2015年8月15日 星期六

Day 5 of 8 [熊本] 熊本市 ─ 阿蘇市

2015年6月25日星期四,天陰。


原定行程:[熊本]熊本市東橫Inn熊本城通町筋 → 阿蘇市阿蘇火山(096-734-0411) → 草千里平原(096-734-1765) → 城山展望所 → 阿蘇市格蘭蒂沃爾度假酒店。



實際行程:[熊本]熊本市東橫Inn熊本城通町筋 → 阿蘇市阿蘇火山(096-734-0411) → 草千里平原 → 數鹿流之滝 → 白川水源(map code 256 251 530) → 俵山展望所 → 阿蘇市格蘭蒂沃爾度假酒店。


住宿:[熊本]阿蘇市格蘭蒂沃爾度假酒店


 早餐
今天的早餐有咖哩飯食,但味道就不如相傳的好,1733只覺得味道太鹹了。


東橫Inn用餐區
今天08:00已到酒店地面的用餐區食早餐。食完早餐就Check-out開始今天上阿蘇火山的行程。GPS通知我們由熊本市這酒店到阿蘇火山全程有47公里,花時約1小時35分才到達。實際上我們走了48公里及花了1小時30分到達,跟GPS的估算差不多。
東橫Inn熊本城通町筋
08:45我們便開車離開酒店停車場。


看天色今天仍有機會下雨
沿路上阿蘇火山的車路也很好走。只是愈接近阿蘇火山就愈大霧而已。

阿蘇火山口纜車站
10:05到達阿蘇火山口纜車站。

看,迷霧的停車場內只停放有幾輛車。

 纜車站內告示

 纜車站內

熊本的吉祥物 ─ 熊本熊
到此一遊的不只我們兩個,還有好幾個香港人,看來他們也是各不相識的。今次到阿蘇火山雖然看不到火山口,但仍有機會看看纜車站、停車場和熊本熊,已不錯了。

到火山口的車道

離開纜車站便由原路駛去,來的時候經過草千里平原,雖然仍很大霧,但也開車去看看吧!



雖然看不到火山口,但山上的風景也不錯。

阿蘇火山博物館及停車場


二十幾分鐘前經過仍開到有十幾匹馬在這裏,但現在就一隻也沒有了。




原來馬匹被帶到遠處吃草



位於阿蘇火山附近的草千里

草千里(短片1)

草千里(短片2)

1733@草千里
看,1733在拍攝時遇著的風是有多大啊!


75-37@草千里



行幸紀念碑

1733又開車前行了少許,因為濃霧又散開了一點,所以在行幸紀念碑對面停下來。



開始看到有旅遊巴士駛向火山口
1733繼續開車往山下去。每次看到這一類肥胖型的巴士都覺得很有趣。

 阿蘇五岳之一 ─ 米塚
綠意盎然的米塚,山頂的凹陷處就是火山口的遺跡。

位置圖

在米塚的附近這山丘的泥土是鐵紅色的。



1733@米塚附近的紅色火山泥漿堆積而成的小山丘。泥漿呈紅色,即表示含鐵的量很高嗎?



這也是火山爆發時所留下的遺跡嗎?




在這一帶不乏有這些美艷小花

我們再繼續上路,只要是有想停下來的地方我們就會在安全的地方停下來。

 75-37@米塚

紅色小車@米塚






 沿路風光

 洗手間及免費停車場

 上山路況
去完洗手間,繼續上路。由於我們在上阿蘇火山時在駛經阿蘇大橋時看到有一瀑布,所以我們打算到此瀑布一看。因為當時不知道所經過的車橋名字就是阿蘇大橋及瀑布的名稱,所以我們無法設定GPS。又因為中途被幾所房舍的吸引,所以由洗手間走了約20分鐘才到達瀑布。

 數鹿流之滝免費停車場

 有60米落差的數鹿流之滝

日本之滝100選 ─ 數鹿流之滝
旅遊書介紹秋天時這處是賞紅葉的熱點啊!


數鹿流之滝(短片)

自駕遊就有這樣的方便及隨意,喜歡到那裏,決定也很容易。今日原定會在阿蘇火山口及草千里一帶會逗留大半天,但12時已經走完這一個數鹿流之滝。所以團友便即時重新計劃今天餘下時間的行程。很快團友便有決定了,就是去位於南阿蘇的白川水源。

數鹿流之滝走14公里便可到白川水源,所需時間30分鐘。


 1733開車走了20分鐘便到達目的地 ─ 白川水源


白川水源外的小溪
入場門票100円,但我們又不知道看的是什麼,在外面的又沒有什麼的吸引,所以我們也沒有購票入場。

差不多是時候用午餐,旅遊書上介紹在附近有一所是炭燒走地雞,因此我們便決定到此烤雞店食午餐。

電話:096-762-1899


由白川水源到此烤雞店只需10分鐘車程



烤雞店內


我們點選了這兩個定食











我們覺得這一頓午餐的味道一般,但在此店內食午餐的感覺良好。
午餐消費:1,980円+1,650円=3,630円(229港元)

