搜尋此網誌

2013年7月20日星期六

Day 4 of 8 花蓮 [吉安] ─ [富里]

2013年6月22日 (星期六) 天晴、微風。

原定行程:花蓮[吉安]金澤居民宿 → [萬榮]明利飛行傘 → [東里]東里火車站 → 台東[池上]伯朗大道 → 花蓮[富里]邊界‧花東民宿。

實際行程:花蓮[吉安]金澤居民宿 → [萬榮]明利飛行傘 → [東里]東里火車站 → 台東[池上]伯朗大道 → 花蓮[富里]邊界‧花東民宿。

這一篇發表,將不會以追蹤篇的簡短形式跟大家分享。而是會以詳盡的形式來寫的啊!

今天的重頭節目是到花蓮萬榮玩飛行傘。因為在網上已約了飛行傘教練於08:30在飛行傘預定的降落點會合。所以昨天1733已經到了現場探路,知道一如1733的預計,由金澤居到會合點如不多車的話,需要30分鐘的車程。不過我們不單止到了降落點,還開車直上明利飛行傘的機地,也曾嘗試上起飛場地。後因為天雨路滑,車路狹窄、多灣及斜。又因為怕前路沒有掉頭處,所以在差不多到達起飛場地前便掉頭下山了。

今天要早起啊!在民宿07:30開始供應早餐的時間用早餐。

金澤居清新西式早餐
經常有看我blog的朋友也許仍會記得,金澤居的早餐是很美味的,尤其是西式早餐。還有啊!餐湯是可以再添的。

昨日傍晚收到民宿主人陳小姐的厚禮,1733便在金澤居的網頁上給她留言多謝禮物。

今天一踏入用餐區,真估不到就見到陳小姐。陳小姐知道我們是要趕時間,所以我倆邊用早餐,邊跟陳小姐吹水。

原來陳小姐昨晚已經在網頁上回應了我,並說知道我今天會趕時間,所以會一早到金澤居跟我們碰面吹水。

陳小姐又跟我說,好剛於上個星期到了香港一趟,主要是參與在香港舉辦的國際旅遊節,所以她是剛從香港回台灣不久。在香港期間,她跟在金澤居的其中之一個老顧客朋友見面,這一位朋友曾帶她到西貢看龍舟賽事。她發現原來香港的龍舟賽事跟台灣的並不一樣。

1733問她為什麼不跟我們通知一聲,好讓我們有機會盡地主之誼嘛。

另外,這一位朋友原來也是1733的blog友,只不過是她是隱形blog友而已。

陳小姐說,你兩位香港朋友從未會面,有時候當1733你離開,這一位朋友便到達,但有時候又會相反這位朋友離開台灣,1733又入住金澤居。

不知道何時在台灣或在香港可以會一下這一位隱形blog友。

哈哈,隱形blog友現身了。原來很久以前,他已是我的關注blog友。只不過他比較少在我blog內回應及留言而已。又因為他仍未有寫blog,所以我現在只是在他愛人的Facebook跟他們聯絡。

吃完早餐,我們跟陳小姐道別,便開車往花蓮[萬榮]明利飛行傘的降落場。

花蓮[萬榮]明利飛行傘降落場
我們準時到了降落場,但仍未有看到明利飛行傘的工作人員。我們跟教練聯絡上知道他很快便會到達,所以我們便在降落點等他。

原來這一個降落點1733以前曾經路過兩次,這一個降落點就是位於林田山林業文化園區的前面。

當我們在等候教練時,看到遠處有一滑翔傘正從這一個降落點滑翔而來,而且也有留意有人拿著攝錄機為這滑翔傘拍攝。

台灣中天電視台,有工作人員拍攝滑翔傘降落的過程。

台灣中天電視為第二位搭乘滑翔傘的工作人員拍攝降落過程
原來這兩滑翔傘的教練,就是明利飛行傘的教練。他們在降落後,便熟練地把滑翔傘收拾妥當,然後開車把我們接往他們在山上的辦公室。明行飛行傘會替我們購買有關的保險,在填妥及簽署這兩份保險後,我們便再登車,往幾分鐘車程山上的起飛場駛去。

