搜尋此網誌

2015年5月10日星期日

2015年06月 ─ 日本九州8天自駕遊 (機票篇)

這次日本九州行程,是於4月韓國自駕遊回港後所決定。團友在網上曾搜尋國泰假期、日航假期及Priceline.com的機票+酒店套裝行程,最終決定選購Priceline.com的套裝行程。

預定套裝行程是用電郵跟Priceline.com聯絡。網頁內說明會在24小時內回覆客戶,但過了48個小時仍未有回覆,1733還跟團友說可能回覆的時間是不包括星期六及星期日。

星期一仍然未收到電郵或電話的回覆。所以團友便打電話到Priceline.com查詢。回覆報價是機票+兩晚福崗酒店兩位計9,3xx元包稅。這一個價錢跟在網上看到的價錢貴了800元,解釋是因為平機票已經沽清。團友跟該職員說可以選擇在6月任何一天出發,但所得回覆是整個6月的平機票已賣完。最後團友也接受9,3xx元這一個價錢並確認購買這一個套裝行程。

又過了一天,沒有收到Priceline.com的確認回覆,團友致電該職員也聯絡不上,於是便用電郵跟她聯絡。該職員回覆是本已想打電話給團友,跟著告知團友原本報價9,3xx元套裝行程內的酒店已無房,而其他同級同區的酒店也沒有房,所以有必要將酒店的等級降為2星至3星,而行程收費會加至10,xxx元。

團友覺得這個回覆及報價並不合理所以而沒有幫襯Priceline.com。

上面寫出來不是要投訴某公司、某人,而是想借此篇Blog講一下所遇到的所謂服務。本來Priceline.com會做成一單生意,但這位員工的服務就令公司有所損失。

不購買套裝行程就只需在網上搜尋機票。團友在Zuji買到跟預算日期遲一天的來回機票,而機票的價錢是每位3,828元包稅,即兩位7,656元。另外我們亦已在東橫Inn預定了第一晚在(福崗縣)[福崗市]博多站前和最後一晚在(福崗縣)[北九州市]小倉北區兩晚房間。兩晚共收費約475元 + 465元 = 940元。

即自製套裝行程收費兩位計:7,656 + 940元 = 8,596元

比較Priceline.com平了約1,900元,而且酒店也不局限兩晚都要在同一個地區,自由度又大了很多。

這次九州行將是乘坐港龍機去,國泰機返。

出發日期:2015年6月21日(星期日)

回港日期:2015年6月28日(星期日)

來回機票 + 稅:3,554元 + 275元 = 3,829元

兩位計:7,108元 + 550元 = 7,658元

按以下的連結,可以直接到相關的blog。


68 則留言:

  1. 回覆
    1. price.com 我都聽過人話麻麻地. 無謂將本來旅行開心事變一肚子氣. 揾間有信譽既安全d.

      刪除
    2. 小月,你咁快手嘅?

      刪除
    3. 我地都無激氣到架,不過睇到香港既服務如果大部份都變成咁就慘喇!

      刪除
    4. 又出發真羨慕, 但Zuji都唔好得去邊, 同事經驗搞到在機場出唔到發, 臨時在機場買其他機票, 回來還告了他一狀取回費用

      刪除
    5. 今日既節目改咗下午.大家都係差唔多時間做野 :)
      仲以為 zuji ok. 係網上booking 都仲係覺得唔安全.

      刪除
    6. Mandy,其實兩間公司我地都幫襯過好多次架喇!間間公司都會在不同時段出現不同的問題,睇下係大還是小問題咋。
      我都算好彩暫時都無大問題出現過。
      我有幫襯過旅行社既Agent定機票+酒店架。好似去立山黑部嗰次,book野book到亂晒龍,成日自己要check 完又check,要話比佢知邊度錯左唔啱。佢話改左,但有酒店房最終都係無攪返啱,仍然係要局住吸煙房。

