2015年4月8日 星期三

Day 2 of 11 首爾特別市 ─ 慶尚北道 [安東市]

2015年4月8日(星期三) 天陰


原定行程東大門Ibis酒店 → 錦湖租車公司 → 慶尚北道 [安東市] 河回村 → 陶山書院 → 鳳停寺 → [奉化郡]清涼寺 → [安東市]找住宿。

實際行程東大門Ibis酒店 → 首爾KTX火車總站某銀行兌換韓幣  → 錦湖租車司 → 慶尚北道 [安東市]安東火車站附近 → [安東市] Andong Park Hotel安東花園酒店。

住宿:Andong Park Hotel安東花園酒店

地址:慶尚北道 [安東市]
             
房型:不吸煙雙人床房

房價:50,000韓元(355港元) [不包早餐]連稅

停車場:免費使用


因為昨晚原定要往首爾或明洞地鐵站兌換韓幣,但因為太夜,太肚和太多理由而沒有理會。所以今天1733如常一樣在06:00下床,走到窗前跟首爾說一聲早安。


窗前就是東橫Inn

梳洗過後便叫團友下床。八時未到我們已登上橙色的士往首爾KTX火車總站。 估不到這麼早的首爾市已經開始塞車,幸好的是只是行車較為慢而已。

的士消費:6,500韓元(46港元)


KTX首爾火車總站
08:10到了KTX首爾火車總站,因為團友的同事在昨日已實地查詢了銀行會在06:00開門營業,不知道是時間尚早的關係還是其他的原因,我們跟本就不需要排隊。所以我們很快便把兌換韓幣的手續辦妥了。


IBK銀行

是日匯率

為了節省時間,我們也就在火車站大堂食早餐。



是日早餐: 兩份5號餐+兩杯熱咖啡

早餐消費:9,800韓元(70港元)

因為恐防塞車比較嚴重,所以我們選擇了搭乘地鐵回程。團友跟同事借了兩張T-money,因此我們便在便利店為每張T-money充值5,000韓元(35港元)。由KTX首爾火車總站到中區光熙洞只需乘搭4個站,車資每位1,050韓元(7.5港元)。需時約10分鐘。


設在二樓的錦湖租車公司
走出地鐵站3號出口再步行2至3分鐘便到錦湖租車公司。辦租車手續快捷順利,8天的租車費用為423,000韓元(2,996港元),費用已包括了購買額外附加保險。平均每天租為52,875韓元(373港元)。但租車公司安排的車輛並不是1733預訂的那一款Fun Car而是一輛小汽車。

KAV - Ray (Fun Car)


Hyundai - Avante GDi - 現代汽車 50 4083
車子很新,只行走了22,815Km,行李箱概寬且深,很容易已放下我們兩件行理。

當我們試用英文版GPS,嘗試在輸入景點的電話號碼時,GPS總是不能提供有關的選擇。例如輸入電話號碼54-748-4848,可供團友選擇的會是54-748-4988或者是54-748-4939之類。這問題就連錦湖租車的職員也摸不著頭腦,1733估計是跟英文GPS有關。最後團友只隨意選擇輸入一個是安東市的電話號碼好讓GPS暫時有工作可做,代到了安東市後才再為GPS設定景點。

最後我們在10:15向安東市出發,GPS顯示要走250Km,約需4個半小時才到達目的地。1733覺得路程只有250Km,無理由需要4.5個小時才走完,尤其是大部份的路線是走快速公路。

Blog友阿Joe提醒在首爾最好不要租車自駕,原因是首爾是特別塞車。她說得一點也沒有錯。我們在首爾大約花了45分鐘才可以離開首爾,開入快速公路。


首爾市街道旁的櫻花
在韓國第一次看到櫻花就是這裏。



途中第個停的休息站
開了1個小時的車,在11:15便開入休息站方便一下,這休息站很細少,只有細少的洗間,並沒有其他的方便設施。


50 4083停在路途上第一個休息站
從新上路前才發現到現時為止只開了39Km的路程。


路途上第二個休息站



設備齊全的休息站
11:40,我們在另個休息站再次休息,並進食午餐。至於味道如何?可以說是不過不失,沒有期望亦沒有驚喜。


魚片串湯烏冬麵,5,000韓元(35港元)


牛肉泡飯 ,7,500韓元(53港元)
午餐消費:12,500韓元(88港元)