明利飛行傘起飛場
明利飛行傘是台灣最高。

1733@明利飛行傘起飛場




團友整裝待發


團友正在等待..................風。

團友第一次試飛 ─ 失敗


團友第二次試飛 ─ 失敗

團友第二次試飛  ─ 成功了

團友已在天空滑翔

1733在兩次試飛失敗後,第三次便成功在天空中滑翔了。


在第一次試飛失敗,受了皮外傷的1733。



1733的右肩、右前臂、右手背及右手都受了一點傷。



相機,損毀了。


手機,損毀了。

 洗了傷口,包紮好了的1733。

34 則留言:

  1. 其實都幾危險,有D似細個踢波滾地沙,通常要一星期先好
    [版主回覆07/20/2013 21:00:38]我又唔覺得玩滑翔傘好危險噃。這一次受到皮外傷主要係在跑步起飛時,突然間沒有了風而引起的。
    當時腳還沒有離地,還是向下跑。因為突然沒有了風而跌倒。又我當時又剛好跌在三合土路面上。人橫躺在地面上時,又突然有少少風,風吹到滑翔傘,便將我硬拖了一下,所以手臂才會傷。
    係呀!好彩我都好得好快呀!

    回覆刪除
  2. 還好你穿上了長袖衣服, 要是穿背心的話.....
    [版主回覆07/22/2013 19:20:35]手機報旅遊保險,已攞左去維修部報價。電話保險唔包,雖然整爛左少少,仲用得到,一過就唔靚仔。
    [多啦V夢回覆07/22/2013 15:55:30]吓! 咁咪要拎到修理囉?
    [版主回覆07/21/2013 21:55:21]這一次旅遊,因為牛仔褲及快乾衣都爛了,所以在台灣拋掉了。
    另外,放在牛仔褲袋內的手電也有損壞呀!
    [多啦V夢回覆07/21/2013 21:28:40]牛仔褲也爛, 磨擦力超強呀
    [版主回覆07/20/2013 21:31:23]沒有用喇,那是快乾衫黎架,薄薄的啊!
    牛仔褲也爛了。

    回覆刪除
  3. 缘份這個天空就是這麽玄. 天天擦身而過, 卻在幾千里外相遇. 時候到了你們會碰到的, somehow some day. 好高興隊長完全康服, 重新筆耕, 加油!
    [版主回覆07/21/2013 10:49:54]Ahso,你講得一點也沒有錯。

    回覆刪除
  4. 年紀大喇, 反應唔夠後生快呀, 危險玩意可免則免.
    [版主回覆07/21/2013 12:00:08]但我仲想去澳洲玩跳降落傘噃。

    回覆刪除
  5. Hi,1733你好,我們就是你說的隱形blog 友!!不好意思!我的中文打字是龜速型!!所以很少在你的網頁上留言!跟你一樣,覺得在台灣自駕非常輕鬆寫意!而且台灣的風土人情,就是好客熱情!我們香港人不能輸吧~~當陳小姐來香港,我們就盡地主之誼,帶她們到西貢吃海鮮看風景,大尾篤吃泰菜....其實還想帶她去更多的地方,可是她真的很忙!

