2013年10月9日(星期三) 天晴
原定行程：Oxford(牛津)Travelodge → 牛津大 → Woodstock(胡士托) → Burford → Boardway/Worcestershire(烏斯特郡) → Stanton(斯坦頓)The Vine民宿。
實際行程：Oxford(牛津)Travelodge → 牛津大學城 → Bleheim Palace(布倫海姆宮) → Stanton(斯坦頓)The Vine民宿。
09:10@Little Chef食早餐。
09:30，早餐來了。
1733的奄列早餐 + 咖啡，5.99 + 1.49 = 7.48鎊(106元)
當1733把奄列切開的時候，發現所謂奄列其實就是一份煎蛋餅而已。因為蛋餅內並沒有任何配料。於是1733再把餐牌仔細再看一次，才發現餐牌真的列明用3隻蛋做成奄列。如果要在奄列內加上配料，每一項配料另加0.89鎊(11元)。怪不得那餐廳的服務員問我，是否需要加配料，而我答不需要，她有些疑惑啦！
我這一份早餐的內容包括有，奄列、番茄、兩件多士及牛油。售價是5.99鎊(74元)，如果我選擇加兩種配料的話，即是另加1.78鎊(22元)，即共7.77鎊(96元)。另加咖啡1.49鎊(18元)。總消費便是9.26鎊(115元)。
團友的煙肉炒蛋早餐 + 咖啡，5.49 + 1.49 = 6.98鎊(86元)
早餐消費：14.46鎊(179元)
來了英國幾天，這一頓早餐的份量細、味道一般及價錢稍貴。試過這一次之後，有機會1733也不會再到 Little Chef 幫襯了。
10:15，Check-out，開車到牛津大學城。
11:00@大學城。
11:15@旅遊中心購買 Blenheim Palace(布倫海姆宮)入門券。
.JPG)
.JPG)
.JPG)
.JPG)
.JPG)
再次數提醒大家，記得到旅遊中心購買有關的入場門券呀！
牛津大學城
13:00，離開牛津校園區往大名鼎鼎的英國前首相，溫斯頓‧丘吉爾的故鄉 Blenheim Palace(布倫海姆宮)。
13:20@布倫海姆宮。
14:00，因為 布倫海姆宮 正在拍攝電影，所以不時會有些地方被封而會對遊人造成影響。而我們就是被影響的一群。所以我們便改乘小火車往The Pleasure Garden。
.JPG)
小火車
14:05@The Pleasure Garden。
14:10@The Pleasure Garden Cafe吃午餐。
6吋薄餅 + 咖啡
午餐消費：3.95 + 2.6 = 6.55鎊(81元)
.JPG)
Bleheim Palace(布倫海姆宮)
16:35，離開布倫海姆宮]往今晚的住宿點The Vine。
18:10@The Vine。
The Vine 3 號房
18:25，開車往吃晚餐。
18:35，找到一間名叫The Swan Inn吃晚餐。
.JPG)
大家分享的 Fish Mezze，12.5鎊(155元)。
.JPG)
Fish Mezze Honey Glazed Roasted Breast of Duck，
15.95鎊(197元)。
Half Chicken Roasted in a Mediterranean Marinade，
11.95鎊(148元)。
晚餐消費：45鎊(557元)
其實一路開車往民宿，覺得已經遠離比較人多的地方。而且到了民宿附近，GPS又帶唔到我地去民宿的所在地。1733在民宿附近已兜來兜去，差不多用了20分鐘。
問附近的村民，村民也不知道。打電話給民宿又無人聽。最後在誤打誤撞才在一間村屋的隱蔽處看到有B&B的標誌。
及後也擔心太偏僻，今天的晚餐是否有餐廳仍是開門營業。及後問了民宿主人知道有餐廳就在5分鐘車程以內的地方。
如果我們是從餐廳的方向往民宿走，就不會擔心沒有食店了。
按下面的連結，可到相關的blog。
怪不得你講到Little Chef咁差⋯⋯
回覆刪除其實如果唔係咁差，我都唔想在文章內講。
刪除所以如果你有留意到我平時寫野時，我好少會講那一間食店，住宿點的缺點。原因是有可能是我咁啱給我遇上比較差的一次或者是我個人的感覺而已。
我不希望因我的不中肯的評語對有關的經營者有負面的影響。
所以在大部份的情況下，我只會在有blog友就著相關的事提出問題時我才會講我的個人意見。
我睇佢個menu, 早餐好似貴咗d, 不過lunch menu其實同早餐差不多價，好像是7，8鎊一份。下次試食lunch. :)
刪除我嗰朝只留意早餐，冇睇午餐。
刪除哈哈，下次先算喇。
"1733的奄列早餐 + 咖啡，5.99 + 1.49 = 7.48英鎊(106港元)。"應係大約93港元，咁會唔會感覺好少少。
回覆刪除哈哈，因為團友都話佢嗰份早餐好唔抵嘛。而且到今日為止，最唔好食，最唔抵食既早餐就係呢一餐喇！
刪除放心, 呢份早餐都仲低過機場果間 :)
刪除吓，機埸嗰間仲差?
