今天收到台灣格上租車的電郵，指1733在租車期間因超速被影相，在限制時速60公里的車道上超速24公里。被罰款1,800台幣(486港元)。
1733向格上租車確認了這罰單，並授權對方在信用卡收取有關罰款。
台灣格上桃園租車站再給1733電郵並說如在上一次的電郵內容對1733有冒犯的話請諒。
1733不是一個小氣的人，我只是希望得到有關的資料以便給對方確認及授權繳款而已。所以1733仍會繼續找格上租車幫忙。
超速罰單
當要策劃旅遊行程時，自駕遊會不會是你的首選呢？ 如果你的答案是肯定的話，那1733這一個Blog可能會幫到你。 因為自2007年在台灣開始第一個自駕遊之後，1733已經愛上了這一個旅遊方式，而且中毒已太深，不能自拔了。
條路睇個款幾直同無車，真係幾容易揸快咗
回覆刪除[版主回覆09/15/2013 07:25:17]你講得無錯。
超速容易減速難
回覆刪除[版主回覆09/24/2013 23:23:14]唔知係唔係未用過blogspot，用起上黎真係比yahoo blog難用好多。
係架，咁多blog友搬去呢度，唔搬過去就會走失晒架喇！
[多啦V夢回覆09/24/2013 22:13:55]剩係upload頭像都玩死我, 不論我用jpg定png都無法上戴, 攪到我對blogspot印象好差. 如果唔係好多blog友仔搬去果度, 我真係唔想搬, 我攪過版面配置, 難用到死! 頭先玩左一陣sinablog, 易用過blogspot好多呀. 不過就只得101MB咋.
[版主回覆09/24/2013 20:28:38]我唔攪咁多嚕！第日我會寫完一篇blog之後就盡快backup去個word file就算，不求人呀！
我而家就係攪緊將D blog copy去Word file度，所以都唔通知佢搬blog住。
同時我下個星期去英國，我都會盡量寫在英國的追逐篇，所以都好大機會在YB寫。因為blogspot仲未熟識點用，會好唔就手嘛。
[多啦V夢回覆09/24/2013 17:02:22]隨意窩的大老細是全台灣最大的中華電信, 應該無咁易摺掛. 基本上我所考慮既嘢同你一樣, 不過我就多你一樣, 就係想個新blog易用呀, 事關我係電腦白痴. 我朋友教我開2個blog, 一個就備份去blogspot, 另外就叫YB搬去隨意窩當backup, 到佢收錢果陣咪唔用佢囉. 我想問你叫YB幫你打包未? 而我呢, 你見我仲upload緊新post, 就知未啦. 哈哈
[版主回覆09/23/2013 21:31:11]我所考慮既係個blog既穩定性同埋唔好咁易摺埋。
[多啦V夢回覆09/21/2013 13:48:30]哦, 唔該晒你. 我有朋友搬左過隨意窩, 佢有成1500篇文章, 嫌blogpost太煩, 要學太多嘢, 所以寧願搬去隨意窩. 咁我就諗, 佢有1500篇文章都有排未過2G, 咁我先得果193篇文章, 即係更加有排都未到. 睇落諗得過喎! 我朋友話寫隨意窩仲舒服過用YB寫, 所以自從搬左過隨意窩之後, 佢仲寫得密左添.
[版主回覆09/20/2013 12:19:11]佢話用戶隨可享有原本中華電訊會員享有的2G免費空間之外，搬家的第二年起，用戶的免費可用空間將恢復與一般中華電訊會員相同。若用戶實際使用空間超過免費可用空間，自搬過去第一年的原本資料不會受影響，但用戶須付費購買額外的空間，方能繼續新增加資料到隨意窩帳號中。
仲有話，佢地無法保證提供永久免費服務與優惠架。
[多啦V夢回覆09/19/2013 14:18:13]我巳經睇左步驟二, 但睇唔到佢邊句話要收錢同埋要點收錢法呀? 唯一睇到同錢有關果句係........"與VIP付費網友的退款服務". 我唔明白.