食完午餐才14:30,所以仍有幾個小時可以玩啊!那麼我們便到制高點 ─ 俵山展望所。


俵山展望所地圖


 從下向上望俵山展望所

俵山展望所免費停車場



大風車




俵山展望所遠眺
天色愈來愈不好了,看來又有大雨來臨,所以我們便開車往今晚的住宿酒店。


GPS顯示由俵山展望所往阿蘇市格蘭蒂沃爾度假酒店要走21.5公里,需時約49分鐘。但1733覺得無理由只21.5公里的路程要走49分鐘那麼久。事實上整個行程也走了40分鐘。這40分鐘的車程,大約有30分鐘是在大風大雨的情況下完成。還好就是酒店大門前有上蓋,使在搬運行李時也沒有很狼狽。1733把行李帶到Check-in櫃台便開車到停車場泊車,而團友便做check-in的工作。我們還未上房,已有旅遊巴士載著一車的大陸團走入酒店,頓時使酒店的氣氛熱鬧起來,嘈吵起來。其實如果這一團是香港團或台灣團,情況一樣會是這樣。




到了房間,第一眼看到的是房間外的270度景色。原來露台外便是一個綠草如茵的高爾夫球場,如果這一刻不是仍下著大雨,是陽光普照的話,景色會更美。





酒店房間
房間有兩張雙人床,浴室的佈局也不是一般日式的標準浴室設計。

團友在這舒適的環境下小睡片刻,而1733就整理照片及出blog。

我們大約在19:00才去食晚餐。團友在網上的blog看到有私房菜,便設定GPS到這店一試。由酒店到這一店大約走30分鐘,原來這一店真的設在農田中的房舍,店亦沒有掛上招牌。團友便冒雨下車去探究一下,剛好有一婦人走出店,我們用身體語言表明來意,從婦人的身體語言,我們大致上猜到我們沒有找錯地方,只是此店今天可能已被包場。婦人再三表示歉意後我們便離開。我們便沿小路慢慢找路駛出大路,就在路旁找到一間名為大福壽司的食店了。



其實1733是不善長點菜,點菜的工作就經常交與團友。


是日菜式如下:


細可樂兩枝(400円)

磯盛(3,200円)

和風牛(1,500円)

壽司(1,500円)

醬汁煮鯛魚(800円)
是日晚餐消費:8,000円(505港元)

雖然大福壽司不是我們原來的選擇,但食材新鮮,味道極佳。店內設計、陳設很地道,無論是食物或是店內佈局都很合我們的口味。

離開大福壽司已21:00,雨,已由大雨變為微雨。由大福回酒店有11.4公里,在21:20便回到酒店。


今天75-37走了156公里
        4天共走了583公里

今天沒有入汽油

按以下的連結,可以直接到相關的blog。








30 則留言:

  1. 我都未試過Tokyo Inn 有咖哩飯食咁好? 有改善wor! 鹹吾鹹 係咖哩與飯的比例問題, 係吾係你貪心左D呀? 哈哈!!
    今日個天真的幾陰咁 bor! 我諗你D 片要重新配音 好D, 淨係聽到風聲 jar. 但你架車都吾肥伴幾靚仔呀 (有D 似你). 原始風味ge午餐都係一個體驗, 又吾貴, 算係咁la.中國人愛熱鬧是教育問題, 相信要等多两代才有改善了, 食番個靚dinner 順吓氣迷幾好!

    回覆刪除
    回覆
    1. 我都未試過Tokyo Inn 有咖哩飯食咁好?
      係?乜以前無既咩?我見到有D 東橫 Inn寫住逢星期幾才有咖哩食,有D就無寫。

      鹹吾鹹 係咖哩與飯的比例問題, 係吾係你貪心左D呀?
      我又唔覺得噃,咖哩係切忌鹹架,太鹹好難食架。咖哩多過飯係會濃味重D但與鹹無關囉。

      我諗你D 片要重新配音 好D, 淨係聽到風聲 jar?
      但我唔識攪噃。

      你架車都吾肥伴幾靚仔呀 (有D 似你).
      嘩!咁既大話你都講得出嘅?喂,我係講架肥巴士唔係講架75-37呀!

      原始風味ge午餐都係一個體驗, 又吾貴
      係,無錯,不過味道就好嘛嘛囉。

      中國人愛熱鬧是教育問題, 相信要等多两代才有改善了
      希望係啦!