刪除有無打算去倫敦Jamie Oliver's Fifteen? (唔抵食，只是景點之一）
回覆刪除冇呀!今日我地會去遊河，皇家空軍博物館等等。
回覆刪除團友昨晚去買手信，回酒店話我聽買唔到。
回覆刪除昨晚我自己就在酒店休息。
呵呵. . . 人人都話英國銷費貴, 睇你份早餐就. . . 唉, fish & chip 會唔會好dd ?? ^0^
回覆刪除咁到今日唯止，就只有這一個早餐唔抵食咋。我地食過一餐下午茶係fish & chip 而已。好好食，但價錢都唔平。
刪除去馬莎foodcourt買野食，唔錯架
回覆刪除今日既晚餐就在馬莎買三文治食喇，味道都唔錯喎。
刪除係呀, 甜品都好食~
刪除係咩？無食到添。
刪除好貴既早餐。~ . ~
回覆刪除其實除左租車之外，好多野我都覺得貴架。
刪除謝謝你的分享,我要儲多D彈藥至可以去英國喇！
回覆刪除我都係第一次去歐洲咋。
刪除我去咗Jamie Oliver 's restaurant in Gasglow. 小份量意粉加小份量沙律，lunch time =. £ 16 pound. 其實有間叫Casamia ??的連鎖意大利店，一般pizza or 意粉是£ 10 pound 。
回覆刪除我同團友都無去到呢兩間店呀！
刪除其實我地好求其，去到邊就食到邊。
I don't like 4 points bed , I have very bad feeling of those beds. When I am travelling, I like to go to their supermarkets to find their fresh produces, especially in Italy. Italy's chesses and olive oil and meet and wine are very yummy.
回覆刪除如果你有留意我地住過既住宿地方，我地都係唔選擇呢D床架。只在無得選擇既情況下就無計啦！
刪除我地下次都想去紐西蘭，租架有得瞓，有得煮食既車玩。
我地都好常去當地既超市同埋街市架。
哈哈，揸campervan係我嘅夢想，暫時未有機會實現。
刪除呢個夢想我已經在二十年前開始左，只不過到而家仲未實現。
刪除哈，我第一件事要考個VAN仔牌！
刪除但係我今年三十尾，仲去考牌就⋯⋯
就仲正啦！
刪除開左咁多年車，去考牌既時候就無咁大壓力添。
我唔係講笑架。
我都係好大年紀先至去考小巴及貨車牌架。
當時考小巴牌係為左可以防身，考貨車牌就係要幫我大佬。
A lot of Australian do that when they just retire cos they are around 60++ and have energy to do it for a year. I met a couple in Tas and they planned to stay in Tas to do a round island trip for 5 months. A ship calls Tas . Spirit can carry car, caravan to Tas. It is not cheap. My small car with a seat about au$ 200 one trip. A caravan with a bed / room can be aus $800 - 1000 per trip.
刪除話咁貴架?
刪除咁係唔係隻船只係做接送架咋?
隻船夜晚由墨爾本出發（ 6-7pm) , 到 Devonport in Tasmania 6 am. 帶架車上船，唔同size cars 唔同價格。有2-4-人房有床可瞓，房價又唔同，窮人如我可買坐位，平一半架，well 人家做生意,當然算盡cars park in Dock, no one allow stay in car. 一定要買坐位或車位才限人數字。yes, all price one way only.