[版主回覆09/18/2013 19:48:27]你在隨意窩裏面，在右上角按搬家問答集。
入左去之後，在無名小站輕鬆搬 - 輕鬆搬家之下
在步驟二就睇到架喇！
[多啦V夢回覆09/16/2013 21:51:24]好呀, 唔該你先
[版主回覆09/16/2013 21:37:38]我都係聽人講係要收費，但就未知在那裏可以睇得到有關的資料。我睇到就話你知。
[多啦V夢回覆09/16/2013 21:20:24]想請教你, 究竟隨意窩係咪真係只係第一年免費之後要收費既呢? 去那裡可以睇到有關資料. 我怕煩, 人又懶, 所以都想叫YB幫我搬去隨意窩呀
[版主回覆09/16/2013 20:52:35]厲害，一語中的。
限制60我一定開40.罰不到
回覆刪除[版主回覆09/16/2013 20:59:35]咁限制40你開20?
1733兄, 祝你和團友中秋節快樂呀. 食左月餅未呀? 呢兩年都懶, 唔整月餅, 我都係食街買回來那些咋. 食左寶湖出的月餅, 幾好喎, 無咁甜.
回覆刪除[版主回覆09/30/2013 21:06:19]係呀！就係呢篇喇！
[多啦V夢回覆09/30/2013 14:28:57]係咪8月31日寫果篇呀? 我以為你出一篇新既post呀
[版主回覆09/29/2013 23:30:48]呢一篇寫左係yahoo blog呀！
[多啦V夢回覆09/29/2013 22:32:28]咦, 點解我仲未睇到既? 我巳經過埋去blogspot睇, 仲未見. 係咪你未post呀?
[版主回覆09/28/2013 22:12:14]
個英國行程篇終於都寫好晒。
[多啦V夢回覆09/28/2013 20:15:56]好提議
[版主回覆09/28/2013 12:39:36]哈哈，咁又係噃。
等我十月二日教下佢睇你個blog 先
[多啦V夢回覆09/28/2013 11:51:39]可能醫生覺得你體能太好, 叫你返去教佢點養生呀
[版主回覆09/27/2013 20:54:38]昨天已經抽左血。佢話無事就唔會搵我。
但今日下午收到佢電話叫我去覆診。
哈哈，你屋企搵野食就更係易啦！
[多啦V夢回覆09/27/2013 12:32:34]高血壓未必一定係心臟有問題. 好多人一去到醫院量血壓都會"標"高, 但在家量就正常. 我爸媽便是一個好例子. 都巿人除非好忍得口, 否則多數都係偏肥架. 呢樣無辦法, 鬼叫香港咁好環境咩, 要搵食, 太易了.
[版主回覆09/26/2013 22:54:40]今天早上抽了血喇！
[版主回覆09/24/2013 23:20:41]後日(星期四)早上做。
[多啦V夢回覆09/24/2013 22:15:00]心血管病風險評估報告做左未呀?
[版主回覆09/23/2013 21:29:39]如果你自己都話你所整既都係D垃圾，咁我就無野好講囉。
[多啦V夢回覆09/21/2013 13:39:57]哈哈, 我整果d係垃圾, 唔上得大枱架, 邊算係好嘢呢.
[版主回覆09/20/2013 12:05:23]是不是足底筋膜炎呀?
全中。
點解咁好, QE會幫你心血管病風險評估既?