    自2009年我們看過你的部落格後,就跟隨你的路線自駕,所以除金澤居外,藍色珊瑚礁我們也常去呢!我們很喜歡走台東線,因為風景很美,車流量也少!!到現在我在台自駕里數累積超過1萬公里!請繼續多多指教!!你的傷癒情況怎樣?祝願你完全康復!!
    [版主回覆07/21/2013 23:12:18]而家等緊李太太接受我成為朋友才可以看到照片及留言。
    [版主回覆07/21/2013 23:01:35]其實你無時間寫blog也可以上傳一些照片分享一下嘛。
    好,而家就去你太太既facebook睇睇先。
    [版主回覆07/21/2013 23:00:20]我們沒有電單車牌,去外島會唔會唔方便呢?
    方便就當然無咁方便,不過最重要係係識唔識開電單車先?
    [國威回覆07/21/2013 22:51:00]哈哈~~我們每年都會去3次,朋友都一樣取笑我們返鄉下呢!!我們還未到過外島,要請教一下你了!我們沒有電單車牌,去外島會唔會唔方便呢?
    我們除了自駕外,還帶朋友一起去!帶2011年帶過14位朋友去金澤居住宿,陳小姐安排我們住在有花園那邊,朋友們開心得不得了!碰巧我們11月11日到太魯閣,所以我們在太魯閣遊客中心的跳字牌下拍了一張2011年11月11日11時11分的照片,非常有記念價值!!!從此成為朋友們的佳話!!2012年更帶了21位朋友到台南,阿里山及墾丁,在鵝鑾鼻的燈塔上拍了集體跳高的照片,也非常經典喔!
    我因工作太忙,打字很慢,主要用手寫板! haha~~有時還要太太代筆,故沒有時間寫blog,唯有在這裡和你吹水!你也可到我太太(Kwok Wai Hing)的facebook看相片!
    [版主回覆07/21/2013 22:39:37]陳小姐又攪緊一間新民宿,下次去花蓮,我都打算去佢間新民宿捧場。
    [版主回覆07/21/2013 22:09:46]你從未有寫過blog,我沒法子到你處留言啊!
    [版主回覆07/21/2013 22:07:59]國威你好啊!
    耐唔中都見到你有到我個blog及有留言。不過就一直不知道大家都很喜愛在台灣自駕遊。
    下次知道陳小姐訪港,記得通知我一聲呀!我也很想參與一盡地主之誼啊!
    自2007年開始我便展開了台灣的自駕遊,也就因此而上了癮一樣啊!除了台北市之外,整個台灣包括外島都是我喜愛的,上山下海,各有各的風景。我已經常被同事朋友笑說我到台灣是回鄉喇,你們呢?你們又有沒有這笑話呀?
    哈哈,你問我在台灣開了多少公里的車,我現在真的答不上啊!我要統計一下先會知道呀!
    指教?你客氣喇!大家多D分享一下自駕遊的樂趣啦!
    我既皮外傷已經完全康復了,有心喇!
    大家多D吹水呀!

    回覆刪除
  6. "在第一次試飛失敗,受了皮外傷的1733。" 你有玩第二次添?
    [版主回覆07/21/2013 22:12:04]我倆都在第一次試飛失敗。
    在第二次仍失敗。
    第三次才成功飛上天空呀。

    回覆刪除
  7. 呀,受傷了,還好嗎
    [版主回覆07/21/2013 22:38:13]完全康復了,謝謝你的關心。

    回覆刪除
  8. 很高興知道你已完全康復。我好細膽,我唔敢玩飛行傘呀!
    今個月尾會跟團去東歐巴爾幹半島旅行,是我很想去的地方。
    [版主回覆07/21/2013 23:24:20]謝謝你的關心。
    去幾多日呀?都唔見你在blog上有提過嘅?

    回覆刪除
  9. 會起飛不了....難得你受傷也不怕, 再試過呢 !!
    等著看飛的感受 !!
    [版主回覆07/22/2013 19:23:36]冇風就飛唔起囉。我唔爛玩嘛,所以流住血都仲要玩囉。有幾套短片會放在個blog 人面架喇。

    回覆刪除
  10. 好危險啊,呢個都係唔啱我玩呀
    [版主回覆07/22/2013 19:25:21]我又唔覺好危險噃。你有冇按明利飛行傘條連結呀?入面都有其他人飛既短片睇架。

    回覆刪除
  11. 原來你是這樣整親的。
    滑翔降傘我也有玩過,不過唔係台灣而係紐西蘭,真係好好玩架,好似隻雀仔飛咁,好正!
    你D傷完全好番晒未呀?
    [版主回覆07/25/2013 18:22:44]我今次玩就冇呢類服務喇
    [Melody回覆07/23/2013 23:44:08]唔好意思寫得簡單左d,加d錢會有張相和錄影帶俾番你,不過我冇買,有d後悔
    [版主回覆07/23/2013 20:31:36]真係平得咁緊要?
    乜野叫做仲有相同帶呀?
    [Melody回覆07/23/2013 19:58:52]在紐西蘭玩貴唔貴呀?~我二千年去玩,當時香元對紐元好平,好似幾十蚊紐元玩一次,如果加錢仲有相同帶添,不過我諗而家應該好貴。
    [版主回覆07/23/2013 19:13:12]係呀!因為冇風就飛唔起囉。但一飛上天嗰一野,就開心到連痛都忘記晒呀!
    在紐西蘭玩貴唔貴呀?