刪除咁貴，真係諗下就當去左。
刪除Another way , flight to Hobert and hire a car. It may be cheaper . Go with Tas. Spirit is one of my must do lists. Even it is expansive, I must do it. I cannot stand let my lovely car home alone and hire another one, my car will jealous. 我以為我的生活平淡，工作又工作，但發覺一講起旅行，我的一點兒經驗都ok 喎！寫blog May be too hard for me. 用手指寫中文，真㑹地老天荒的。
刪除無錯，坐飛機跟開埋架車坐渡輪係兩個好唔同既Feel黎架，係唔可以用錢黎衡量架。
刪除哈哈，你同我一樣，將D野人性化左佢地。呢一樣我成日都比團友笑我架。
咁你可以好寫簡單D嘛。
唔知點解，寫blog我愈寫興趣就愈濃。可能就係因為有機會跟大家分享一下大家既經驗，吹下水，個人輕鬆左好多。
好像今天回港？
回覆刪除你真有心，已回到家了。
刪除咁快返咗黎？依度仲係day 8 of 16, 仲以為有排添 ：P
刪除唔快喇，十幾日架喇！
刪除寫追蹤篇呁簡單我都寫得咁慢，真係無計。
Yahoo email呢幾日都唔知佢攪乜鬼，早幾日在手機睇到有新電郵若干封，但點都睇唔到係邊幾封。
刪除昨日開始在手機睇返D電郵，但夾附既link就去唔到。
但在電腦又無咁既問題。
Welcome back. I bet you want to go again. 旅行似偷情，做開心思思想再做，haha, just kidding.
回覆刪除返到香港家，用電腦上唔到網，約左明天下午到家攪。而家只可以用手機上網。
刪除英國暫時都唔會去喇。下次遠程既會是德國或紐西蘭。
刪除其實第一次自駕遊既目的地係澳洲，嗰時覺得貴(2007年).匯率是1:5，所以冇去。而家係1:8仲貴，你話我點攪好吖。
刪除Young people come to Australia to work to earn money. No not working holiday. 自由行自己找門路。佢地冇錢有青春。well 你可能又有錢又有青春！
刪除我呢d長者都要搵綫先至有得食，有得玩架。我都係放假去旅遊，平時好少放假。不過自從展開左自駕遊之後，真係唔想再跟團去玩。
刪除咦幾年後當我買了新車，我都可以放2/3 月假來個環澳洲trip 喎！well 想下都得掛！in fact, it is not to hard for me to do it .
回覆刪除過幾年我退左休，我都想係咁。不過唔知要用幾多錢先至得。
回覆刪除你買架新車，唔會買caravan 嘛?
I will not buy caravan cos it is very big and it uses as a mobile home . I live in city and need a car for daily activities. Be aware, it uses a lot of petrol. Some people live in caravan park for few to 10 ++ year. It is too low to cross rock. Powerful 4 wheel car make you feel 浪跡天涯，天地任我闖的浪漫感。我見有人連屋企服按摩椅都放上caravan.
刪除講真，如果我在澳洲生活，我都唔會買caravan架。呢類型車，使用機會唔大。正如你所講，大食汽油，又有可能有D地方唔去得，就算比你入去CITY，泊車都難啦！
刪除不過如果用佢去旅遊，有好有味道噃。
浪跡天涯唔啱我呀。
我終於成功搬家啦! 連留言都有埋! 不過可惜留言沒有公仔. ^_^
回覆刪除恭喜恭喜。
刪除你就好啦，我要下個星期六日先至有時間攪。
日子愈來愈近，好有壓力呀!
路人甲: Jacky 如果你有興趣用公仔表情，可以參考吓Koosan嘅呢編~ http://koosan.blogspot.hk/2013/09/add-emoticons-to-blogger.html?m=1 我自己用緊 ^0^
刪除師公，系唔系上返網就搞搬屋呀，！
路人乙：Jacky我去你度見過，圖片link咗去blog.yiimg.com，YAHOO遲D收檔後有機會睇唔到架。
刪除我今日下午3點17分按了YB的打包鍵，佢今晚7晚37分通知我備份已完成。
刪除咁快嘅，我都驚驚地唔知拆左個包，入面我D野齊唔齊全既。
Mr. KO，點解會咁怪會link左去第二度嘅？
刪除噢, 謝謝大家資料!! 我要再研究下點搞先, 有D以前upload的相, 想要搵都幾麻煩...靠yahoo back up的照片, number又亂哂....