      刪除
    7. 小月,我無節目,一早起身就寫。做完家務就食完野又開工寫。愈寫愈過癮。

      刪除
    8. 你寫得過癮, 我地無旅行去都睇得開心 ^^

      刪除
    9. 聽你咁講我仲開心。

      刪除
    10. Priceline我用左十年,只係近年太多hkexpress, vanilla, peach先無再用。

      通常直接call個priceline員工搞掂,佢已經由前線員工升了幾級做經理。

      刪除
    11. 呢d情況應該都唔常出現既,可能我又幫襯唔多,成功做成一單,人頭計先收30蚊,我兩個人就收60蚊。又唔係經常幫襯。

      刪除
  2. 師公, 我同你差不多同期喺日本, 只不過你喺南我喺北, 天各一方呢 ^^

    回覆刪除
    回覆
    1. 大小姐不如帶埋我呢個大鄉里去見識下世面 :D

      刪除
    2. 嘩, 你帶我就差不多, 你識去既地方多我好多, 我去既係已經俾人去到爛, 影啲相熟口熟面.

      刪除
    3. Nerissa,雖然天各一方,但仍在同一個小島上。
      九州就第一次玩。日本我第三次去咋。

      刪除
    4. 快啲出行程睇吓, コーさん今個月中都去九州.

      刪除
    5. 而家寫緊住宿篇呀!行程篇會跟住出埋。

      刪除
    6. 會唔會有失落的亞蘇呀 ^^

      刪除
    7. 失落的亞蘇?係唔係指阿蘇火山呀?如果係就有呀!

      刪除
    8. 我下星期短trip阿蘇呀。

      刪除
    9. 短成點呀?少過5天?

      刪除
    10. 一家大細去?租架乜野車同埋去邊間租呢?

      刪除
    11. 一家大小三個。車就去orix租四天,Honda fit, 16000日元左右包保。

      刪除
    12. 我剛去Toyota rent a car 租左車,6日+4個小時 + 附加保險43,416円。係P2車黎既。

      刪除
    13. 我諗差不多,因為一個月租,可能無特價。

      刪除
    14. 今次我在toytota rent a car 租車有八折,好抵呀!
      如果我唔買附加保險,3萬幾円就得喇。

      刪除
    15. 附加保險即墊底費NOC都唔洗俾?我通常用旅遊保包左,可以賠三千港元,差不多包到五萬日元。

      刪除
    16. 日文我就唔識睇,佢寫免責保償制度,收1,080円(稅入)/24小時。我估應該係掛。

      刪除
    17. 呢個基本保CDW。如果你想墊底都唔洗,買旅遊保包自駕那些。

      刪除
    18. 我以為基本保險係租車時租車公司包左嗰隻。

      刪除
  3. priceline我只試過一次幫我個仔訂台灣機票,自己就未用過。
    我都plan緊年尾去北九州玩幾日。

    回覆刪除
    回覆
    1. 我地無特定幫襯邊間或唔幫襯邊間,只係睇邊間D機啱自己多D,邊間酒店房好D來決定。
      咁你地平時點樣買機票架?
      年尾去?諗住去幾多日呀?

      刪除
    2. 我通常直接上航空公司網站買機票,再用日本訂房網訂房。
      諗住去9日,不過都未買機票。到時要參考你個租車篇。

      刪除
    3. 租車等團友既同事返工幫手去Toyota Rent-a-Car睇下用日文版租車會唔會平D先至租。

      刪除
    4. 師公可以參考 t 先生既租車篇
      http://klnhk.blogspot.hk/2014/11/blog-post_15.html

      刪除
    5. 唔該晒你呀!我而家就去睇睇先。

      刪除
    6. 睇左,我睇埋Toyota rent a car先至決定用邊間租車公司。

      刪除
  4. 師公,想問你兩班機幾點起飛。同埋你係機場攞車定福岡攞呀?

    回覆刪除
    回覆
    1. 班機幾點起飛?
      去程11點幾,返程4點幾。

      機場攞車定福岡攞呀?
      福崗東橫inn博多站前隔離攞車。勁方便。

      你呢?你買左乜野機票呀?

