2013年4月21日 星期日
(香港天陰、名古屋天晴 + 勁大風，戶外溫度13度攝氏)
行程：香港國際機場 → 名古屋中部國際機場 → 名古屋古城 → 名古屋國際大酒店。
昨天天氣坪報告就今天香港早上有雨，還好在我們出發的時候未給我們遇上。雖然我們所乘航班的起飛時間是10:20，但我們在08:05便到達香港國際機場。早上八時已要在國泰航空公司(已在網上攪妥登機手續)的行理托運櫃台前排隊。很多人啊！但因為國泰航空的服務員有效率，所以很快我們便辦妥手續了。
吃完早餐便往第31號登機閘，排隊登機。
吃完早餐便往第31號登機閘，排隊登機。
1733早在4月19日早上已在網上辦妥登機手續及選擇座位。座位是第52行。但在4月20日發現座位被更改為第71行。今天國泰的職員告知是因為飛機的機種更改了的原故，所以座位被更改了。原本我們所乘的是Airbus 340-300，但今天早上到了座位便知道是波音B777-300E。
Boeing 777-300E
我們一行四人被安排坐於航機的第71及72行，亦是航機的最後兩行座位。1733很久沒有被安排在最後的座位了。
香港飛名古屋航程2,626公里
10:20，航機被推離登機橋塔。
香港時間10:43，航機便離開了飛行跑道，這時香港的天氣還是陰陰的。預備展開3小時13分的飛行航程。
12:04航機外
南瓜排骨飯
1733覺得這一個餐尚可以。
番茄芝士焗蜆殼粉
團友說這一個餐的味道就......。
日本時間14:45，名古屋附近上空。
機長通知我們，航機會較預定的飛行時間早了20分鐘到達名古屋中部國際機場。
名古屋中部國際機場出境大堂內所有租車公司的接待處
租車人仕先到這一個接待處登記，服務員小姐在登記`後便會給租車人仕一個有編號的牌子。
Toyota Rent a Car 辦理租車手續及取車處
拿了號碼牌子便乘升降機到地面這辦公室辦手續及取車。
日本時間16:00已辦妥手續上車，我們的P2 戰車 Toyota Sienta 1500cc。
這車不新不舊，已行走了11,959公里。
名古屋國際機場往名古屋古城的快速公路收費站
由於時間尚早，我們便決定先到名古屋古城。
名古屋古城
到達後才知古城在16:30停止售票，所以我們只好遠觀古城。
名古屋國際酒店
酒店收費停車場入口
停車收費1,800円，明天中午12時前可無限次出入。
1112號不吸煙雙人房
名古屋市 風來坊(錦店) 晚餐
晚餐消費：5,830円(496元)
飲料消費：1,570円(133元)
用過晚餐，我們便到附近的便利店買了明天在車上享用的小吃，便回酒店休息。
行車里數
D1_51公里。
汽油消費：
D1_無消費。
過路收費：
D1_1,750円(149元)。
停車場收費：
D1_1,800円(153元)名古屋國際酒店
D1_1,750円(149元)。
停車場收費：
D1_1,800円(153元)名古屋國際酒店
按下面連結，可以到相關的blog繼續看。
好有用嘅資料呀! 我噚日上網check in時, 無嘢位比我揀呀! 我哋三個分到離行離列呀! 所以我聽日都諗住八點幾去到機場再劃位呀!
回覆刪除我而家拾埋啲行李先, 你都早啲休息啦!
[版主回覆04/26/2013 06:06:15]不過你早成咁喎？
[Shirley回覆04/26/2013 03:41:01]mee too。
[版主回覆04/25/2013 23:43:18]我習慣左早起嘛。
[Shirley回覆04/22/2013 05:48:45]早晨呀! 嘩! 你都咁早起呀!
[版主回覆04/22/2013 05:30:20]起身喇！早D去check-in啦！
[版主回覆04/21/2013 21:24:14]今朝唔知係唔係星期日既關係，8點已超多人喇。
祝你明天攞到好既座位。
其實今日自飛機由離開飛行跑道起計，到在名古屋著陸，都只飛了3個小時。可能係好大風又係順風既關係掛。
朋友,午安。因為連日來編寫有關工潮的文章http://www.uwants.com/viewthread.php?tid=16025756&extra=page%3D1,弄至身心疲累。文章不但發表在Uwants討論區,還有發放在其他幾處的地方,希望更多人知道貨櫃碼頭工人的苦況。文章人氣已經達到九千幾人次,就快接近1萬人次了。由於近日天氣時晴時雨,時熱時冷,以致身體有點不適。所以,我決定昨日休息一天,來不及探大家了。今日,終於回復狀態,就來探大家並向各位問安。祝各位身體健康,週一繼續開心愉快。
回覆刪除[版主回覆04/25/2013 23:42:42]保重身體才是最重要呀！有好既健康才可以去做你想做既野嘛。
Wow ~ 現場直擊 , 堅呀 .
