2013年6月22日 (星期六) 天晴、微風。
原定行程：花蓮[吉安]金澤居民宿 → [萬榮]明利飛行傘 → [東里]東里火車站 → 台東[池上]伯朗大道 → 花蓮[富里]邊界‧花東民宿。
實際行程：花蓮[吉安]金澤居民宿 → [萬榮]明利飛行傘 → [東里]東里火車站 → 台東[池上]伯朗大道 → 花蓮[富里]邊界‧花東民宿。
這一篇發表，將不會以追蹤篇的簡短形式跟大家分享。而是會以詳盡的形式來寫的啊！
今天的重頭節目是到花蓮萬榮玩飛行傘。因為在網上已約了飛行傘教練於08:30在飛行傘預定的降落點會合。所以昨天1733已經到了現場探路，知道一如1733的預計，由金澤居到會合點如不多車的話，需要30分鐘的車程。不過我們不單止到了降落點，還開車直上明利飛行傘的機地，也曾嘗試上起飛場地。後因為天雨路滑，車路狹窄、多灣及斜。又因為怕前路沒有掉頭處，所以在差不多到達起飛場地前便掉頭下山了。
今天要早起啊！在民宿07:30開始供應早餐的時間用早餐。
金澤居清新西式早餐
經常有看我blog的朋友也許仍會記得，金澤居的早餐是很美味的，尤其是西式早餐。還有啊！餐湯是可以再添的。
昨日傍晚收到民宿主人陳小姐的厚禮，1733便在金澤居的網頁上給她留言多謝禮物。
今天一踏入用餐區，真估不到就見到陳小姐。陳小姐知道我們是要趕時間，所以我倆邊用早餐，邊跟陳小姐吹水。
原來陳小姐昨晚已經在網頁上回應了我，並說知道我今天會趕時間，所以會一早到金澤居跟我們碰面吹水。
陳小姐又跟我說，好剛於上個星期到了香港一趟，主要是參與在香港舉辦的國際旅遊節，所以她是剛從香港回台灣不久。在香港期間，她跟在金澤居的其中之一個老顧客朋友見面，這一位朋友曾帶她到西貢看龍舟賽事。她發現原來香港的龍舟賽事跟台灣的並不一樣。
1733問她為什麼不跟我們通知一聲，好讓我們有機會盡地主之誼嘛。
另外，這一位朋友原來也是1733的blog友，只不過是她是隱形blog友而已。
陳小姐說，你兩位香港朋友從未會面，有時候當1733你離開，這一位朋友便到達，但有時候又會相反這位朋友離開台灣，1733又入住金澤居。
不知道何時在台灣或在香港可以會一下這一位隱形blog友。
哈哈，隱形blog友現身了。原來很久以前，他已是我的關注blog友。只不過他比較少在我blog內回應及留言而已。又因為他仍未有寫blog，所以我現在只是在他愛人的Facebook跟他們聯絡。
吃完早餐，我們跟陳小姐道別，便開車往花蓮[萬榮]明利飛行傘的降落場。
花蓮[萬榮]明利飛行傘降落場
我們準時到了降落場，但仍未有看到明利飛行傘的工作人員。我們跟教練聯絡上知道他很快便會到達，所以我們便在降落點等他。
原來這一個降落點1733以前曾經路過兩次，這一個降落點就是位於林田山林業文化園區的前面。
當我們在等候教練時，看到遠處有一滑翔傘正從這一個降落點滑翔而來，而且也有留意有人拿著攝錄機為這滑翔傘拍攝。
台灣中天電視台，有工作人員拍攝滑翔傘降落的過程。
台灣中天電視為第二位搭乘滑翔傘的工作人員拍攝降落過程
原來這兩滑翔傘的教練，就是明利飛行傘的教練。他們在降落後，便熟練地把滑翔傘收拾妥當，然後開車把我們接往他們在山上的辦公室。明行飛行傘會替我們購買有關的保險，在填妥及簽署這兩份保險後，我們便再登車，往幾分鐘車程山上的起飛場駛去。
明利飛行傘起飛場
明利飛行傘是台灣最高。
1733@明利飛行傘起飛場
團友整裝待發
團友正在等待..................風。
團友第一次試飛 ─ 失敗
團友第二次試飛 ─ 失敗
團友第二次試飛 ─ 成功了
團友已在天空滑翔
1733在兩次試飛失敗後，第三次便成功在天空中滑翔了。
在第一次試飛失敗，受了皮外傷的1733。
在第一次試飛失敗，受了皮外傷的1733。
1733的右肩、右前臂、右手背及右手都受了一點傷。
相機，損毀了。
手機，損毀了。
洗了傷口，包紮好了的1733。
其實都幾危險，有D似細個踢波滾地沙，通常要一星期先好
回覆刪除[版主回覆07/20/2013 21:00:38]我又唔覺得玩滑翔傘好危險噃。這一次受到皮外傷主要係在跑步起飛時，突然間沒有了風而引起的。
當時腳還沒有離地，還是向下跑。因為突然沒有了風而跌倒。又我當時又剛好跌在三合土路面上。人橫躺在地面上時，又突然有少少風，風吹到滑翔傘，便將我硬拖了一下，所以手臂才會傷。
係呀！好彩我都好得好快呀！
還好你穿上了長袖衣服, 要是穿背心的話.....