休息站用餐區
食完午餐,我們在12:30繼續上路。

開了約250Km的車程,約在15:00到了安東火車站附近。因為在火車站附近的路上又看到櫻花,所以我們把車子停泊好,拿了相機,手機便在路邊拍個不停。














在安東某路旁的櫻花盛況
開始拍照時,室外溫度只有攝氐5度而且天陰陰又有風,感覺很冷。及後天色轉晴更少少藍天和風勢減弱,感覺好一些。




 一枝很有趣的鉛筆


很有趣的房屋外牆


很有趣的Batman


很有趣的Fatman + Batman
不知不覺已經在這裏拍了45分鐘的照片,是時候要離開找今天的住處。剛才在拍照時有留意到河的對岸有幾間Motel的廣告招牌,所以便開車朝這個方向駛去。找了好幾間都不滿意,不是Motel門前地面上積有泥塵就是感覺Motel既格局有些鹹鹹地。最後我們找到一間位處於大路旁的酒店。



安東花園酒店
幾層高,有升降機。兩張床、不吸煙房、不包早餐。Walk-in價房租50,000韓元(354港元)連稅。我們就不作他選了。



雙床房

浴室
其實這一間房應該日3人房才是,對嗎?

安頓好之後也是時候食晚餐了。團友在房間休息時已經在網上找了一些資料,所以開車前就將GPS設定好。


Andong Gu Market(安東燉雞條街)


來這街市的原因主要是想食燉雞,而這街市就有出名食雞的小店。


1733找到了路旁已劃了白色線的車位將車泊好後,有一位年青人走來在車頭的擋風玻璃放上一張紙。1733會意就好像在台灣一樣,在取車後便拿著這一張電腦字條往24小時便利店繳付停車費用。所以1733就用身體語言及英文,知道停車費用是會在取車時直接交予他便可以了。


其實市場的周邊街道也是購物街,多以是售賣衣服為主。






市場內所售賣的貨品型型種種,當然是以售賣食品較多。我們找到了幾間食店,其中幾間店面貼有相片顯示有雞可食。但團友看了照片後,恐怕口味會太辣而沒有幫襯。於是我們反回停車位,給年青人付了500韓元(3.5港元)的停車費便開車尋找另一食處。

在GPS上又找到了這一間


而且還一間Best Restaurant



還可以從高點欣賞安東市
但可惜的是這食店已沒有再營業了。無奈地我們又只好另作他選。


 最後在附近路邊遇上這食店
有CU招牌的是一間24小時營業像7-11的店。


店內

豬肉湯飯兩碗

晚餐消費:1,200韓元(85港元) 


這兩碗豬肉湯飯清清甜甜,很好味。

飯後回酒店休息,繼續寫blog。



按下面的連結,可以直接到有關的blog。








34 則留言:

  1. 原來在這裡現場直擊
    韓國都有東橫inn, 我以為日本才有啊

    回覆刪除
    回覆
    1. 平時現場直擊唔會寫咁長細,呢次試下一次過寫起一日既行程。不過可能都係唔得。好似呢篇咁,都未寫到出發,我就要瞓嚕。
      都係blog友Joe話,我先知咋。

      刪除
    2. 你同batman合照果張相, 好鬼馬呀!! 讚~~~

      刪除
    3. 你平時簡短一些的現場直擊, 仲會唔會番到HK寫遊記0架??

      刪除
    4. 嘻嘻,平時工作上我好嚴肅架。

      刪除
    5. 嗰d追蹤篇只係現場直擊報導咋,我一定會再寫詳細篇架。

      刪除
    6. 嗰d追蹤篇只係現場直擊報導咋,我一定會再寫詳細篇架。

      刪除
    7. 嘻嘻,平時工作上我好嚴肅架。

      刪除
  2. 租車 hkd272 每天, 仲計埋額外保險, 真係抵呀
    點解唔係你book果架0既? 係咪無得指定車款, 只可指定類型呀
    咁呢架好唔好駕呀?

    回覆刪除
    回覆
    1. 租車真係好抵,汽油就唔知平唔平。今日我應該要入油喇。任何國家,間間租車公司都一定會話唔一定比到你揀既車款架。比唔到,佢地會比同級或幫你upgrade高一級架車而唔會額外收費。
      呢架車都幾好開,不過d隔音就麻麻。行車時嘈d。不過細車係會差d架喇。
      可以在租車時指定車款架。

      刪除
  3. 我仲想話歐洲都未寫完, 點解咁快出韓國篇! 玩得開心d 啦! 朋友話歐洲好凍呀!