    回覆刪除
  12. 吳獅皇(Assemby)2013年7月23日 下午1:31

    朋友,午安。《籃球戰記:吳獅耀的回憶錄(5)~獅皇中學對英明中學(上篇)》寫成了。歡迎到訪瀏覽參觀。為了答謝讀者的支持,所以我決定先寫《籃球戰記:吳獅耀的回憶錄(5)》。至於《少年偵探隊》和《愛情結晶》相對要押後來寫了。祝您週二無論生活或工作都開心愉快。
    [版主回覆07/23/2013 23:11:52]晚安

    回覆刪除
  13. 隱形blog友!... 又會咁巧合, 一個到台灣一個又離開台灣嘅!~
    [版主回覆07/25/2013 18:21:34]係呀!好似寫緊故事咁呀。不過而家相認左喇。

    回覆刪除
  14. 都好傷下喎
    [版主回覆07/25/2013 18:19:24]都係皮外傷,而家好返晒喇。

    回覆刪除
  15. 玩這玩意兒,真要耳聽四方,眼觀八方,胆識過人才行,佩服,佩服。
    [版主回覆07/25/2013 23:48:13]身手敏捷當然會好少少啦!不過就唔洗你講既要求咁高喇。

    回覆刪除
  16. 噢,似乎有點危險性哦,小心
    [版主回覆07/26/2013 06:47:09]危險當然是會有,但不是想像中那樣。

    回覆刪除
  17. 1733,

    突然覺得自己有點反常...以前怕的玩意, 而家想玩喎...浮潛和飛行傘
    [版主回覆07/26/2013 23:04:17]咁既改變,你覺得好還是不好呢?
    [Peko momo回覆07/26/2013 14:25:35]應唔係睇化. 係冇左那種恐懼, 淨想到好玩咋~~ 可能係思想正面左, 冇危機感 ! 哈哈~~
    [版主回覆07/26/2013 13:45:44]原因有可能你經歷左一d事,使你睇化左囉。

    回覆刪除
  18. 吳獅皇(Assemby)2013年7月26日 下午1:33

    朋友,午安。《對藍田傳說的分析和感想(2)》寫成了。歡迎到訪瀏覽。祝您週五、週六都愉快開心。
    [版主回覆07/26/2013 13:46:28]午安

    回覆刪除
  19. Wow ~ 玩到衫都爛埋 , 幾激喎 .
    [版主回覆07/26/2013 23:09:12]我都唔想咁激架

    回覆刪除
  20. 嘩!~..好豐富<西式早餐>,
    [版主回覆07/28/2013 09:30:47]唔止豐富,仲好好味添呀!
    係滑翔傘唔係飛行傘呀!兩樣係唔同架.最好feel就係飛上天嗰一刻呀!
    [版主回覆07/28/2013 09:30:37]唔止豐富,仲好好味添呀!
    係滑翔傘唔係飛行傘呀!兩樣係唔同架.最好feel就係飛上天嗰一刻呀!

    回覆刪除
  21. 睇你個BLOG, 的確心情開朗!!!!!!!!!!!!! 遊山玩水經常的!!!!!!!!!
    [版主回覆07/28/2013 15:39:44]係我貪玩之過囉。

    回覆刪除
  22. 皇爺,知唔知冬天有冇得玩飛行傘?你今次飛一飛幾錢?有片睇未?
    [版主回覆07/30/2013 21:49:36]冇
    [度爸回覆07/30/2013 14:25:23]看見你咁傷,我唔敢幫襯呢間,他們有沒有賠償?
    [版主回覆07/29/2013 21:22:15]由飛離地面計直至降落地面,我估都有7分鐘左右。
    其實時間好夠架喇!最有feel就係衝上天及降落時嗰兩野。
    [版主回覆07/29/2013 21:20:31]冬天玩,著多件衫喎。飛到上去會凍架。
    [度爸回覆07/29/2013 09:12:20]似乎你都飛左差不多五分鐘, 老婆很累哩, 哈哈哈!
    [度爸回覆07/29/2013 09:09:53]亞苦又冇通知你已回覆我,我好想玩啊,現在籌劃中, 今年聖誕節, 你嘅價錢好筍啊!
    [版主回覆07/28/2013 17:20:04]有片睇喇。
    不過仲未有文字交代架。
    [版主回覆07/28/2013 16:58:33]知唔知冬天有冇得玩飛行傘?
    按上面條明利飛行傘就大把資訊喇!
    一年四季,只要有風,天氣情況取可,都有得玩架。

    你今次飛一飛幾錢?
    我今次玩是1500台幣,原價要2000台幣架。因為有熱氣球節,所以縣政府補貼左500台幣。
    有片睇未?
    有,而家就攪攪佢。
    幾時出發呀?