回覆刪除記得預留時間休息呀 .
[版主回覆04/25/2013 23:41:04]唔直擊得幾多咋。住既地方絕大部份都係無得上網架。
今日去租第二轉車，在攞車時睇到你想租嗰款車，不過就睇唔到佢個行李箱有幾大。
真係有D衝動想去轉租呢一款車架。
好彩有你提醒飛機餐食咩，我細妹唔食南瓜同芝士，咁佢自己買嘢上機食呀！
回覆刪除[版主回覆04/27/2013 16:48:49]明白晒。
[Shirley回覆04/27/2013 06:01:45]因為佢自己買咗嘢食，咪算囉！
[版主回覆04/26/2013 06:05:10]點解唔同佢講食呢兩樣有感感，可唔可以食即食麵或者三文治呢？
[Shirley回覆04/26/2013 03:39:41]佢咪剩係要咗個餐包同飲嘢囉！
[版主回覆04/25/2013 23:38:23]咁係唔係真係你細妹無食到那個飛機餐呀？
旅途愉快
回覆刪除[版主回覆04/25/2013 23:37:20]到而家都玩得好開心呀，尤其是今天。
講下講下亞隊長又起程了, 生命多美好! Good trip呀隊長!
回覆刪除岩岩要去食lunch, 見你個咁豐盛的晚餐, 個肚即時胡胡聲添!
[版主回覆04/25/2013 23:36:43]你快活不知時日過嘛。
朋友,午安。充滿陽光普照的一天,祝各位開心愉快,滿有陽光朝氣。祝您旅途愉快。
回覆刪除[版主回覆04/25/2013 23:35:57]晚安呀！
真係正! 1733又去旅遊!~
回覆刪除等你回來分享!~
[版主回覆04/25/2013 23:35:41]我仲有幾日先至返呀。
1733,午安。祝您週三愉快。祝您旅程開心愉快。
回覆刪除[版主回覆04/25/2013 23:35:15]晚安。你好呀，遲來的回覆呀。
我噚日喺立山雖然唔係晴天，但睇到好靚嘅山脈同風景，但今朝起身就大風大雪，而且凍咗好多，希望你今日上山都可以睇到靚景啦！
回覆刪除[版主回覆04/27/2013 16:53:47]除左室堂既立山酒店無wi-fi服務外，其餘既酒店都會有在大堂有免費Wi-fi，不過我就無落大堂用。
另外，只有名古屋及池代房間內有上網服務，而且係免費添。
[Shirley回覆04/27/2013 04:22:10]室堂我都上唔到，其他都得，我間間房都係連線上網，只不過我帶咗個mino router咪可以用wifi囉！
[版主回覆04/26/2013 06:10:03]今日住池代呢一間房都無wi-fi，靜係有連線上網咋。
[版主回覆04/26/2013 06:08:45]室堂都上到？係上到free wi-fi？
我地住立山酒店一D都收唔到呀，連check-in大堂都無。
[Shirley回覆04/26/2013 03:37:12]我除咗喺室堂上到之外，礪波，都上到，不過今晚喺平湯就應該無啊！睇到日出咁正
[版主回覆04/25/2013 23:30:52]你咁好嘅，成日都有機會上到網架。
看第一天上過網之後，就係今日到左池代先至可以上網咋。
[版主回覆04/25/2013 23:29:34]今朝室堂勁好天，睇到日出呀！好正，好掂呀。
[版主回覆04/25/2013 23:28:16]而家先至再有機會上網。
24號我地由高山上立山既室堂，一早起身就好大雨，不過愈上山雨就細左好多。但上到室堂，就勁大風及有細雨。不過都玩得好開心。
[Shirley回覆04/25/2013 03:59:23]我見今朝室堂天氣好好呀！你應該可以睇到好靚嘅日出啊！，我今日去白川鄉再去高山，都係好天呀！
今日終於有時間上來了，回到香港只能說追蹤了，不能說在日同步，哈哈
回覆刪除[版主回覆04/27/2013 16:55:40]明晚我都返到香港喇！
係啦！所以我這幾篇blog都叫追蹤囉。
市區泊車真係超貴
回覆刪除[版主回覆04/27/2013 16:57:08]都唔知點解名古屋酒店既停車場收費仲貴過池代嘅？
1800Yen CarPark , 真命 ~
回覆刪除[版主回覆05/01/2013 15:51:30]香港agent book架。
[Ada & Man San回覆05/01/2013 15:28:02]無法 , 你去大酒店及市區一定貴 , 香港Book ?
