搜尋此網誌

2013年12月29日星期日

Day 12 of 16 Windsor(溫莎) ─ London(倫敦) 追蹤篇

2013年10月13日 (星期日) 下雨天

原定行程:溫莎Rainworth Guest House民宿 → London Heathrow International Airport(倫敦希斯羅國際機場) Alamo租車店還車 → London(倫敦)IBIS London Hotel Earl's Court。

實際行程:溫莎Rainworth Guest House民宿 → Windsor Castle(溫莎堡) → Eton College(伊頓公學) → London Heathrow International Airport(倫敦希斯羅國際機場) Alamo租車店還車 → London(倫敦)IBIS London Hotel Earl's Court。

Rainworth Guest House用餐區
08:00@民宿食早餐。


英式早餐
因為英式早餐的份量對我倆來就實在太大,所以跟民宿主人說份量要縮小,蛋只要一隻。

早餐後上房取行李放回車上,跟民宿主人道別後,便在微雨中向溫莎堡進發。

09:00,由民宿出發前往溫莎堡。

10:45@溫莎堡。把車子停在投幣時租停車場,停車兩小時收費6鎊(74元)。由停車場步行至溫莎堡正門只需幾分鐘十分方便。



Windsor Castle(溫莎堡)
在溫莎堡參觀,只能在戶外拍攝,當進入建築物內就不可以拍攝了。今天到溫莎堡參觀的遊人並不多,原因不知道跟有雨及變冷有關。溫莎堡這麼大,英美國皇室成員是不是會輪流住每一個房間的呢?

12:50,離開溫莎堡往伊頓公學。其實在停車場附近有行人橋可前往伊頓公學,因為下著雨的關係,1733想把車子一起駛往區內停好了才參觀。原來由停車場到伊頓公學,走路是快過開車很多。另外,在伊頓公學基本上是很缺乏停車設施。所以1733只是在伊頓公學區範圍兜風而已。

離開伊頓公學前,1733在這裏先到汽油站把車子入滿柴油,原因是從溫莎往倫敦希斯羅國際機場只需行車20分鐘。

13:50,離開加油店。

14:20@Alamo租車店。

Alamo租車店還車處
在還車時職員會巡查有關車輛的狀況。職員跟1733說汽車有損毀,並指出損毀的位置。但他跟我說因為我已購買了附加保險,所以我可以向有關的保險公司索償。但離開前必先至繳付有關的維修費用予租車公司。

1733回應說租車時已留意到有關損毀部份有拍照紀錄。

車頂已損毀的音機天線
1733就是把上面這一張照片證明在取車時,收音機的天線已經損毀。有關職員看了照片後便說我無需要負上責任了。

來往機場與租車店之間的接送車
完成還車手續便乘接送車往機場,再轉乘機場地鐵往倫敦IBIS London Hotel Earl's Court以後幾天所住的酒店。

14:35,乘接送車離開租車店。

14:50@地鐵。

15:50@酒店房間。

IBIS 735號房
18:15,離開IBIS酒店搭乘地鐵District Line往倫敦市食晚餐。

18:50@Masala Zone食印度餐。

Grillied Chicken 10.05鎊(124元)

Regular Thali Chicken 8.95鎊(110元)

晚上的London Eye(倫敦眼)

晚上的大笨鐘
 晚飯後步行往看夜景。跟著便回酒店休息。


按下面的連結,可到相關的blog。






43 則留言:

  1. 好彩你有影低相,不過我都睇唔出條天線有事。

    回覆刪除
    回覆
    1. 整枝天線有一半既直徑細左(近頂部的位置)。
      因為無人帶我去收車,所以自己先驗車,再拍照,仲要有停車場境,諗住咁就唔會出錯囉。

      刪除
    2. 即係黑色膠甩哂,都唔算什麼損毀。好彩你醒目,自己驗車拍照。
      之前英國果架,落雨先知車尾水潑唔見咗!

      刪除
    3. 冇錯呀!我攞車時見到,都開收音機,見個收音機都聽到,以為佢地已經知道天線有損,不過為免麻煩,影張相記錄會好d咋。個職員同我講條天線有defect,不過我有買附加保險,所以唔洗我出錢既,claim保險就得。但又因為我份保險是在網上租車時買而唔係直接幫佢公司買,所以我要先比錢,然後自己去claim 保險。

      刪除
    4. 哦,呢種天線可以買條spare擰上去,應該唔洗好多錢?

