這次日本九州行程，是於4月韓國自駕遊回港後所決定。團友在網上曾搜尋國泰假期、日航假期及Priceline.com的機票+酒店套裝行程，最終決定選購Priceline.com的套裝行程。
預定套裝行程是用電郵跟Priceline.com聯絡。網頁內說明會在24小時內回覆客戶，但過了48個小時仍未有回覆，1733還跟團友說可能回覆的時間是不包括星期六及星期日。
星期一仍然未收到電郵或電話的回覆。所以團友便打電話到Priceline.com查詢。回覆報價是機票+兩晚福崗酒店兩位計9,3xx元包稅。這一個價錢跟在網上看到的價錢貴了800元，解釋是因為平機票已經沽清。團友跟該職員說可以選擇在6月任何一天出發，但所得回覆是整個6月的平機票已賣完。最後團友也接受9,3xx元這一個價錢並確認購買這一個套裝行程。
又過了一天，沒有收到Priceline.com的確認回覆，團友致電該職員也聯絡不上，於是便用電郵跟她聯絡。該職員回覆是本已想打電話給團友，跟著告知團友原本報價9,3xx元套裝行程內的酒店已無房，而其他同級同區的酒店也沒有房，所以有必要將酒店的等級降為2星至3星，而行程收費會加至10,xxx元。
團友覺得這個回覆及報價並不合理所以而沒有幫襯Priceline.com。
上面寫出來不是要投訴某公司、某人，而是想借此篇Blog講一下所遇到的所謂服務。本來Priceline.com會做成一單生意，但這位員工的服務就令公司有所損失。
不購買套裝行程就只需在網上搜尋機票。團友在Zuji買到跟預算日期遲一天的來回機票，而機票的價錢是每位3,828元包稅，即兩位7,656元。另外我們亦已在東橫Inn預定了第一晚在(福崗縣)[福崗市]博多站前和最後一晚在(福崗縣)[北九州市]小倉北區兩晚房間。兩晚共收費約475元 + 465元 = 940元。
即自製套裝行程收費兩位計：7,656 + 940元 = 8,596元
比較Priceline.com平了約1,900元，而且酒店也不局限兩晚都要在同一個地區，自由度又大了很多。
這次九州行將是乘坐港龍機去，國泰機返。
出發日期：2015年6月21日(星期日)
回港日期：2015年6月28日(星期日)
來回機票 + 稅：3,554元 + 275元 = 3,829元
兩位計：7,108元 + 550元 = 7,658元
按以下的連結，可以直接到相關的blog。
1!!!
回覆刪除price.com 我都聽過人話麻麻地. 無謂將本來旅行開心事變一肚子氣. 揾間有信譽既安全d.
刪除小月，你咁快手嘅？
刪除我地都無激氣到架，不過睇到香港既服務如果大部份都變成咁就慘喇！
刪除又出發真羨慕, 但Zuji都唔好得去邊, 同事經驗搞到在機場出唔到發, 臨時在機場買其他機票, 回來還告了他一狀取回費用
刪除今日既節目改咗下午．大家都係差唔多時間做野 :)
刪除仲以為 zuji ok. 係網上booking 都仲係覺得唔安全．
Mandy，其實兩間公司我地都幫襯過好多次架喇！間間公司都會在不同時段出現不同的問題，睇下係大還是小問題咋。
刪除我都算好彩暫時都無大問題出現過。
我有幫襯過旅行社既Agent定機票+酒店架。好似去立山黑部嗰次，book野book到亂晒龍，成日自己要check 完又check，要話比佢知邊度錯左唔啱。佢話改左，但有酒店房最終都係無攪返啱，仍然係要局住吸煙房。
小月，我無節目，一早起身就寫。做完家務就食完野又開工寫。愈寫愈過癮。
刪除你寫得過癮， 我地無旅行去都睇得開心 ^^
刪除聽你咁講我仲開心。
刪除Priceline我用左十年，只係近年太多hkexpress, vanilla, peach先無再用。
刪除通常直接call個priceline員工搞掂，佢已經由前線員工升了幾級做經理。
呢d情況應該都唔常出現既，可能我又幫襯唔多，成功做成一單，人頭計先收30蚊，我兩個人就收60蚊。又唔係經常幫襯。
刪除咁快又開工? 吾係嘛!!
回覆刪除雙線發展啫。
刪除大哥又出發
回覆刪除係就快出快咋，今年第二次。
刪除師公, 我同你差不多同期喺日本, 只不過你喺南我喺北, 天各一方呢 ^^
回覆刪除大小姐不如帶埋我呢個大鄉里去見識下世面 :D
刪除嘩, 你帶我就差不多, 你識去既地方多我好多, 我去既係已經俾人去到爛, 影啲相熟口熟面.
刪除Nerissa，雖然天各一方，但仍在同一個小島上。
刪除九州就第一次玩。日本我第三次去咋。
快啲出行程睇吓, コーさん今個月中都去九州.
