自2019年1月29日購買來回德國慕尼黑與香港的直航機票後已不斷留意各租車公司的租車優惠。各租車公司不定時提供的優惠只提供即時租車並在一至兩個月內取車。因1733的租車時段在9月中至尾，所以無緣賺取有關優惠。
1733於2017年英國蘇格蘭自駕遊幫襯SixT租車，當時對在取車時SixT服務不滿後已將Sixt這一間租車公司列入我的不受歡迎租車公司名單內。奈何2019年這一次德國+奧地利自駕遊又要幫襯SixT。
因為距離出發只餘4個多月，出發時段又正值德國啤酒節，所以在租車工作上感到有點壓力。所以便在5月1日勞動節這一天便積極辦妥租車這件事。
因為這次旅遊是乘坐德國漢莎航空，所以1733先往德航官網查看租車有什麼優惠。因通常租車公司會與航空公司掛鈎，幫襯買機票便有機會享指定租車公司租車優惠。
不過要知道究竟有多大優惠就要努力做功課了。所謂做功課就是跟不同租車公司同款車輛的價格包括保險和額外要求作比較。
不過要知道究竟有多大優惠就要努力做功課了。所謂做功課就是跟不同租車公司同款車輛的價格包括保險和額外要求作比較。
德航官網上的租車公司有Europcar、SixT和Hertz。德航官網上這幾間租車公司所提供可租車輛款式不多，尤其當我們選擇了自動波+無限里數之後選擇就更少。
離開德航官網往Europcar和Hertz官網，亦是選擇了自動波+無限里數，車款數目選擇明顯較在德航官網上多。再往SixT查看同款車發覺租車費用明顯平過Europcar和Hertz，所以決定再給SixT一次機會。
Audi A6 Avant 3.0旅行車(包內置GPS)
租車時段：14/9/19(06:30)至29/9/19(18:30)
取車還車：德國慕尼黑國際機場
(在此機場取車還車要收額外費用)
租車費用：937歐元(8,429港元)rate @8.996
費用包括額外購買的盜竊及損毀有限度責任保險和車胎及擋風玻璃損毀保險。
行程篇
O2歐洲電話 + 上網數據咭
D1 of 18 香港 → [德國](慕尼黑)
D2 of 18 [德國]München(慕尼黑) → Garmisch-Partenkirchen(加爾米施－帕騰基興)
D3 of 18 [德國]Garmisch-Partenkirchen(加爾米施－帕騰基興) → [奧地利]Innsbruck(因斯布魯克)
D4 of 18 [奧地利]Innsbruck(因斯布魯克)
Day 5 of 18 Innsbruck(因斯布魯克) → Kitzbühel(基茨比厄爾)
Day 6 of 18 Kitzbühel(基茨比厄爾) → Kaprun(卡普倫)
Day 7 of 18 Kaprun(卡普倫)
似乎你對德國奧地利特別喜歡，又翻兜
回覆刪除我上次跟團去德國都係坐德德航，法蘭克福入慕尼黑走
德國感覺幾舒服，尤其係一D鎮仔，食就真係麻麻，豬手太肥膩，腸仔太鹹，啤酒我哋又唔飲，所以去過一次就算
暫時無咩衝動去歐洲自駕，一來路程太遠，二來要太多時間功課，況且老公仲未可以去到18日咁多，都係跟團唔駛煩焐駛諗，當然自由行就緊係自由得多
[似乎你對德國奧地利特別喜歡，又翻兜]
回覆刪除係架，德國面積唔大，景點之間既距離唔遠。有大自然風景、有汽車製造工業，又有文藝既，真係好多元性架。奧地利上次去左好少地方，仲覺得佢既風景好細膩，唔似美國咁囉。
[我上次跟團去德國都係坐德德航，法蘭克福入慕尼黑走]
我就兩次都在慕尼黑入和走。
[德國食就真係麻麻，豬手太肥膩，腸仔太鹹，啤酒我哋又唔飲]
全中，不過我無食過德國豬手。我都唔飲酒架。
[暫時無咩衝動去歐洲自駕，一來路程太遠，二來要太多時間功課]
路程近過我上年飛多倫多架喇。我都怕坐長途機架。團友攪個行程攪到頭大架。
[跟團唔駛煩焐駛諗，當然自由行就緊係自由得多]
玩左自駕遊之後，我地提唔起興趣跟團玩。
你位團友都好肯幫手攪行程，我嗰個情願俾錢做下司機苦力，其他全部都係我攪，日本就話熟啫，其他地方真係唔掂
刪除或者將來等我完成埋歐洲全制霸，然後精選一D地方再去自由行或自駕遊
