2015年4月8日 星期三

Day 1 of 11 香港 ─ 南韓 [首爾]

2015年4月7日(星期三) 天晴


原定行程香港 → 南韓仁川國際機場 → 乘6001號機場巴士到東大門Ibis宜必思快捷首爾東大門大使酒店Check-in → 乘地地鐵到首爾站或明洞站站外的兌換店兌換韓元 → 明洞晚餐 → 東大門Ibis酒店。

實際行程:香港 → 南韓仁川國際機場 → 乘6001號機場巴士到東大門Ibis宜必思快捷首爾東大門大使酒店Check-in → 在Ibis酒店附近食店街用晚餐 → Ibis酒店。


住宿:宜必思快捷首爾東大門大使酒店
            Ibis Budget Ambassador Seoul Dongdaemum

地址:首爾特別市,中區,光熙洞,2街238-1號。
             238-1, Gwanghuidong 2-ga, Jung-gu, Seoul.

電話:02-2079-8888

房型:不吸煙雙人床房

房價:99,000韓元已包10% 稅 (699港元) [不包早餐]

停車場:免費使用

GPS: N 37° 33' 50.96'' E 127° 0' 30.96''


是次機票是在2014年12月在網上購買,在購買機票時已經被自動安排了座位,分別是31E和31F。去程乘坐的航機是B747,機艙內座位的安排是 3 - 4 - 3。1733和團友的座位有趣地安排在一排4個座位內中間的兩個座位。在出發前48小時內可以更改座位的安排,但發現已全機客滿,所有的座位也已被選定了。


因為團友話想去飲完茶先至去機場。所以今天如平時上班一樣06:00便下床。


屋邨冬菇亭飲茶
飲茶消費: 95港元

約了的士10:45家接我們。我們約在11:45便到達機場。

的士交通消費: 240港元

因為登機手續已在網上辦妥了,所以只需要辦理行李的托運。今天乘搭韓亞航空OZ722航班,起飛時間是13:10,飛行時間3小時30分。到達韓國仁川國際機場的時間是韓國時間17:40。


28號登機閘口
所以很快便完成所有手續,我們便輕輕鬆鬆地步往登機閘等候上機。航班要在13:50在真正起飛,較預期起飛的時間延遲了35分鐘。

團友的韓式泡飯

1733的雞飯
飛機飛了上天空不久便派發午餐。吃完這一頓飛機餐,我更覺得有需要向國泰及港龍航空要認真檢討航班上的餐飲啊。

餐後小休,很快便聽到機長的通知航機即將降落仁川國際機場。預計降落時間跟原定的樣。航機在18:00停靠登機橋。


 入境櫃檯前的龍
步行了十多分鐘便到達入境櫃檯,但在櫃檯前等候了40分鐘,入境入員才很快地跟我們辦妥入境手續。資料顯示是因為網路上出現問題引至延誤。

當我們走到行李輸送帶旁,便即時拿到行李。曾經有行李破損經驗的1733當然會先自我檢查兩個行李喼的狀況才離開入境大堂。


入境堂內LG櫃檯
步出入境大堂,便到機場大樓內的LG櫃檯租用4G無限數據Wi-fi蛋。我們共租用11天的Wi-fi蛋,費用是73,700韓元(523港元)連稅。平均一天租用費用是6,700韓元(48港元)。但Wi-fi蛋沒有汽車充電配件,1733又有經驗在收Wi-fi蛋要check清楚。所以明天在租車時,1733會問租車公司有沒有相關的配件借用。


拿了Wi-fi蛋我們便步行往6號閘的機場巴士站,乘搭6001號機場巴士直接往首爾宜必思酒店。因為blog友Joe下載了機場優惠劵及交了給1733,所以我們每人可以用一張面值1000韓元(7港元)的優惠劵。但記著優惠劵在機場巴士售票處是不適用,只可以在上車時連同有關的收費一併給巴士車長便可以了。另外還要提一下家,就是最好在6號閘上車,為如果在9號閘等機埸巴士,有機會會因為有位坐而不可以上車。其實以上資訊也是Joe給我的,這次1733的韓國自駕遊人全賴Joe的幫忙才可以成行。在此衷心多謝阿Joe。

6001號機場巴士單程收費每位14,000韓元(99港元),在網上可以下載1,000韓元(7港元)的優惠劵使用,所以實際車費為每位13,000韓元(92港元)。
因為6001號機場巴士會停在Ibis酒店對面,所以很方便。如果是乘搭機場鐵路的話,就要拿著行李又上又落。原本我們是訂東橫Inn,但是沒有不吸煙房所以取消訂房。機場巴士就在東橫Inn的門口啊!

東橫Inn
到達東橫Inn已經是21:00。走過對面就到Ibis酒店。Check-in及繳費後便上房間放下行李,便如常替大部份電子產品充電。這時又有小問題出現,就是酒店的插座不夠多而且位置並不理想,另外就是1733所帶備的插頭配件跟插座不大配合,有少少鬆。


在洗面盆側的插座


在床尾檯下的插座

至於房間方面,這樣方便,這個房租,還可以說什麼呢?