刪除我都發現有d草稿唔見左, 未知去左邊添.
刪除1733兄，可能過咗高峰期？
刪除第一件事，我想知你最後的zip，入面有個 ....Movable-Type.txt，如果你用text editor開，試search blog.yimg.com, 會唔會有好多？
search 唔到 blog.yimg.com 係正常，search出好多有就麻煩D。
KO，我 download 左36個 zip file，每個睇黎係要15分鐘先至可以下載完成。但而家我下載至第四個檔案，但每一個檔案在下載至最後一秒鐘，就出至失敗既情況，又要按個繼續按鈕再下載過，即每一個zip file都要下載兩次，共花30分鐘。
刪除Jacky，好多blog友都分享如何解相片問題，我都有好幾篇，睇睇啱唔啱用。
刪除http://koosan.blogspot.hk/2013/09/migrate-yahoo-blog-google-blogger-with-images-comments.html
1733 你試download最尾果個睇睇先。（佢地可以獨立unzip)
刪除原因係最近backup的朋友，個MT file格式“好似”有少少唔同，我遇過一兩個朋友係咁。
刪除收到，即係download第三十六個zip file。unzip？乜唔係完全download晒D zip files 先至 unzip 咩？
刪除所謂 MT file，係唔係即是我而家download左而未unzip既file呀？
而家啱啱開始下載緊最後嗰一個zip file。
刪除唔會唔我下載時選擇開啟，而唔選擇儲存會好D呢？
下載完全後嗰一個都係咁！又係出現下載終止。
刪除又要再黎過。
咁都唔緊要，最多花多D時間，最怕就係download晒後，原來D files係唔掂既。
不過都再繼續download架喇！
每個zip可以單獨unzip，所以可先download最後，看看Movable-Type.txt先。
刪除選擇儲存會好D。
MT 即係 hk-blog_2013xxxxxxMovable-Type.txt，通常YAHOO會將他放在最後一個zip內。
刪除即是將每個檔案下載左之後，再逐個檔案解壓。
刪除1733, 你個MT有冇消息？我開始覺得YB真係改咗格式。
刪除多謝你關心呀！
刪除因為上個星期四返左香港，個電腦上唔到網，PCCW星期六下午先至到家換左個接收器之後上網先至正常。
星期六晚先至下載左一個打包檔案。
星期日就下載左10個打包檔案。
到今日就一D進展都無。
如果明晚放工時間OK的話，就會再繼續下載檔案。
所以暫時未有什何進展。
咁改左格式之後對我地有乜野影響架？
你完成下載再通知我啦。
刪除如果真係改咗格式，以前有部份步驟可能做唔到，因為係最近發生，我無太多資料去試，所以想等埋你個CASE看看。
(樓上Jacky先生，好明顯係新格式）
收到，唔該晒你Mr. KO。
刪除KO，我已經完成晒下載 zip file，總共36個。而且亦都 un-ziped 添。
刪除不過我發現所36個unziped file 裏面，全都係照片。都唔見有文字檔嘅？
咁係唔係出現在問題呀？
上午按左個輕鬆搬家鍵，又話大約在16:00搬完。到而家個進度仍然是0%。我估可能出現左問題喇！我係搬去隨意窩架。
刪除你講搬xuite？我見之前好多要搬一個星期。
刪除第36個ZIP應該有幾個xml, txt，真係無？好似呢幅圖：
http://4.bp.blogspot.com/-QEDg1kAf3sI/UlEbE42qiHI/AAAAAAAAJM0/pO9zt3nZCR8/s1600/Screen+shot+2013-10-06+at+4.09.51+PM.png
你講搬xuite？我見之前好多要搬一個星期。
刪除我啱啱收到電郵通知，已經攪掂左，呢個係我blog既網址→http://blog.xuite.net/luk1733/hkblog
第36個ZIP應該有幾個xml, txt，真係無？好似呢幅圖：
刪除http://4.bp.blogspot.com/-QEDg1kAf3sI/UlEbE42qiHI/AAAAAAAAJM0/pO9zt3nZCR8/s1600/Screen+shot+2013-10-06+at+4.09.51+PM.png
