2014年9月26日(星期五)
原定行程：香港 → 德國慕尼黑國際機場。
實際行程：香港 → 德國慕尼黑國際機場。
這次德國自駕遊行程由出發日26/9起至回香港那天16/10止共計21天。在這21天內27/9、28/9、1/10、2/10、4/10、5/10、11/10及12/10共計8天都分別是星期六、日或香港公眾假期，這8天1733不需要上班。
而團友比我幸福，她申請獲批準的假期是由26/9至17/10，因為18/10及19/10是星期六及星期日關係，所以她會在20/10才會上班。
1733申請的假期是由29/9至16/10，共計12天。17/10這一天是星期五，我還是要上班的啊。
可能有blog友會問1733為何不跟團友一起共同進退呢？
原因是如果1733所申請的假期也是在26/9開始放假及20/10才上班的話，假期扣除計算會是介乎26/9至19/10，總計的假期日數會是24天。即第一段述的8天不用上班的日子也會被計算在假期內。所以1733這一次申請的假期是由29/9至16/10，共計12天。
為什麼17/10星期五這一天不放假？
因為申請連續放假超過12天的話，當中所涉及的不用上班日子都會被計算在假期之內。即是說18/10及19/10這兩天都會被計有在假期內。
期待9月26日這天今天到了，雖然是上班日，但心情也很興奮。很快就到了下班的時間，1733今天就不會一如平時一樣會無償加班，而是即時開車回家。回到家，團友已經把晚飯預備妥當。晚飯後便乘搭昨天預約了在20:30到家接我們的計程車直接到機場。
所乘搭的德國漢莎航空LH731航班的預計起飛時間是23:25。計程車準時到達我家，開車不久，就發覺計程車司機開車時慢時快，而且有少少左搖友擺。 路上1733很留意司機的駕駛，因恐有意外嘛！當計程車到了青馬大橋時，明顯地，司機是有點想睡，還差點撞向左線並排向同一方向行駛的小汽車。還好我在未出現意外前，大聲跟司機說要小心開車。這才避免意外發生。同時都避免了我的21天行程不能成行。
21:05，安全到達機場，真是要抹一把汗。因為已在網上辦妥選擇座位及Check-in，所以在機場check-in櫃檯只是為行李過磅，只花了幾分鐘時間已辨妥。
這次行李的重量分別是15.4Kg及18.3Kg。而行李限制是寄倉行李每人一件，每件不可以超過23Kg。
可供網上選擇座位及辦理check-in手續的時間被規定在起飛前23小時。當1733在限定時間開始時就成功登入有關的網頁面，1733知道今次乘坐的飛機是Airbus A360-600，飛機上的座位安排是2─4─2，總共是一排8個座位。在螢光幕上看到在兩邊的兩座位安排已沒有空位，剩餘的只是近走道的座位尚有少量可供選擇。而中間一排四個的座位選擇的也不多，而且近兩邊走道的座位亦一個空座位也沒有。在沒有得選擇之下，1733就只可以選在四個庭位的中間兩個位。
德國漢莎航空星空聯盟
LH德國漢莎航空 + TAP葡萄牙航空 + NZ紐西蘭航空
原來這一個航班是三間航空公司聯營。
.jpg)
Lufthansa漢莎航空 A360-600
23:25，航機準時被推離登機橋塔。
香港直航德國慕尼黑飛行路線圖
23:40起飛了，展開12個小時直航飛往德國慕尼黑國際機場。預算在當地時間9月27日05:40到達。
2014年9月27日(星期六)[香港時間]
12:55，很久沒有接到由航空公司送到手上的菜單。菜單內容包括有：
晚餐
涼菜
馬玲薯沙律
熱菜
(A) 燉牛肉配烤馬玲薯、南瓜與四季豆
或
(B) 魚香雞肉配蒸米飯與茄子
甜品
香蕉麵包油布丁
飲料
起泡葡萄酒、紅或白葡萄酒、酒精飲料、啤酒、軟飲料、礦泉水、咖啡、茶。
.jpg)
(A)餐
.jpg)
(B)餐
完全估不到，德國漢莎航空的餐飲質素真棒。國泰航空及港龍航空的餐飲就完全比不上，可以說是不入流，不可以比較。
餐後不久，團友睡著了。1733就用手機看韓劇。航機的設備不錯，除了座位比較寬敞外，還有USB插座可充電，另外耳筒也可以直接在手機上使用，勁方便。
2014年9月27日(星期六)[德國時間]
04:00，又開始派早餐喇！
早餐
水果酸乳酪
(A) 炒蛋配雞肉香腸與里昂那馬玲薯
或
(B) 炒飯配培根燻豬肉、玉米與番茄
.jpg)
(A)餐
.jpg)
(B)餐
雖然這一份早餐已製成可能超過12個小時，但並沒有太大影響食物的質感與味道。
早餐後不久，航機開始預備降落慕尼黑國際機場。
D1_無消費。
按下面的連結可以直接帶引你到有關的Blog
我鍾意A晚餐, 睇到都想食呀!