回覆刪除[版主回覆07/22/2013 19:20:35]手機報旅遊保險，已攞左去維修部報價。電話保險唔包，雖然整爛左少少，仲用得到，一過就唔靚仔。
[多啦V夢回覆07/22/2013 15:55:30]吓! 咁咪要拎到修理囉?
[版主回覆07/21/2013 21:55:21]這一次旅遊，因為牛仔褲及快乾衣都爛了，所以在台灣拋掉了。
另外，放在牛仔褲袋內的手電也有損壞呀！
[多啦V夢回覆07/21/2013 21:28:40]牛仔褲也爛, 磨擦力超強呀
[版主回覆07/20/2013 21:31:23]沒有用喇，那是快乾衫黎架，薄薄的啊！
牛仔褲也爛了。
缘份這個天空就是這麽玄. 天天擦身而過, 卻在幾千里外相遇. 時候到了你們會碰到的, somehow some day. 好高興隊長完全康服, 重新筆耕, 加油!
回覆刪除[版主回覆07/21/2013 10:49:54]Ahso，你講得一點也沒有錯。
年紀大喇, 反應唔夠後生快呀, 危險玩意可免則免.
回覆刪除[版主回覆07/21/2013 12:00:08]但我仲想去澳洲玩跳降落傘噃。
Hi,1733你好,我們就是你說的隱形blog 友!!不好意思!我的中文打字是龜速型!!所以很少在你的網頁上留言!跟你一樣,覺得在台灣自駕非常輕鬆寫意!而且台灣的風土人情,就是好客熱情!我們香港人不能輸吧~~當陳小姐來香港,我們就盡地主之誼,帶她們到西貢吃海鮮看風景,大尾篤吃泰菜....其實還想帶她去更多的地方,可是她真的很忙!
回覆刪除自2009年我們看過你的部落格後,就跟隨你的路線自駕,所以除金澤居外,藍色珊瑚礁我們也常去呢!我們很喜歡走台東線,因為風景很美,車流量也少!!到現在我在台自駕里數累積超過1萬公里!請繼續多多指教!!你的傷癒情況怎樣?祝願你完全康復!!
[版主回覆07/21/2013 23:12:18]而家等緊李太太接受我成為朋友才可以看到照片及留言。
[版主回覆07/21/2013 23:01:35]其實你無時間寫blog也可以上傳一些照片分享一下嘛。
好，而家就去你太太既facebook睇睇先。
[版主回覆07/21/2013 23:00:20]我們沒有電單車牌,去外島會唔會唔方便呢?
方便就當然無咁方便，不過最重要係係識唔識開電單車先？
[國威回覆07/21/2013 22:51:00]哈哈~~我們每年都會去3次,朋友都一樣取笑我們返鄉下呢!!我們還未到過外島,要請教一下你了!我們沒有電單車牌,去外島會唔會唔方便呢?