[版主回覆04/30/2013 08:14:22]但無辦法，如果唔係要由機場搭車到名古屋，第二日先至去租車囉。但我地又唔想。
名古屋好天氣呀 !!!!
回覆刪除[版主回覆04/30/2013 11:29:38]係呀!不過就超大風呀!
哈哈 ! 我上次是瘋狂之旅羽田直去高山 , 所以無去名古屋～
回覆刪除第一餐好豐富喔！
[版主回覆05/01/2013 21:02:13]無錯。
[Ada & Man San回覆05/01/2013 18:51:17]所以年青時可以不妨瘋狂一下～
[版主回覆05/01/2013 15:59:14]大多年前又試過做的士替工，由早上6點，做到第二日既早上6點。落車既時候，腳軟，差D趺左落地添呀。
太辛苦喇。救命呀！
[版主回覆05/01/2013 15:56:44]好多年前我在美國LA都試過03:00開車，在22:00到加拿大溫哥華。我都覺得癲架。
而家年紀大，好難頂得到，唔好攪我喇。我想舒服D咁玩喇。
[Ada & Man San回覆05/01/2013 15:26:13]1733 & KO : 因為Ada San 是瘋瘋地的,直落5 Hr , 未算最狂 , 最後回程是由早上一早由金澤自駕13粒鐘回東京 !
Ko , Ada san 夠癲嗎 ?
咁不過我們是有2個司機 , 中途玩理輕井澤 & 摘埋士多啤梨才在羽田附近交車～
[版主回覆05/01/2013 12:25:04]我地諗住玩得舒服D，所以唔咁趕喇！
[版主回覆05/01/2013 12:24:32]KO，今次我由松本開左3個鐘唔洗就到左池代。
[コーさん回覆05/01/2013 10:15:14]我上次都係，OVERNIGHT機到羽田，跟住揸四個小時到松本。
係因為日元跌左?所以轉戰日本。
回覆刪除[版主回覆05/04/2013 13:18:18]唔係呀！舊年已經開始有此大算架。嗰時仲係10算架。
以日本的消費來說, 你個晚餐又幾抵喎
回覆刪除[版主回覆05/13/2013 17:44:57]無錯, 最緊要係攞個心出黎做先至做到好野既
[多啦V夢回覆05/13/2013 16:41:20]日本人做乜都咁認真, 抵讚. 香港好多食肆老闆都賴租貴, 攪到影響出品水平, 咁唔通日本又好會平租? 我覺得香港的飲食業要向日本學習.
[版主回覆05/12/2013 15:36:25]我第一次去日本係2010年去北海道嗰一次。那時仲覺得日本D野貴。
今次去，就覺得同香港差唔多。咁即係香港d野貴左好多囉。
不過日本食野既質素，一般都好過香港好多噃。
[版主回覆05/12/2013 15:34:24]係架，仲幾好食添喎。
嘩！咁快去完返黎，仲要完成埋個遊記，效率奇高呀！
回覆刪除[版主回覆05/13/2013 20:50:24]個遊記未完成架。呢D追蹤篇理應是在旅遊時寫既。不過嗰陣時住既酒店大多在房間內都無得上網，所以無寫出黎咋。
我係會為每一天寫詳細既資料包括景點介紹及有關既歷史資料架。當然還少不了的旅遊資訊啦！
Sienta 譯番中文唔出得街
回覆刪除話時話後面行李位都放到四個喼加手提行李?
[版主回覆06/20/2013 17:34:58][Sienta 譯番中文唔出得街]
係，等我返香港先至去睇下係乜。
話時話後面行李位都放到四個喼加手提行李?
唔係個個大喼都得架。