Ibis Budget 507號房

 浴室及洗盆

洗手間

拍了房間照片,安排好充電後,人大跟著便乘坐Joe給我的地圖,很容易便按圖找到在Ibis酒店附近的食街。我們在等綠燈過馬路時,有一位熱毖韓國阿嬸還指給我們要到食街的位置。


  Ibis酒店附近的食街

今晚我們的食店


 店內

碳烤青花魚 10,000韓元(71港元)


 碳烤八爪魚 8,000韓元(57港元)


蒸餃 8,000韓元(57港元) + 白飯兩碗2,000韓元(14港元)


晚餐消費: 28,000韓元(198港元)
飯後回Ibis休息,結束了第一天幾乎全花在交通之旅。



按下面的連結,可以直接到有關的blog。








23 則留言:

  1. 我每次旅行都會帶拖板。
    間房都幾細下,開唔開到行李喼呀?

    回覆刪除
    回覆
    1. 拖板, 花灑頭已是我旅行必備之物 :P
      房間雖然細, 但個浴室好OK喎 ^^

      刪除
    2. Maggie, Kaykie我地就好少帶拖板. Ibis budjet既房係細架喇, 行李喼可以擺在房門口, 可以開盡架.同埋行埋喼預左客人放在床下底

      刪除
    3. 係呀, 有D酒店花灑頭真係唔得, D水柱係打橫出, 仲要打落個身度好痛架, 所以花灑頭係必備的 XDD

      刪除
    4. 用私家花洒頭, 難得.

      刪除
  2. 我都會帶定一個萬能插蘇, 作有需要時用. 晚餐的食物唔錯! 又抵食!

    回覆刪除
    回覆
    1. 萬能插蘇我都有帶, 但插在韓國的插座上並不穩陣, 所以充電也不很正常

      刪除
  3. Yeah, 順利到步 !! 開始愉快旅程 ~~~~ 謝謝你的分享呀 ^_^

    回覆刪除
  4. 陸大哥, 太客氣喇! 我去旅行都有帶拖板架! 因為太多野要充電. 唔記得提你, 真係唔好意思.

    回覆刪除
    回覆
    1. 講真, 無你的幫助與鼓厲, 韓國自駕遊是不會成行的.
      出發前我有話帶拖板架, 但團友唔想帶

      刪除
  5. 見到飲茶流晒口水添。
    而家去旅行真係帶插頭火牛都一大堆,師公你就咁插住充電就出去食飯唔駛睇住?可能聽得太多充電意外,就算屋企離開之前一定熄晒佢。

    回覆刪除
    回覆
    1. [見到飲茶流晒口水添]
      幾時有機會跟你飲茶吹水?
      其實離開左房間, 個房就會無電, 所以跟本就充唔到電
      平時只會插住充兩塊電池, 仲係分開唔同插座添

      刪除
    2. 應承咗師公我做完呢份 contract 日頭唔駛返工一定入元朗揾你吹水 。

      刪除
  6. 通常旅程第1天, 都係舟車勞動呀, 就算去東南亞, 都花大半天, 天黑才可安頓於酒店

    回覆刪除
    回覆
    1. 平時去旅遊,我好似未搭過下午機,入坐酒店就更加唔會咁夜。所以覺得特別d。
      不過,咁又有好處喎。唔洗咁早下床,仲可以去飲埋茶先至出發,好hea咁喎。

      刪除
  7. 資料好充足啊 ! 可否Copy 一份給我, 當然要你及Joe 同意呢 ! ^^
    但記著優惠劵在機場巴士售票處是不適用,即用優惠劵,只可以在上車時連同有關的收費一併給巴士車長便可以了。請問但上車才俾錢怎保証有位 ?
    在那裏download優惠劵 ?

    晚餐的環境及食物唔錯 , 抵及地道 , 正 ! ^^

    回覆刪除
    回覆
    1. [資料好充足啊 ! 可否Copy 一份給我, 當然要你及Joe 同意呢 ! ^^]
      在行程篇嗰度已經寫晒出嚟囉
      [但記著優惠劵在機場巴士售票處是不適用,即用優惠劵,只可以在上車時連同有關的收費一併給巴士車長便可以了。請問但上車才俾錢怎保証有位 ?]
      無保證架, 不過在6號閘上車應該會好好多, 在9號閘上車就算你買左車票都唔知有佔位坐架

      [在那裏download優惠劵 ?]
      等返左香港話你知

      [晚餐的環境及食物唔錯 , 抵及地道 , 正 ! ^^]
      無錯

      刪除
    2. 機場巴士既優惠劵今日在上巴士時唔收喇, 即係話已經停用喇.
      黎既時候每人可以用一張1000韓元的優惠劵, 今日搭機場巴士就要比全數14000韓元

      刪除
  8. 你們的食物好吸引!陸sir 好醒喎,靠著指引就可以去暢遊啦!

    回覆刪除
    回覆
    1. 呢晚既晚餐都又幾好食呀.
      都係全靠blog友阿Joe, 度爸及朋友Stella Mo既全力幫忙先至有膽去自鴐咋

      刪除

有興趣大家互動一下嗎?