      食番個靚dinner 順吓氣迷幾好!
      無錯。

      刪除
    2. 你靚仔係路人皆知的事實, 邊有講大話呢! 吾信 ge 你可以發個帖問下你 D fans, 睇下有幾多人反對! 你要對自己有信心呵!

      刪除
    3. 哈哈,你太欣賞我喇!謝謝。

      刪除
  2. 綠油油既阿蘇五岳 米塚幾靚!
    間酒店幾靚!

    回覆刪除
    回覆
    1. 綠油油既阿蘇五岳 米塚幾靚!
      係呀。我睇過有D blog既相係係白色和褐色架。

      間酒店幾靚!
      唔錯架,不過無車就唔建議去住喇!

      刪除
  3. 個纜車成年都無開過,你無去草千里騎馬?

    回覆刪除
    回覆
    1. 個纜車成年都無開過
      係啦!仲唔知幾時先至會開返添噃。

      你無去草千里騎馬?
      無呀,返轉頭D馬已經放晒出去食草休息喇。

      刪除
  4. 嘻嘻, GPS 所預計到達時間只係給奉功守法司機參考, 如果你早到一分鐘就係你有超速 ^^
    亞蘇火山轉眼都摺左差不多成年, 上次我都入唔到去
    http://klnhk.blogspot.hk/2014/12/d6-p3.html
    抹茶米塚又叧一景象,

    回覆刪除
    回覆
    1. 我睇到既米塚係朱古力布甸 :P
      阿蘇山既火口好難第一次就上到去,我都係去第二次至上到,跟住第二日想再去一次未到草千里已經大霧到要返轉頭。

      刪除
    2. 又抹茶又朱古力布甸, 好吸引下~

      刪除
    3. [GPS 所預計到達時間只係給奉功守法司機參考, 如果你早到一分鐘就係你有超速]
      咁快少少就實有既。

      [亞蘇火山轉眼都摺左差不多成年, 上次我都入唔到去]
      我諗佢好唔穩定。鹿兒島嗰便既櫻島火山最近都好活躍,唔知對阿蘇有無影響。

      我睇完你既淺褐色米塚後,覺得抹茶米塚靚D。

      刪除
    4. Nerissa,你睇到既米塚係朱古力布甸,係邊一篇呀?比條link黎睇下吖。

      [阿蘇山既火口好難第一次就上到去,我都係去第二次至上到]
      咁先至顯示佢好有性格嘛。

      [第二日想再去一次未到草千里已經大霧到要返轉頭。]
      我呢日上到去都大霧,不過就應該無你嗰日咁勁掛。

      刪除
    5. 小月,可能仲會有人話睇過白之戀人米塚都唔定架。

      刪除
    6. 師公就係哩度, 除咗朱古力布甸, 仲包括埋阿蘇火口同大霧阿蘇.
      http://huinerissa.blogspot.hk/2014/03/1618.html

      刪除
    7. 你都好吖,除左睇朱古力布甸米塜仲可以睇到阿蘇火山口添。

      刪除
    8. 我都算好彩, 第二次就睇到阿蘇火山口, 蜻蜓呢......上到去都睇唔到 ><

      刪除
    9. 所以迷話有緣先至可以見到囉。

      刪除
  5. 我舊年12月去時都係朱古力布甸,加上當時阿蘇山仲好活躍不停噴煙
    http://3jfamily.blogspot.hk/2015/01/2014-day-44.html

    回覆刪除
    回覆
    1. 你唔止睇到朱古力布甸,仲睇到火車小爆發添。
      咁好天,真係超正。

      刪除
  6. 1733兄, 喺亞蘇見聞比我多好多

    回覆刪除
    回覆
    1. 唔係嘛,我去去埋埋D都係鄉下地方噃。

      刪除
  7. 團友真係最佳拍檔,佢負責資料,你負責開車。我而加好少卜酒店,多數住民宿, 避開旅行團。

    回覆刪除
  8. 團友真係最佳拍檔,佢負責資料,你負責開車。
    大家都參與,會好玩好多,無咁辛苦架。

    我而加好少卜酒店,多數住民宿, 避開旅行團。
    我都係喜歡住民宿架,但日本搵民宿住好似唔係咁易。

    回覆刪除
    回覆
    1. 我 join 咗 Airbnb, 搵民宿幾好,你有時間可研究吓,日本唔知興唔興。我喺澳州卜咗三間。

      刪除
    2. 年尾去紐西蘭我都無住民宿,知道早D搵你吹下水啦!

      刪除
  9. 終於有D行程一樣, 我地都有去阿穌火山, 我地好彩D, 看到火山口。都係去咗食高森田樂之里, 幾特別。

    回覆刪除
    回覆
    1. 你睇到火山口即係話是在舊年8月以前既事噃?

      刪除
    2. 早幾日阿穌火山爆發,好彩無大件事發生。

      刪除

有興趣大家互動一下嗎?