我們除了自駕外,還帶朋友一起去!帶2011年帶過14位朋友去金澤居住宿,陳小姐安排我們住在有花園那邊,朋友們開心得不得了!碰巧我們11月11日到太魯閣,所以我們在太魯閣遊客中心的跳字牌下拍了一張2011年11月11日11時11分的照片,非常有記念價值!!!從此成為朋友們的佳話!!2012年更帶了21位朋友到台南,阿里山及墾丁,在鵝鑾鼻的燈塔上拍了集體跳高的照片,也非常經典喔!
我因工作太忙,打字很慢,主要用手寫板! haha~~有時還要太太代筆,故沒有時間寫blog,唯有在這裡和你吹水!你也可到我太太(Kwok Wai Hing)的facebook看相片!
[版主回覆07/21/2013 22:39:37]陳小姐又攪緊一間新民宿，下次去花蓮，我都打算去佢間新民宿捧場。
[版主回覆07/21/2013 22:09:46]你從未有寫過blog，我沒法子到你處留言啊！
[版主回覆07/21/2013 22:07:59]國威你好啊！
耐唔中都見到你有到我個blog及有留言。不過就一直不知道大家都很喜愛在台灣自駕遊。
下次知道陳小姐訪港，記得通知我一聲呀！我也很想參與一盡地主之誼啊！
自2007年開始我便展開了台灣的自駕遊，也就因此而上了癮一樣啊！除了台北市之外，整個台灣包括外島都是我喜愛的，上山下海，各有各的風景。我已經常被同事朋友笑說我到台灣是回鄉喇，你們呢？你們又有沒有這笑話呀？
哈哈，你問我在台灣開了多少公里的車，我現在真的答不上啊！我要統計一下先會知道呀！
指教？你客氣喇！大家多D分享一下自駕遊的樂趣啦！
我既皮外傷已經完全康復了，有心喇！
大家多D吹水呀！
"在第一次試飛失敗，受了皮外傷的1733。" 你有玩第二次添？
回覆刪除[版主回覆07/21/2013 22:12:04]我倆都在第一次試飛失敗。
在第二次仍失敗。
第三次才成功飛上天空呀。
呀，受傷了，還好嗎
回覆刪除[版主回覆07/21/2013 22:38:13]完全康復了，謝謝你的關心。
很高興知道你已完全康復。我好細膽，我唔敢玩飛行傘呀！
回覆刪除今個月尾會跟團去東歐巴爾幹半島旅行，是我很想去的地方。
[版主回覆07/21/2013 23:24:20]謝謝你的關心。
去幾多日呀？都唔見你在blog上有提過嘅？
會起飛不了....難得你受傷也不怕, 再試過呢 !!
回覆刪除等著看飛的感受 !!
[版主回覆07/22/2013 19:23:36]冇風就飛唔起囉。我唔爛玩嘛，所以流住血都仲要玩囉。有幾套短片會放在個blog 人面架喇。
好危險啊，呢個都係唔啱我玩呀
回覆刪除[版主回覆07/22/2013 19:25:21]我又唔覺好危險噃。你有冇按明利飛行傘條連結呀?入面都有其他人飛既短片睇架。
原來你是這樣整親的。
回覆刪除滑翔降傘我也有玩過，不過唔係台灣而係紐西蘭，真係好好玩架，好似隻雀仔飛咁，好正！
你D傷完全好番晒未呀？
[版主回覆07/25/2013 18:22:44]我今次玩就冇呢類服務喇
[Melody回覆07/23/2013 23:44:08]唔好意思寫得簡單左d，加d錢會有張相和錄影帶俾番你，不過我冇買，有d後悔
[版主回覆07/23/2013 20:31:36]真係平得咁緊要?
乜野叫做仲有相同帶呀?
[Melody回覆07/23/2013 19:58:52]在紐西蘭玩貴唔貴呀?~我二千年去玩，當時香元對紐元好平，好似幾十蚊紐元玩一次，如果加錢仲有相同帶添，不過我諗而家應該好貴。
[版主回覆07/23/2013 19:13:12]係呀!因為冇風就飛唔起囉。但一飛上天嗰一野，就開心到連痛都忘記晒呀!
在紐西蘭玩貴唔貴呀?