      刪除
    2. 我買HKExpress, 13:05去程, 18:00回程, 遲你兩個鐘出發, 又遲兩個鐘走。
      我而家考慮緊係機場攞車定福岡攞,如果機場攞車就直接去佐賀。

      刪除
    3. 咁即係話日本時間成7點先至到。
      建議你不如在福崗過一晚夜,第二朝先至攞車。
      因為晚上開車比較危險呀!

      刪除
    4. 我以前到九州係機場夜晚直接踩去HUIS TEN BOSCH。

      機場/福岡攞車都無分別啦,差幾個站,10 mins 地鉄。

      刪除
    5. 我下星期都係UO,旁晚到步,第二天瞓醒0800博多攞車。

      刪除
    6. 我年輕時,大都會盡量用盡一分一秒。而家年紀大,所以都會安排在黃昏前到達酒店。如果晚上有節目或食飯,都已經在酒店休息左一陣才再開車,在駕駛方面會比較安全一些。

      刪除
    7. 因為要去佐賀睇熱氣球節,機場攞車直接落佐賀會方便啲。

      刪除
    8. 了解。咁要小心開車呀!

      刪除
  5. 如果有時間一向自己BOOK機票、酒店比較平,因這些中間人一定要賺錢,
    不過我上年9月去九州機票連酒店加車6日5夜都係$7500一位,今年個價貴返咁多,另酒店可以試下找TRIVAGO, 都幾平,但留意有D是未包稅

    回覆刪除
  6. 你個package勁勁勁抵啦!咁都比你遇上,正呀!

    回覆刪除
    回覆
    1. 我姐姐在安達旅運找的

      刪除
    2. 你姐姐經常幫襯這一間旅行社?

      刪除
    3. 佢公司好用呢間訂機票出TRIP

      刪除
    4. 唔怪知得啦,成日有幫襯,係唔同D既。

      刪除
  7. Priceline我都有幫襯,主要買機票,因為明碼實價响網上check到,去旅行好多時我都係機票和酒店分開book,酒店响日本酒店網多好多選擇
    雖然機票可以响airline度book,但通常online book要即confirm即俾錢,經agent可以先hold位,等deadline再出飛,可以有多D時間考慮,總之一日未出飛都仲可以改,較有彈性

    回覆刪除
    回覆
    1. 我地就各大網上既賣機票既公司,包括航空公司都有幫襯,主要係要睇邊間公司既機票平D。同時我地都好少買package架,這一次係團友睇到,淨買機票都唔平,睇到買package仲抵先至打package既主意。
      我地反而唔like agent買機票或套票,因為無次係做得好既。

      我而家都買左韓國和紐西蘭既機票架,不過就仲未plan咋。

      刪除

  8. 嘩, 咁多伋假去旅行嘅, 莫非已在享受退休生活?

    回覆刪除
    回覆
    1. 而家未,仲有幾年就退休喇!

      見到D同事後生過我,有D大我幾年,唔知攪乜鬼,腳步咁快,唔係仲走先過我就病左。所以都係襯行得走得玩住D先。

      刪除
    2. 咁又係, 襯行得走得要玩啦!! 不過你真係好多假囉.

      刪除
    3. 做左三十幾年,我而家仲有一百九十幾日假呀!

      刪除
    4. 嘩,如果私人公司就每年被迫消假,finance角度唔能夠俾人hold咁多有薪假未放。

      刪除
    5. 你有時會聽到,退休前渡假這一句說話。
      你可想言知,我以前真係無乜去旅遊架。

      刪除
  9. 1733, 您好,好耐冇嚟這裡,剛尋找九州資料時看到你的九州行。
    前年曾在九州自駕遊,有少少經驗跟你分享,租車時記得預定埋ETC咭,因公路費好多時有折扣。

    回覆刪除
    回覆
    1. Ada 你好呀!歡迎你黎探我呀!
      無左yahoo blog 好多blog友都四散,有D應該都再無寫blog喇。
      我有問租車公司預定埋ETC咭架,不過佢叫我打電話同佢地講。雞同鴨講,所以無打電話比租車公司囉。
      咁你又點樣預定埋ETC咭架?

      刪除

有興趣大家互動一下嗎?