完全無呢一類既file。
在data既資料夾內，只有一個images既資料夾，並無articles既資料夾。
而images資料夾內全部係相片。
係咪有第37個ZIP？
刪除搬去xuite，佢地都要你個 hk-blog-xxxxxxxx_article.xml 先做到。
或者你唔好搞個backup，click埋搬tumblr先（横掂唔洗錢）。
唔係呀！返來覆去都係得36個咋。
刪除等我又從第一個逐個再睇有無.xlm file先。
聽你提議，一陣再去按輕鬆搬家先。
咁我係唔係要通知YB，我既ZIP FILE 裏而除左jpg file之外，無其他所需既file呢？
按左喇，我在tumblr都見到你寫既野呀！
刪除搵到喇！原來YB佢將artical.xml 放在第七個資料夾內。
刪除原來揾到，咁就好啦。
刪除個hkblog-xxxxx-MoveableType.txt 都係第七個度？咁你可以慢慢搬。
係呀！仲有hk-blog_2013-10-19_album.XML Document及hk-blog_2013-10-19_article.XML Document
刪除另外仲有一個叫hk-blog_2013-10-19_index.HTML 在第八個fie裏面。
咦! 乜你打包要幾個鐘咁耐既? 我在11號按鍵, 只係30分鐘便完成打包了. YB send了21個zip files俾我.
回覆刪除耐？我睇有D blog友要日幾咁耐噃？
刪除我仲未down load D file，所以未知入面既野係點？
啱啱睇左喇！YB send 左36個zip files比我。
刪除unzip 同download files都好嘥時間. 昨晚先至將壓縮好的images upload上google drive, 又係以龜速進行, 希望今晚可完成.
回覆刪除我 download 一個 file 要15分鐘，36 x 15 = 540分鐘。即9個小時。
刪除你就 21 x 15 = 315分鐘，即5.25個小時。
unzip我未做，就唔知要攪幾耐喇！
好野，睇黎你都會搬黎呢度喎？
個名都加長左添。
我搬過黎係為左有個地方安置d文章. 本來我好懶, 只想由"輕鬆搬家"幫我幫去"隨意窩", 但因為我file size太大, 文字+images一共有11.3G, 超過晒"隨意窩"2G的上限, 咁我咪搬唔成去"隨意窩", 唯有死死地氣學搬過來blogger. 我一向無把images縮圖就放上blog, 所以咪攪到個file size咁大. 據知blogger都係得15G免費空間架咋.
刪除無錯呀, 我一共用左5小時去download 果21個zip files, 因為YB勁玩嘢, 每一個file download到99%便中斷, 要由頭來過.
刪除咁仲好，焗你過黎呢度，大家唔洗走失嘛。
刪除我而家都係每下載一個file都要兩次架。所以，淨係下載檔案都要用好多時間架。
刪除不過無計啦！
你攪成點呀？有無進展呀？
刪除我好似見你團友有部Samsung Tablet? 應該可以用Google Map幫手導航揾路。
回覆刪除應該係Note 2.
刪除係Note1黎架。
刪除唔知點解，近排(包括在英國既時候)佢開個Google Map就會好容易hang機架喇。
另外，真係唔好去租GPS呀！勁貴及又唔好用。成日帶唔到我去正確既地方架。
我一定會推介人買個GPS唔好租呀。計埋郵費都平過租。
你租果部係咪tomtom? 其實真係唔洗租GPS，只是買個安心。
刪除無錯呀！係Tomtom黎架。
刪除但今次好彩有租，因為團友個電話開google Map用，感覺神神地。
酒店有4 poster bed真係好少見呀
回覆刪除在酒店來說可能係，但在民宿來講，尤其是這一間民宿，因為這一間屋應該都會好一段時間，我估可能最少有一百年既歷史，而室內既陣設也不時尚。
刪除hi
回覆刪除你好呀！得閒再黎睇下及吹吹水吖。
刪除我啱啱搬完blog, yahoo 就睇唔到, 好彩~
回覆刪除你就好啦！我仲字攪呀！
刪除乜yahoo blog而家已經睇唔到咩？