刪除而家寫緊住宿篇呀！行程篇會跟住出埋。
刪除會唔會有失落的亞蘇呀 ^^
刪除失落的亞蘇？係唔係指阿蘇火山呀？如果係就有呀！
刪除我下星期短trip阿蘇呀。
刪除短成點呀？少過5天？
刪除五日四夜。
刪除一家大細去?租架乜野車同埋去邊間租呢？
刪除一家大小三個。車就去orix租四天，Honda fit, 16000日元左右包保。
刪除我剛去Toyota rent a car 租左車，6日+4個小時 + 附加保險43,416円。係P2車黎既。
刪除我諗差不多，因為一個月租，可能無特價。
刪除今次我在toytota rent a car 租車有八折，好抵呀！
刪除如果我唔買附加保險，3萬幾円就得喇。
附加保險即墊底費NOC都唔洗俾？我通常用旅遊保包左，可以賠三千港元，差不多包到五萬日元。
刪除日文我就唔識睇，佢寫免責保償制度，收1,080円(稅入)/24小時。我估應該係掛。
刪除呢個基本保CDW。如果你想墊底都唔洗，買旅遊保包自駕那些。
刪除我以為基本保險係租車時租車公司包左嗰隻。
刪除priceline我只試過一次幫我個仔訂台灣機票，自己就未用過。
回覆刪除我都plan緊年尾去北九州玩幾日。
我地無特定幫襯邊間或唔幫襯邊間，只係睇邊間D機啱自己多D，邊間酒店房好D來決定。
刪除咁你地平時點樣買機票架？
年尾去？諗住去幾多日呀？
我通常直接上航空公司網站買機票，再用日本訂房網訂房。
刪除諗住去9日，不過都未買機票。到時要參考你個租車篇。
租車等團友既同事返工幫手去Toyota Rent-a-Car睇下用日文版租車會唔會平D先至租。
刪除師公可以參考 t 先生既租車篇
刪除http://klnhk.blogspot.hk/2014/11/blog-post_15.html
唔該晒你呀！我而家就去睇睇先。
刪除睇左，我睇埋Toyota rent a car先至決定用邊間租車公司。
刪除師公，想問你兩班機幾點起飛。同埋你係機場攞車定福岡攞呀?
回覆刪除班機幾點起飛？
刪除去程11點幾，返程4點幾。
機場攞車定福岡攞呀?
福崗東橫inn博多站前隔離攞車。勁方便。
你呢？你買左乜野機票呀？
我買HKExpress, 13:05去程, 18:00回程, 遲你兩個鐘出發, 又遲兩個鐘走。
刪除我而家考慮緊係機場攞車定福岡攞，如果機場攞車就直接去佐賀。
咁即係話日本時間成7點先至到。
刪除建議你不如在福崗過一晚夜，第二朝先至攞車。
因為晚上開車比較危險呀！
我以前到九州係機場夜晚直接踩去HUIS TEN BOSCH。
刪除機場／福岡攞車都無分別啦，差幾個站，10 mins 地鉄。
我下星期都係UO，旁晚到步，第二天瞓醒0800博多攞車。
刪除我年輕時，大都會盡量用盡一分一秒。而家年紀大，所以都會安排在黃昏前到達酒店。如果晚上有節目或食飯，都已經在酒店休息左一陣才再開車，在駕駛方面會比較安全一些。
刪除因為要去佐賀睇熱氣球節，機場攞車直接落佐賀會方便啲。
刪除了解。咁要小心開車呀！
刪除如果有時間一向自己BOOK機票、酒店比較平，因這些中間人一定要賺錢，
回覆刪除不過我上年9月去九州機票連酒店加車6日5夜都係$7500一位，今年個價貴返咁多，另酒店可以試下找TRIVAGO, 都幾平，但留意有D是未包稅
你個package勁勁勁抵啦！咁都比你遇上，正呀！
回覆刪除我姐姐在安達旅運找的
刪除你姐姐經常幫襯這一間旅行社？
刪除佢公司好用呢間訂機票出TRIP
刪除唔怪知得啦，成日有幫襯，係唔同D既。
刪除Priceline我都有幫襯，主要買機票，因為明碼實價响網上check到，去旅行好多時我都係機票和酒店分開book，酒店响日本酒店網多好多選擇
回覆刪除雖然機票可以响airline度book，但通常online book要即confirm即俾錢，經agent可以先hold位，等deadline再出飛，可以有多D時間考慮，總之一日未出飛都仲可以改，較有彈性
我地就各大網上既賣機票既公司，包括航空公司都有幫襯，主要係要睇邊間公司既機票平D。同時我地都好少買package架，這一次係團友睇到，淨買機票都唔平，睇到買package仲抵先至打package既主意。
刪除我地反而唔like agent買機票或套票，因為無次係做得好既。
我而家都買左韓國和紐西蘭既機票架，不過就仲未plan咋。
回覆刪除嘩, 咁多伋假去旅行嘅, 莫非已在享受退休生活?
而家未，仲有幾年就退休喇！
刪除見到D同事後生過我，有D大我幾年，唔知攪乜鬼，腳步咁快，唔係仲走先過我就病左。所以都係襯行得走得玩住D先。
咁又係, 襯行得走得要玩啦!! 不過你真係好多假囉.
刪除做左三十幾年，我而家仲有一百九十幾日假呀！
刪除嘩，如果私人公司就每年被迫消假，finance角度唔能夠俾人hold咁多有薪假未放。
刪除你有時會聽到，退休前渡假這一句說話。
刪除你可想言知，我以前真係無乜去旅遊架。
1733, 您好，好耐冇嚟這裡，剛尋找九州資料時看到你的九州行。
回覆刪除前年曾在九州自駕遊，有少少經驗跟你分享，租車時記得預定埋ETC咭，因公路費好多時有折扣。
Ada 你好呀！歡迎你黎探我呀！
刪除無左yahoo blog 好多blog友都四散，有D應該都再無寫blog喇。
我有問租車公司預定埋ETC咭架，不過佢叫我打電話同佢地講。雞同鴨講，所以無打電話比租車公司囉。
咁你又點樣預定埋ETC咭架？