕機車,是嗎?

    回覆刪除
    回覆
    1. 機車你冇台灣駕照佢唔租比你。電動機車跟本就唔洗駕照都可以開。

      刪除
  3. 個島有冇得租車架?電動機車行到半路冇電點算?

    回覆刪除
    回覆
    1. 綠島是有小汽車租架。
      不過平時無機會開機車,黎到呢D外島,人少車少,極適宜開機車兜兜風真係好正架。
      電力只可以用一個鐘頭多D,所以要成日留意仲可以用幾耐。我地兩個人騎,用電應該會仲多D添。
      每次騎完車返民宿第一件事就係要充電喇。都好為煩架。

      刪除
    2. 咁咪唔可以去好遠,途中有冇得充電?

      刪除
    3. 綠島係好細咋,開住架車一陣就行完。我估如果一人一車,仲可以行多少少時間。
      中途無公用或收費既充電站架。

      刪除
  4. 電動機車學過一次,我常當單車放隻腳落地停車~

    回覆刪除
    回覆
    1. 踏單車都唔可以放對腳落地作停車既用途喎。傷腳及有危險架。

      刪除
    2. 咁你開車會唔會都係咁返應遲鈍架?

      刪除
    3. e. 我無諗過wor. 我只係怕泊車, 開車又無問題. 左右軑又無問題~

      刪除
    4. 泊車都怕?泊得多都無問題架啦!

      刪除
    5. 無車. 又點會泊得多呢

      刪除
    6. 無車?咁你在香港平時有無開車先?

      刪除
    7. 沒有, 只係旅行耐唔耐先開一次.

      刪除
    8. 以前係美國有開車. 上次去日本既5位旅伴人人都有車牌, 不過4人係考完無開過車, 1人10年無開過, 然後迫我第一次開7人車 :)

      刪除
    9. 咁都係啫,你都有信心在旅遊時開車,迷就係好堅囉。睇黎你平時工作是一個女強人喇!

      刪除
    10. 我認路叻過讀書,所以唔怕,只差泊車練習少

      刪除
    11. 你叻到連外國既路你都認得先至得人鍾意嘛

      刪除
    12. 我睇完都想撘咀,去旅行好少認得路,除非去過幾次,或者熟讀google street view。

      刪除
    13. haha....我還沒有用過 Google street view. 對Google map 的操作仍感到困惑. 只是對東南西北的方向感較好.

      刪除
    14. 我跟小月相似,不過就唔係個樣貌噃,係對方向感好敏感。
      在外國,雖然我係完全未去過既地方,但我都極少會認唔到路走失架。

      刪除
    15. 宜家多用GPS, 無GPS 就感到不安. 諗返起以前無GPS既日子, 都想像唔到自己當年點行.

      刪除
    16. 嗰陣時係靠睇地圖,事前做準備仲多好多添啦。

      刪除
    17. 嘻嘻, 我又黎撘咀, 我認路叻, 但認人就"渣", 好多時見過幾次既人都會完全唔認得.
      "電動機車跟本就唔洗駕照都可以開"咪好危險囉, 我唔係講揸嗰個係行嗰個.

      刪除
    18. 我認人都仲認到,不過好難記得人名 :)

      刪除
    19. Nerissa,我就認路認人都ok,而家老左,認到個人但記唔起個機會多左。
      講真,就算冇呢d電動機車在路面上行。我都唔見得在台灣開車係好安全。

      刪除
    20. 小月,我都開始有咁既感覺呀!不過我唔同你,我係年紀大機器壞,你就工作壓力大。

      刪除
    21. ha. 唔係呀, 我讀書個陣記人名已經唔好.不過背書 ok wor :)

      刪除
    22. 咁你個腦就係有選擇性記憶噃?

      刪除
  5. 終於等到你更新啦!想問問綠島和台東有什麼好玩地方呀?我有個朋友下個月去呀!有咩好介紹呀?

    回覆刪除
    回覆
    1. 有乜野地方玩?
      台東我都去左好幾次,叫你朋友睇睇我玩過既啱唔啱佢玩。
      綠島係一個好細既島,兩野就玩完,叫你朋友捧場睇埋黎緊呢兩日既追蹤篇就睇到晒架喇!
      你又plan緊本年第四次台灣噃?

      刪除
    2. 好的!我有俾佢睇你個blog呀!等我通知佢你更新左先,唔該你呀!
      哈哈!第四次台灣要等年尾,今次可能冇人陪我去,不過唔緊要,一個人去我未試過,嘻嘻!

      刪除
    3. 你話左好耐好多次話好想一個人去自遊行噃?

      刪除
    4. 係呀!我話左好耐好想試,但一直無機會試,唔知今次會唔會呢!hehe.....

      刪除
    5. 今次唔得迷下次囉,千萬唔好夾硬黎。

      刪除
  6. 隊長你影d 入册相好認真好專業喎....哈哈哈......
    係羅, 隊長你改咗個排頭序言嗎? 我發現了少少手誤, 卽"1733已經愛上了你一個旅遊方式"?

    回覆刪除
    回覆
    1. So,哈哈,團友一叫埋位,我就自動波上身架喇。
      多謝晒你提醒我呀!我已經改正左喇。

      刪除
  7. 我想問清楚關於機車問題, 如果嗰國際牌印有電單車牌, 咁佢地可否租機車比你? 要不要載頭盔 ? 及包唔包頭盔?

    回覆刪除
  8. 除綠島國際牌有電單車牌都唔租外,台灣其他地方未聽過唔租。
    一定要帶頭盔,租車包埋既。

    回覆刪除
  9. 新既臺鐵官方版火車時刻表訂票 App

    http://www.playpcesor.com/2014/07/railway-Booking-app.html

    回覆刪除
  10. Hi 1733,

    很久沒來訪. 看到你這張通緝飯的相, 笑了

    http://2.bp.blogspot.com/-ylS4gN0oF5Q/U6ZaBrnQMsI/AAAAAAAADsM/Tnw3V6KtTJY/s1600/1733%2540%25E7%2589%25A2%25E9%25A3%25AF+%25E9%25A3%25AF%25E9%2586%2589%25E8%25A8%2598%25E9%258C%2584+%25281%2529.jpg

    回覆刪除
  11. 現在只有電動自行車才免駕照。這種乘2人的電動車已經必須駕照。。汽車1800/半天。

    回覆刪除
    回覆
    1. 噢!是嗎?那我們就只好租電動單車了。不過電動單車的爬山能力可能未如理想。下次再去綠島便住在碼頭附近比較方便一點吧!謝謝你的溫馨提示啊!

      刪除

有興趣大家互動一下嗎?