      刪除
    5. 我諗個職員知道我有附加保險, 諗住唔洗我出錢, 所以就想在我這一次還車既時候攪掂條天線, 呢個職員對公司來講係她野黎架.
      如果我攞唔出證據, 我諗都要賠償架,

      刪除
    6. 我估佢地收完repair fee,但都係唔整,留返下次收過第二個。

      我記得當年考完車牌,向香港Txyxta租一個月車練習,租金已經唔平。返去時,1mm的石仔痕都話每個一千,加埋四千幾,最後講價到一千了事。

      我估佢地唔會整。

      刪除
    7. 你知我用緊Camry架啦, 話說三年前有一次我攞架車返廠免費check車, 下午廠打電話比我, 話我知我架車既擋風玻璃爛左, 收我個優惠價同我換左佢,
      我話, 塊擋風玻璃嗰一點已經有了2兩年, 而且上兩次及這一次入廠我都有主動報上, 而且收車時佢又無話有乜野事, 唔賠償既, 而家就算收我一元既優惠價我都唔會比.
      我唔想聽點解會爛左, 如果佢攪唔掂, 叫一個可以話事既人同我講, 如果都係咁既答覆, 比返架車我, 我自己想辦法

      最後, 佢再打電話比我, 無條件同我換.

      我覺得事有q k, 以後再無入廠幫襯喇

      刪除
    8. 完咗原廠免費保養,我都唔會返去。

      刪除
    9. Toyota原廠免費保養係5年,但要得到呢個保養,就要在5年內最少要返廠做一次檢查或維修先至得。
      新年快樂。

      刪除
    10. 我記得好似頭兩年全包,跟住就包D唔包D??我之前部NOAH揸咗兩年賣咗,無用哂。

      刪除
    11. 頭兩年全包,第三至第五年有限度包,但要每年返一次廠囉。

      刪除
    12. 新年快樂呀。

      係呀,果陣皇冠經常call人返去驗車。

      刪除
    13. 1733 兄, 鬼佬都識行古惑, 尤其見到你係亞洲人

      刪除
  2. I never been there, thanks to take a lot of picture let us see

    回覆刪除
    回覆
    1. 茶茶, 咁你有無計劃幾時去英國走返一轉呀?
      預祝你新年快樂

      刪除
  3. "美國皇室成員是不是會輪流住每一個房間的呢" 係咪應該"英國"呢?
    我去溫莎嗰時係夏天好好太陽, d 人瞓晒草地晒太陽.

    回覆刪除
    回覆
    1. 哈哈,改左喇。唔該晒你呀!
      如果在這一天瞓在草地上,一定會成身濕晒。
      今次英國之旅,落雨天既日子唔多,正呀。
      新年快樂。

      刪除
    2. 新年快樂 ! 步步高陞 !
      台灣之旅愉快 !

      刪除
  4. 我很喜歡scotland, 有機會可以自駕遊

    回覆刪除
    回覆
    1. 點解咁喜歡呢?情意結?
      新年快樂。

      刪除
    2. 當時有人帶, 好彩日日好天, 住既民宿背山面海, 又平, 風景好靚,

      新年快樂, 繼續去旅行 :)

      刪除
    3. 今次在民宿也遇上在英國留學的中國同胞。他已在英國多年,而家讀緊研究生。佢都好喜歡蘇格蘭。

      刪除
  5. Hello ~ 1733兄 , 踏入2014 , 祝你身體健康 , 如意吉祥 , 事事如意 . ^^

    回覆刪除
    回覆
    1. 謝謝你man wai。
      大家要keep住勁佳既健康去旅遊呀!

      刪除
  6. 新年快樂~~~
    呢期我都好少上blog,用法同之前yahoo好唔同,麻煩好多。~.~

    回覆刪除
    回覆
    1. Amy,新年快樂。
      冇辦法,轉左用新野,就要比d時間去適應下架喇。

      刪除
    2. Amy,新年快樂。
      冇辦法,轉左用新野,就要比d時間去適應下架喇。

      刪除
  7. 師公明天出發探親,玩得開心啲。:D

    回覆刪除
    回覆
    1. 約左架的士5點9,坐7點55分既機。
      也約左blog 友在機場接我。頭兩既行程及第二既既住宿,就麻煩這個blog友喇。

      刪除
    2. 5點9都唔見個的士司機同我聯絡,打電話比佢,佢誤會左我是下午要車,還好可以安排八分鐘後有另一輛車接我。

      刪除
    3. 現在應該無問題啦。的士司機的時間觀念好少咁差。

      刪除
    4. 話咁快又玩完一轉囉。

      刪除
    5. 係呀,昨晚返香港架,你真好記性。

      刪除
  8. 好開心可以繼續睇到你的旅遊網誌,有個不情之請,文章內容的字可以大少許嗎?謝謝!

    回覆刪除
    回覆
    1. 歡迎你呀!稍後我嘗試一下吖。要比D時間我呀!放大左D字,可能D格式都變埋,要D時間去攪攪佢。

      刪除

有興趣大家互動一下嗎?