朋友,午安。《籃球戰記:吳獅耀的回憶錄(5)~獅皇中學對英明中學(上篇)》寫成了。歡迎到訪瀏覽參觀。為了答謝讀者的支持,所以我決定先寫《籃球戰記:吳獅耀的回憶錄(5)》。至於《少年偵探隊》和《愛情結晶》相對要押後來寫了。祝您週二無論生活或工作都開心愉快。
回覆刪除[版主回覆07/23/2013 23:11:52]晚安
隱形blog友!... 又會咁巧合, 一個到台灣一個又離開台灣嘅!~
回覆刪除[版主回覆07/25/2013 18:21:34]係呀!好似寫緊故事咁呀。不過而家相認左喇。
都好傷下喎
回覆刪除[版主回覆07/25/2013 18:19:24]都係皮外傷，而家好返晒喇。
玩這玩意兒，真要耳聽四方，眼觀八方，胆識過人才行，佩服，佩服。
回覆刪除[版主回覆07/25/2013 23:48:13]身手敏捷當然會好少少啦!不過就唔洗你講既要求咁高喇。
噢,似乎有點危險性哦,小心
回覆刪除[版主回覆07/26/2013 06:47:09]危險當然是會有，但不是想像中那樣。
1733,
回覆刪除突然覺得自己有點反常...以前怕的玩意, 而家想玩喎...浮潛和飛行傘
[版主回覆07/26/2013 23:04:17]咁既改變，你覺得好還是不好呢?
[Peko momo回覆07/26/2013 14:25:35]應唔係睇化. 係冇左那種恐懼, 淨想到好玩咋~~ 可能係思想正面左, 冇危機感 ! 哈哈~~
[版主回覆07/26/2013 13:45:44]原因有可能你經歷左一d事，使你睇化左囉。
朋友,午安。《對藍田傳說的分析和感想(2)》寫成了。歡迎到訪瀏覽。祝您週五、週六都愉快開心。
回覆刪除[版主回覆07/26/2013 13:46:28]午安
Wow ~ 玩到衫都爛埋 , 幾激喎 .
回覆刪除[版主回覆07/26/2013 23:09:12]我都唔想咁激架
嘩!~..好豐富<西式早餐>,
回覆刪除[版主回覆07/28/2013 09:30:47]唔止豐富，仲好好味添呀!
係滑翔傘唔係飛行傘呀!兩樣係唔同架.最好feel就係飛上天嗰一刻呀!
[版主回覆07/28/2013 09:30:37]唔止豐富，仲好好味添呀!
係滑翔傘唔係飛行傘呀!兩樣係唔同架.最好feel就係飛上天嗰一刻呀!
睇你個BLOG, 的確心情開朗!!!!!!!!!!!!! 遊山玩水經常的!!!!!!!!!
回覆刪除[版主回覆07/28/2013 15:39:44]係我貪玩之過囉。
皇爺，知唔知冬天有冇得玩飛行傘？你今次飛一飛幾錢？有片睇未？
回覆刪除[版主回覆07/30/2013 21:49:36]冇
[度爸回覆07/30/2013 14:25:23]看見你咁傷，我唔敢幫襯呢間，他們有沒有賠償？
[版主回覆07/29/2013 21:22:15]由飛離地面計直至降落地面，我估都有7分鐘左右。
其實時間好夠架喇！最有feel就係衝上天及降落時嗰兩野。
[版主回覆07/29/2013 21:20:31]冬天玩，著多件衫喎。飛到上去會凍架。
[度爸回覆07/29/2013 09:12:20]似乎你都飛左差不多五分鐘， 老婆很累哩， 哈哈哈！
[度爸回覆07/29/2013 09:09:53]亞苦又冇通知你已回覆我，我好想玩啊，現在籌劃中， 今年聖誕節， 你嘅價錢好筍啊！
[版主回覆07/28/2013 17:20:04]有片睇喇。
不過仲未有文字交代架。
[版主回覆07/28/2013 16:58:33]知唔知冬天有冇得玩飛行傘？
按上面條明利飛行傘就大把資訊喇！
一年四季，只要有風，天氣情況取可，都有得玩架。
你今次飛一飛幾錢？
我今次玩是1500台幣，原價要2000台幣架。因為有熱氣球節，所以縣政府補貼左500台幣。
有片睇未？
有，而家就攪攪佢。
幾時出發呀？
原來飛行傘是這樣起飛的，相機，損毀了！右肩、右前臂、右手背及右手都受了一點傷。。看來不容易啊！
回覆刪除[版主回覆07/28/2013 20:04:17]如果d風唔係咁攪野突然間有，突然間冇，應該一切都好順利架。
[版主回覆07/28/2013 20:04:15]如果d風唔係咁攪野突然間有，突然間冇，應該一切都好順利架。
吾.. 坦白說，應該不會那麼傷的 -_-#。有點保留這公司的-----，因為我也學過美國等級的兩級，不用教練也可以自己飛。我的第一次也在台灣tandem,如果天氣不合不應該帶人飛喔 ••••
回覆刪除[版主回覆07/29/2013 07:19:14]我絕對認同你睇法，尤其是天氣不合不應該帶人飛。
嘩, 真係又驚又喜哦 !