    回覆刪除
    回覆
    1. 哈哈!我盡量在旅途上每天都寫,寫得幾多得幾多。
      而家歐汌仲凍啫,你6中先至去,應該無咁凍既。

      刪除
    2. 係日本我地都係用日文GPS. 英文GPS係少咗d 功能.
      3人房好, 方便用第2張床放雜物執行李.

      刪除
    3. 事前我地都驚驚地英文版會差D, 但諗住英語聽得明, 韓語唔知講乜野
      我地book房係book雙人床架, 不過佢比左3人床我地

      刪除
  4. 今次架車upgrade左咁多,都唔算小汽車啦。

    另外部車logo H,應該係Hyundai現代。

    回覆刪除
    回覆
    1. 我仲未search呢架車同我原本book嗰架在9上級中大有乜野分別, 都唔知係高左幾個grade添
      係, 攪錯左添, 等我去改返佢先
      謝謝你呀!

      刪除
  5. D櫻花好靚呀! 下一站應該仲靚!

    回覆刪除
  6. 佢地D motel 好多都好似鹹鹹地, 我地上次係順天, 果到超多Motel, 不部9成個外表都係鹹鹹地, 最攪笑我地搵到間無甘鹹既(但都係鹹既), 有好多小學生可能去旅行, 係到住喎!

    回覆刪除
    回覆
    1. 鹹鹹地對我地來講無問題,最緊要係清潔。如果門前乾淨我地都會去住架。我估係大家既文化唔同既關係

      刪除
  7. 回覆
    1. 呢條係今次行程睇到既第一條白色隧道黎架

      刪除
  8. 估唔到大長今既櫻花都咁靚 !
    唔明解這句"不是Motel門前很多泥塵就是有些鹹鹹地" 係指笪地鹹鹹地 ?
    喺呢啲旺季師公竟然唔訂齊酒店就出發, 如果真係搵唔到咁咪要瞓車 XD.
    嗰啲停車場收費有啲似我地舊時停爛地有人埋黎收陀地咁.

    回覆刪除
    回覆
    1. 結果最後係咪冇食到雞?

      刪除
    2. [估唔到大長今既櫻花都咁靚 !]
      我都估唔到架
      [唔明解這句"不是Motel門前很多泥塵就是有些鹹鹹地" 係指笪地鹹鹹地 ?]
      係 Motel門前積有泥塵, 格局有些鹹鹹地. blog文已經改左喇.
      [喺呢啲旺季師公竟然唔訂齊酒店就出發, 如果真係搵唔到咁咪要瞓車 XD.]
      係在網上搵唔啱, 所以無計咋.
      嗰啲停車場收費有啲似我地舊時停爛地有人埋黎收陀地咁.
      唔係掛?呢個年青人出張停車票係有部手提機print出黎架, 跟住嗰幾日, 就唔係年青人, 係阿叔阿嬸, 用手寫住你幾時開始泊車

      刪除
    3. [結果最後係咪冇食到雞?]
      文內已寫左無幫襯架喇

      刪除
  9. 可否直接在機場取車去安東市方便D ! ? ^^

    回覆刪除
  10. 陸皇爺:想問下餐廳的餐牌有冇中英文架

    回覆刪除
    回覆
    1. 可能我地去既地方比較平民既食店所以只有韓文咋

      刪除
  11. 呢架係UPGRADE 咖, AVANTE 係STANDARD, FUN RAY 係COMPACT, 我上年同度媽去韓國都係揸呢架,我就唔係好鍾意,因為座位好低,腰好累。

    回覆刪除
    回覆
    1. 座位好低? 咁我又唔係好覺喎. 會唔會係你無較高個座位呢?
      雖然係upgrade左, 但係我都係好想開下架Ray仔

      刪除
  12. 茂盛的櫻花真係好靚!難得陸sir 你又拍到特寫。看來你們租到的住宿都不貴,地方都不錯。自駕遊自由度較大,真是一個很好的旅程。不知你們這次一行共幾人?

    回覆刪除
    回覆
    1. [茂盛的櫻花真係好靚!]
      去慶州嗰日D櫻花比今日既靚好多好多架

      [看來你們租到的住宿都不貴,地方都不錯。]
      我地10日既平均酒店房間租金大約是620元, 一D都唔貴, 除左住韓屋嗰間之外, 其餘間間都係好乾淨好掂呀.

      [自駕遊自由度較大,真是一個很好的旅程。]
      所以我已經中左毒而不能自拔囉

      [不知你們這次一行共幾人?]
      2人

      刪除

有興趣大家互動一下嗎?