    回覆刪除
  23. 原來飛行傘是這樣起飛的,相機,損毀了!右肩、右前臂、右手背及右手都受了一點傷。。看來不容易啊!
    [版主回覆07/28/2013 20:04:17]如果d風唔係咁攪野突然間有,突然間冇,應該一切都好順利架。
    [版主回覆07/28/2013 20:04:15]如果d風唔係咁攪野突然間有,突然間冇,應該一切都好順利架。

    回覆刪除
  24. 吾.. 坦白說,應該不會那麼傷的 -_-#。有點保留這公司的-----,因為我也學過美國等級的兩級,不用教練也可以自己飛。我的第一次也在台灣tandem,如果天氣不合不應該帶人飛喔 ••••
    [版主回覆07/29/2013 07:19:14]我絕對認同你睇法,尤其是天氣不合不應該帶人飛。

    回覆刪除
  25. 嘩, 真係又驚又喜哦 !
    沒受傷就完美了 !!
    [版主回覆07/30/2013 21:48:56]我既感受都比你講左添。

    回覆刪除
  26. 嘩!好傷呀!我一直都好想玩呢樣野!
    [版主回覆08/01/2013 00:13:54]都唔係好傷,只係皮外傷咋。
    講真,又真係勁好玩架。

    回覆刪除
  27. 去玩真係要小心, 好在傷勢唔算嚴重, 我覺得我現在越來越小心, 而家去遊樂場連機動遊戲都無玩, 可能真係細膽左, 樣樣都要求安全至上.
    [版主回覆08/02/2013 21:35:41]我都係要玩得小心架。我唔會去冒大險既.不過這次受傷,是我預期卜人
    之外。完全不能自我控制的

    回覆刪除
  28. 見到第一幅相...好想食~XD
    (仲未食早餐...)
    [版主回覆08/04/2013 16:31:14]哈哈,乜你喜歡食張相咁得意嘅?

    回覆刪除
  29. 咁你以後重會唔會再玩飛行傘呀~
    你英國之旅預備成累點呀, 重有兩個月咋~
    [版主回覆08/11/2013 17:08:10]我搭英航,係直航機,夜晚十二點機。
    費用三千幾未計稅。
    今日要返工,而家先覆到你。
    [ar chun回覆08/11/2013 11:05:21]咁你搭咪機呀....
    我去瑞士搭Qatar, $6,600....都好平, 服務同食物都好好, 又多電影供應~
    第一程由香港去多哈用左8.5小時, 係多哈停留3.5小時, 再由多哈去瑞士用左6.5小時~
    [版主回覆08/11/2013 06:54:47]咁你以後重會唔會再玩飛行傘呀~
    應該都唔會架喇!原因不是害怕,是在玩之前已經諗住只玩一次。下次有機會就會去玩降落傘。你英國之旅預備成累點呀, 重有兩個月咋~
    初稿已經有,但就完全未book住宿及車。我都好心急,但好忙,好攰,提唔起勁去攪。

    回覆刪除
  30. 好似好危險咁...
    [版主回覆08/12/2013 19:24:35]危險就一定有,不過就唔覺得好大噃。

    回覆刪除
  31. 師公:問安來遲,請罪。
    [版主回覆08/12/2013 19:30:32]pat,何罪之有。

    回覆刪除
  32. 好險呀!好在只係皮外傷咋!
    相機&手機...損毀了,還可以用嗎?
    [版主回覆08/12/2013 21:58:51]係呀,只受了一點輕傷.真好彩。
    相機在台灣時還可以用,但回港後便不能用了。現時等候保險公司通知,我是否把相機攞去修理。修理費用要一千二百蚊左右。
    手機還可以用,不過拍攝方就因為鏡頭塊玻璃有好多條裂縫,拍出來的照片不清楚。

    回覆刪除
  33. 21時45分對香港發出紅色風暴警告信號(13-08-2013)
    Website:http://blog.yahoo.com/_4LA252PUZ7R77RMLI4QMJCX22Y/articles/1225193
    [版主回覆08/14/2013 00:39:03]謝謝你的分享

    回覆刪除
  34. 嘩, 好刺激又好危險咁!!!
    不過覺得一生人總要試飛一次~
    [版主回覆10/01/2013 23:16:53]點解而家先至睇到這回應架?
    好刺激架,危險就一定會有,不過就唔係想像中咁大。
    無錯,一生人總要試飛一次。

    回覆刪除

有興趣大家互動一下嗎?