回覆刪除沒受傷就完美了 !!
[版主回覆07/30/2013 21:48:56]我既感受都比你講左添。
嘩！好傷呀！我一直都好想玩呢樣野！
回覆刪除[版主回覆08/01/2013 00:13:54]都唔係好傷，只係皮外傷咋。
講真，又真係勁好玩架。
去玩真係要小心, 好在傷勢唔算嚴重, 我覺得我現在越來越小心, 而家去遊樂場連機動遊戲都無玩, 可能真係細膽左, 樣樣都要求安全至上.
回覆刪除[版主回覆08/02/2013 21:35:41]我都係要玩得小心架。我唔會去冒大險既.不過這次受傷，是我預期卜人
之外。完全不能自我控制的
見到第一幅相...好想食~XD
回覆刪除(仲未食早餐...)
[版主回覆08/04/2013 16:31:14]哈哈，乜你喜歡食張相咁得意嘅?
咁你以後重會唔會再玩飛行傘呀~
回覆刪除你英國之旅預備成累點呀, 重有兩個月咋~
[版主回覆08/11/2013 17:08:10]我搭英航，係直航機，夜晚十二點機。
費用三千幾未計稅。
今日要返工，而家先覆到你。
[ar chun回覆08/11/2013 11:05:21]咁你搭咪機呀....
我去瑞士搭Qatar, $6,600....都好平, 服務同食物都好好, 又多電影供應~
第一程由香港去多哈用左8.5小時, 係多哈停留3.5小時, 再由多哈去瑞士用左6.5小時~
[版主回覆08/11/2013 06:54:47]咁你以後重會唔會再玩飛行傘呀~
應該都唔會架喇！原因不是害怕，是在玩之前已經諗住只玩一次。下次有機會就會去玩降落傘。你英國之旅預備成累點呀, 重有兩個月咋~
初稿已經有，但就完全未book住宿及車。我都好心急，但好忙，好攰，提唔起勁去攪。
好似好危險咁...
回覆刪除[版主回覆08/12/2013 19:24:35]危險就一定有，不過就唔覺得好大噃。
師公：問安來遲，請罪。
回覆刪除[版主回覆08/12/2013 19:30:32]pat，何罪之有。
好險呀！好在只係皮外傷咋！
回覆刪除相機&手機...損毀了，還可以用嗎？
[版主回覆08/12/2013 21:58:51]係呀，只受了一點輕傷.真好彩。
相機在台灣時還可以用，但回港後便不能用了。現時等候保險公司通知，我是否把相機攞去修理。修理費用要一千二百蚊左右。
手機還可以用，不過拍攝方就因為鏡頭塊玻璃有好多條裂縫，拍出來的照片不清楚。
21時45分對香港發出紅色風暴警告信號(13-08-2013)
回覆刪除Website:http://blog.yahoo.com/_4LA252PUZ7R77RMLI4QMJCX22Y/articles/1225193
[版主回覆08/14/2013 00:39:03]謝謝你的分享
嘩, 好刺激又好危險咁!!!
回覆刪除不過覺得一生人總要試飛一次~
[版主回覆10/01/2013 23:16:53]點解而家先至睇到這回應架？
好刺激架，危險就一定會有，不過就唔係想像中咁大。
無錯，一生人總要試飛一次。