德國名物豬手都唔試下，雖然我都唔太喜歡，但未食過都會去試下
[你位團友都好肯幫手攪行程]
刪除每次既行程都係佢攪架，佢攪左我先至細執，大家分工合作架。
我地攪行程都好常參考不同blog友既旅遊經驗架，尤其是台灣blog友，佢地都寫得好詳細，但自由行多，自駕遊少。
[德國名物豬手都唔試下，雖然我都唔太喜歡，但未食過都會去試下]
上次我都話試下，但咁大隻怕食唔晒，我估今次會去試下同韓國既豬手既分別。
一定係韓國好食，韓國係起哂肉一片片好稔，德國係連骨成隻上，有D部位好鞋，基本上一人一隻係食唔哂，兩個人一隻share會好D
刪除我在德國見到佢地既豬手好似有分兩賞烹調法，一種好似炸咁既樣，可能呢類就會好鞋。
刪除如果在德國食豬手有得幫你起埋骨，一定會貴到飛起。我見過有個台灣blog友話，去快餐店買野食，碟野係暖既，店員問佢洗唔洗丁一下碟野，個台灣blog友就話好吖，咁就多收1歐元。
我嗰次第一餐在快速公路休息站食午餐(快餐嚟架)，店員問要唔要汁，找數時先知又係要比多一歐元。
我唔係話佢地多做一樣野要多收錢係唔啱，只不過我地唔知佢地既習慣係咁，知道左後，有需要迷加多一樣服務或汁囉，又唔係要慳返嗰1歐元。
我地一定要兩個人share先至有可能食得晒架。
正啊！上次去鷹巢，呢次去狼穴？你租果架唔同相黑色果架有Quattro, 所以唔好楂咁快，200km 好喇😆
回覆刪除租A6係咪仲有朋友一齊去？ 下月同姨生女去冰島都租咗架Q7，佢喺英國租車網同我喺香港同一個租車網價格比較平
[上次去鷹巢，呢次去狼穴？]
回覆刪除係呢，唔知有無狼穴既呢？
[你租果架唔同相黑色果架有Quattro, 所以唔好楂咁快，200km 好喇😆]
我知兩張相架車係唔同架，不過搵唔到相同就算。咁我又唔知quattro咁猛喎，開200Km/hr咁慢？最近睇過話德國開車開咁快又好少有交通意外既原因就係開得快，個司機就唔會咁易hup眼瞓，仲打醒13個精神開車添。唔知真定假。
租A6係咪仲有朋友一齊去？
唔係呀，得兩條友咋，無乜車款揀咋。我地想租SUV架，原本睇左架Q3，架車無內置GPS，A6就有。但租金只係差30蚊咁上下一日，架車又大左咁就揀左架A6囉。
[下月同姨生女去冰島都租咗架Q7]
5個人以上一團？
冰島都係我地好想去既地方嚟架，撞唔啱平機票咋。今次德國機票連稅$54XX，唔去對自己唔住。
[佢喺英國租車網同我喺香港同一個租車網價格比較平]
上次去澳州租車我就發覺係咁，在香港租車官網貴過澳州個官網。
2012年跟團去過德國同奧地利後，好想自由行再去，可惜老公冇長假期，睇怕都要等佢退休先可以成行。
回覆刪除我上次去德奧係2014年既事喇！再去係因為呢兩個國家有其吸引之處和遇上平機票。去歐洲自遊遊唔玩番兩個星期會較趕架，同老公度下D假期囉。
刪除我又玩唔同地方出入，宜家去到hk$12000 租車費😵😵 又要揾計
回覆刪除[我又玩唔同地方出入]
刪除澳地利入，德國出?
[宜家去到hk$12000 租車費😵😵又要揾計]
今次行程頭搭尾總共幾多日?
租幾多日車?
租啲類型既車呢?
呢啲都係影響租車費既因素次一。
攪唔掂，宜家改原地出入，去少D地方。本來想去五國🤣🤣
刪除二星期，四人租full size 車
兩個星期去5個國家，雖然每個國家都相距唔遠，但行程就都會好趕下。
刪除租揭背車在放行李時會易好多。
唔會話好趕，車程大約2-4小時。
刪除我地都係租掲背車
plan幾時出發？
刪除9月尾
回覆刪除咁你接力喇！
刪除買左機票未？
未plan 好行程。上次出機票先check 車出事。 Prague 來回要$8k. 但又唔想去Munich. Qatar 仲有$3k 機票
刪除我每次都係先買機票又租車架
刪除我之前訂咗機票先租車和酒店。但呢几次係東歐小國租車選擇少，我都想去Munich 機票仲平添，時間亦唔夠，book 機票前check 埋租車以免中招。
刪除原來係咁。
刪除咁如果我plan玩16湖都要留意下租車呢件事先至得噃。
Slovenia 22% sales tax. Croatia 唔清楚
刪除嘩！D稅貴得咁緊要但都無計。
刪除