可能佢見我嗰日量血壓度數高及我肥掛。
我都有食麥皮做早餐架，係即食麥皮，只加水，乜都無加入去，未溶晒我就食。不過就無跑步，無做gym，無跳舞，又無好野食囉。
你成日整好野食比你阿媽食，會唔會都有DD關係架？
[多啦V夢回覆09/19/2013 14:11:11]是不是足底筋膜炎呀? 好多人都有, 我朋友早幾年發過一次, 早排又番發, 要去做針炙. 咦, 點解咁好, QE會幫你心血管病風險評估既? 我媽之前在年度body check發覺有一條心血管塞左, 之後都要做通波仔呀. 佢成日食麥皮, 做gym, 跳舞, 跑步都有心血管病. 真係唔知要點生活才可避免.
[版主回覆09/18/2013 17:22:23]我今日下午去QE睇醫生，因為雙腳有根膜炎。下星期又要黎，做出心血管病風險評估。
[版主回覆09/18/2013 17:18:51]整完月餅都要求人地食?唔係嘛?佢地咁唔識欣賞架。
[多啦V夢回覆09/18/2013 16:23:48]我以前就3款月餅都親手做(冰皮, 傳統同酥皮奶皇), 而家諗諗下, 咁多年同朋友週圍去學, 都花左幾千蚊學費在各式月餅上. 至幣我愈來愈懶, 同埋次次整完都要求人食, 倒不如唔整, 材料又貴, 一於慳返! 寶湖月餅係寶湖酒樓出既月餅. 佢地同集團既北園酒家, 我父母久不久去幫趁, 你知啦, 相熟既伙記一定會叫你買月餅卷家嘛. 咁我爸就買左一張囉. 我咁咀尖, 無諗過寶湖既月餅都好唔錯喎.
[版主回覆09/18/2013 15:54:00]團友就只食左冰皮月餅，我除了冰皮外，都有食傳統既月餅。不過所有月餅都唔係買既。冰皮係我阿嫂造，傳統月餅係人地送既。寶湖月餅係乜野黎架?
噢~~~
回覆刪除中秋節快樂
[版主回覆09/20/2013 08:39:55]昨天完全沒有顯示這回應。
中秋節快樂，追月快樂。
在台灣揸十次好彩都未影過，但比人拖過一次，罰了2100台幣
回覆刪除[版主回覆09/24/2013 20:31:26]你講得啱。
[King回覆09/24/2013 10:11:38]都係一種經歷
[版主回覆09/23/2013 21:21:50]慘慘慘！
[King回覆09/23/2013 19:17:49]我泊在橫街，當時是WORLD大學生運動會，成街都係車，但剩拖我一架，因為我車尾向出，易拖。
[版主回覆09/22/2013 07:26:54]違規泊車引致拖車?那你應該是泊在極不應停車的地方了。
[King回覆09/21/2013 16:35:48]違泊
[版主回覆09/20/2013 21:35:57]拖車？點解嘅？
1733，近幾日終於有時間上來update個blog及看看網友的情況，原來大部份
回覆刪除網友都已搬家，我今天去過blogspot，找到好多個
慣常聯絡的網友，我應該都會搬到那裡，不過真係要找一天有多些空閒的時
間，你用了多少時間搬屋呀？
你就快又出遊了，順祝旅途愉快！
[版主回覆09/23/2013 21:28:32]Margaret，我會搬去blogspot就係因為有好多blog友都係搬左去呢度，同埋我諗google咁大，唔會好似Yahoo咁，咁易摺埋掛？
我只係在blogspot開左戶口寫左幾篇野咋，我仲未將YB成個blog搬過去。我要在去完英國返黎先至有時間攪呀！我諗我都可能要搬十幾二十個鐘架。
我而家將我在YB既發表連所有回應backup去MSWord。我驚YB搬屋時會搬漏野嘛。
不過就唔知夠唔夠時間去backup咁多篇野。
謝謝你的祝福。
我會在YB出英國遊既追蹤篇架。
這裡見
回覆刪除http://cyanchin.blogspot.hk/
[版主回覆09/29/2013 23:29:02]好啊！
好在台灣無扣分制
回覆刪除[版主回覆10/04/2013 06:02:19]我都唔知有冇，但有我估佢唔知點扣我分