回覆刪除你同團友一樣選擇呢個餐
刪除估唔到話咁快就開波！
回覆刪除我晚機的話通常都唔請假.
我都開始期待12月中的旅程, 一直做無停過, 我都想早d放假
個的士司機累就唔好開車啦, 害人害記 :(
我上次係agent 幫我劃埋位.
估唔到1733 都會看韓劇, 睇邊套?
期待下集 - 薩爾斯堡~
估唔到話咁快就開波！
刪除因為昨日下午放假回家，等師傅黎修理乾衣機。所以有時間寫下，同時呢一篇比較易寫。
【我晚機的話通常都唔請假】
我年紀大，想hea住玩，所以好想呢日放假。
【我都開始期待12月中的旅程, 一直做無停過, 我都想早d放假】
刪除呢次去邊呀？
【個的士司機累就唔好開車啦, 害人害記 :(】
佢一路開車，一路hup眼瞓。好想趕佢落車，我自己開。
相信你要花時間選相.
刪除聖誕去日本四國.
今朝答左你一半就再無時間答你，唔好意思呀！
刪除日本四國？自駕遊嗎？買左日元未？
[我上次係agent 幫我劃埋位.]
刪除我好少幫襯旅遊社買機票，也未試過佢地幫我劃埋位。
[估唔到1733 都會看韓劇, 睇邊套?]
哈哈，我睇IRIS(II)，我在香港電視有睇過IRIS(I)，團友就幫我download套IRIS(II)比我睇。
[期待下集 - 薩爾斯堡]
以後20日會無寫得咁快架，要揀相，要搵料介紹一下境點資料嘛。
我都覺得你好似未答完 :)
刪除自駕遊, 未買日元. 有人話銀聯簽卡個rate 都差唔多.
更估唔到1733會睇Iris! 我唔認為值得睇, 只係like 李多海靚女.
唔緊要, 我會慢慢等~
而家答晒未？
刪除睇電視時都唔係集集有睇，在電話睇晒第二集，就覺得有勁多唔合理既情節，不過有得睇就算。
yes!
刪除昨日睇日劇，其實呢套日劇好多集都在電視睇過。
刪除在電視播既時候個名叫契爸唔易做，在網上搜尋個名叫高护木的規矩
呢套日劇睇得我好辛苦，好多集都睇到我喊到死死下。同時個心好酸多痛添。
我宜家好少睇日劇, 更怕睇喊劇!
刪除今年好劇集唔多, 都少咗睇.
最近韓劇有套好睇 - 皮諾丘(匹諾曹), 勵志的.
見到師公度假期真係好頭痕 XD
回覆刪除晚上出發仲要喺屋企食飯，俾我就借啲意唔煮喇 :))
長途機坐中間兩個位好唔方便喎，不過冇位就冇辦法啦！
[見到師公度假期真係好頭痕 XD]
刪除都係架，我個人唔係乜野都要計數既，但有8日本來係星期六、日及公眾假期，咁都要計落自己個假期入面，唔值得係咁。
[晚上出發仲要喺屋企食飯，俾我就借啲意唔煮喇 :))]
因為團友這一天放假，她也很想在家煮埋食埋先至出門口。
[長途機坐中間兩個位好唔方便喎，不過冇位就冇辦法啦！]
團友嗰面係香港某旅遊社既領隊，成程機都瞓，無離開個座位。我嗰面係一個德國人，雖然佢都係少離開個座位，但likes好多，我地要離開位，佢係笑笑口起身，有禮貌架。
衝出台灣,轉向德國,師公真叻.
回覆刪除我往來北京 - 德國多次(因公)，多數坐CA， LH亦坐過， LH的飛機餐真一流。
呢次個行程，完全係團友一力策劃。佢真係好叻架。
刪除你仲叻啦！公斡坐飛機，又可以玩埋添。CA我都好似跟團去大陸時坐過。
LH的飛機餐真係要再讚架。
咦, 原來我地係同一界別工作喎.
回覆刪除係呀！
刪除好耐無去探你了。
陸大哥, 寫快d好喎! 我好心急呀! 雖然我出年一定去唔到德國, 但我都想快D睇下你個trip收集下資料. 你就好喇, 有甘多假, 好羨慕啊!
回覆刪除我知大家心急，不過我都唔但求快趣D寫完而求求其其架。
刪除我到而家在 政府都做左三十二年喇，在開始自駕遊之前，都好少夜假，更無一年去幾次旅遊添。假期係一點一滴累積返黎架。